Ayup 28:23 - Ala Wone Peenok Peebi Mbanak

^23-24 At Ala nen perak, Nggween alome nen nok, irip-irip enegen kage, Yi mendek ndi mendek mbogut abu'na menggaarak abok aret maloppiige, Eeke menggerak me, At lombok nen iniki warak mamunggo menggam tu eenu wonage, Wone abok yelok kaga wonage menggim liippege, Eeke menggerak o.

Ayup 28:23 ပူးပေါင်းရင်းမြစ်များ

Ayup 28:12

Togop eeko menggaarak kwe, Iniki warak nogo o nggeeme wonage me kwaakwi, Yi wone ndi wone yelok kaga nogo nggeeme wonage me ineenu ogwe, Eeriyak mbakop?

Ayup 28:20

Iniki warak nogo ti, o nggeeme wonage me kwaakwi, Yi wone ndi wone yelok kaga nogo ti, nggeeme wonage me ineenu ogwe, Eeriyak mbakop?

Ayup 9:4

At Ala ti, yi wone ndi wone eenu wonage, At mondok omaawi aret wonage, Eeke menggerak me, At eerit nage kagak it ambi nen inogogumbuk a'nuk Non mbanogo pege kenok, teppiyaagin mbaken?

Ndawi 147:5

Ninogoba ti, nggwok lombok logonet, Omaawi mondok iya wonage, Wone ambi eenggo'lek lek abok aret eenu wonage, Eeke menggerak o.

Ndawi 19:7

Kaliku ALA yereegindak liiru mbanak nogo ti, Nit aakumi eeppinaniyak ambi yobok yaga'lek mondok ndak-ndak eeppinaniyak mbanak wonage, Nit niniki kinik lek nogo, niniki kinik warak eerogo pinangge, Eeko logorak Kaliku ALA yaga'ndak nogo, niniki ti paga panggonak logorak op me, Nineenggo'lek kenok, niniki warak eeppinanege, Eeke menggerak o.

Kini Wuppiige 8:14

Inaruk waka, iniki liippunuk koongga, ti, an aret unde wonage, Wone alom ineenu aga, omaawi eeppiiga, ti, an noba mban wonage, Eerak aret agarik o.

Wone Alom Kibingga 7:24

Iniki warak nogo ti nda negen wonage, ndi, abu kiraarak lombok wonage, eerak me, Ta nen kwaakkoorak mbakop? Meek aret me,

Matiyut 11:27

Yoge nagagerik, ambinom yora-ge logonet, “An nogoba nen yi mendek ndi mendek abok aret an unde logokit nduk, eeppaneegerak. Ndi, Ala aput yi ti, it aakumi mondok ineenggo'lek nogoba alik mban eenu menggerak. Ndi, nogoba ti, aakumi mondok ineenggo'lek at aput an nalik mban neenu minggirak. Ala aput an lombok nen, It aakumi nogoba ineenu aruwak nduk, paganogo yoraakit, mba'nuk, yorage neenok mban ineenu ogo menggaarak.

Nappiigak 15:18

At togop eeke menggerak o maan nen yereegerak nogo kinogoba Ala nen aret yereegerak me, yokkiragi o, yinuk, yoragagerak wone liiru mbaneegwaarak me, yokkiragi o.

Oroma 11:33

Ala iniki warak lombok nen yi wone ndi wone eenu menggerak me, oba ngginik kagak obeelom eeppinanit wundi wage menggerak me, iya! At iniki koombunuk eeke menggerak nit nen kibinit ungguurak op mbakop? Ndi, at eeke menggerak nit liippit ungguurak op mbakop?

1 Korindut 1:30

Ti kenok, at Ala nen Keritut Yetut ninom kunogo pinaneegerak me, ninom kunik logonet, at Keritut eereegerak paga yi wone ndi wone nineenu eeppinanege agaarik o. Niniki obeelom eerogo pinanege, Ala apuri at ake logowok nduk, leenogo pinanege, ndi, nit keele maarak negen wonogogurak nogo, ninonggo mbanogo punuk, wondet agago pinanege, eereegerak nogo ti, Keritut aret o.