Ayup 28:26 - Ala Wone Peenok Peebi Mbanak

²⁶ O mayu wage logorak koonogo pege, O kimbik eeke logonet, ngguurubu eeke logorak koonogo pege, Eeke nagagerik,

Ayup 28:26 ပူးပေါင်းရင်းမြစ်များ

Ayup 28:27

Iniki warak ti, togop aret menggerak kagi, Yinuk, liippege, abut mbangge, Iniki warak togop aret logowak o, yinuk, mbake, Eeke nagagerik,

Ayup 36:26

At Ala ti, mondok iya tiyanak lombok wonage me, At nonggoti liippubok age, At ndarak kagak tahun mande eekerak nineenu age, Eeriyak meek aret o.

Ayup 36:27

At Ala nen nggween aagi wonok pi lagangge, Iyaagi lenggenogo pege, Eeke nagaatik,

Ayup 36:29

Ndugwi wiganogo pit nage, At menggim mbogut paga nen ngguurubu eeke, Eeke menggerak nogo ti, Ta nen liippuurak mbaken?

Ayup 36:32

O kimbik at eenggi paga waganogo, Ti wari nak o, yinuk, Yamburogo nappege menggerak me,

Ayup 37:11

Ndugwi paga mayu narogo pege, Ndugwi nen o kimbik nggaganogo nappuwak nduk eeppege, Eeke menggerak.

Ayup 37:2

Wologwe wae! Kinaruk logonip o. At Ala oone ngguurubu negen eeke, Ambe me nen oone kole eerogo wumbi wage, Eeke nogo Konenggo logonip o.

Ayup 37:3

At nen mbogut abu'na abok aret o kimbik telanogo nappit nage, O nggween paga irip-irip abok aret eya pindanogo nagabit nage, Eeke logomenggerik,

Ayup 37:4

Oone kole eerogo wumbi wage, Oone nggwok mondok iya ngguurubu kwak ari, Eeke logonet, Puk aga'lek pindan-pindan eeke menggerak o.

Ayup 37:6

At nen ndugu-ndugu yoge logonet, nduguk togon nggween paga wambu o, yoge, Ndi, o mayu yoge logonet, mayu nggwok lubu-lubu wambu o, yinuk, yoge, Eeke menggerak.

Ayup 38:25

Nggween aakumi wonogolik me inom, aakumi lek me karume inom, miin eerogo pege, Aakumi lek nggween mbuk eerak me, iri'ngga ki laganuwak nen, nggween yawenogo pege, Eeruwak nduk, O mayu lubu-lubu wambuurak nogo ta nen aru mbininogo pege, O ngguurubu oone agan nawak nduk, ta nen aru koonogo pege, Eeke menggerak mbaken?

Ndawi 135:7

At piirogo menggim nen Ndugwi o nggween irip-irip nen nippit wage, Mayu wage kagak o kimbik kilanogo nappit wage, O wiya warit woraawak nduk, wumbit wage, Eeke menggerak o.

Ndawi 148:8

O yabok inom, mayu anggen inom, Ndugu-ndugu inom, iyaagi inom, at Ala nen yokkirage kenok eeka o wiya nabuninuk naga inom,

Kini Wuppiige 8:22

Aliku ALA nen o maan togon yi mendek ndi mendek awo ogobakkigika'lek kagak at nimbirak aret wonagagirak.

Yeremiya 14:22

It yi aakumi ndi aakumi aanom warogo ayuk wuko menggaarak inagugi nogo nen o mayu wuppi wage, Ndi, mbogut alik nen o mayu lubu-lubu wurabit wage, Eeko menggaarak mbakop? Lek aret o! Kat ninogoba Kaliku Ala kalik nen mban aret eeke menggendak o. Ti abok aret eerit nage nogo ti, kat nen aret eeke menggendak me, nit niniki kat paga lunik aret ogoorik o.

Amot 4:7

“Tut kenagan penembunuk, anggen mbaniyak aret kwe, o mayu wura wage kero, tu nake, O kota ambime mayu wuppi wage logonet, o kota ambime mayu wuppi waga'lek mbo piige, Ineyabu ambi yagat wurik me o mayu wogorage logonet, ineyabu ambi yagat wurik me o mayu wogoraga'lek mbuk eerogo piige, Eereegirak paga

Takariya 10:1

O mayu nggwok woraawak nduk, Aliku ALA nen ndugwi kuwak eerogo pege, It aakumi inalitak inake mayu nggwok wogorage, Mayu wogoramenggerak paga yi mendek ndi mendek yarak nogo obeelom eerogo pege, Eeke menggerak me, Yi mendek ndi mendek agarit larit nage eyom paga mayu woraawak nduk, Aliku ALA nggino yogo logonip o.