Ayup 28:13 - Ala Wone Peenok Peebi Mbanak

¹³ Iniki warak nogo ti, iya lombok me, Aakumi nen liippega'lek aret wonogwe, Aap ineenik wonogo menggam kwaaka'lek wonogwe, Eeko agaarik.

Ayup 28:13 ပူးပေါင်းရင်းမြစ်များ

Ayup 28:14

Yi laut abu'me lombok yenggenak nen ari logonet, Iniki warak alom an paga wonage lek o, ari, Yi laut irimbaga yenggenak nen ari logonet, Iniki warak alom an paga wonage lek mban, ari, Yogo menggaarak o.

Ndawi 119:72

Mbuti perak inom, mbuti emas inom, ambik lombok me, lingginiyak meek ti, Niniki kundugu lek negen aret kwe, Koone wumbereegindak Muta nen liiru mbaneegerak perak, Niniki kundugu lombok minggirak o.

Ndawi 19:10

Mbuti emas onggo iya kenok kwaarit nugwi, Abinak pindan-pindan eeke kenok iniki kunik eekwi, Eeko menggaarak ti, iya kwe, Kaliku ALA kawone yugu nogo perak, Mondok iya lombok aret agaarik o. Ndi, nggiin amburu ombat abe kogwe, Nggiin pugunik me nen amburu puk wanggak eeke nogo ombat tele kogwe, Eekwi ti iya negen kwe, Ti kunduk meek o. Kaliku ALA kawone yugu nogo ti, Ombat abu abe mondok alik lombok agaarik o.

Ndawi 27:13

O nggween paga aakumi ineenik wonogo menggam yime At Aliku ALA nen Aakumi obeelom eeppiinet nage menggerak nogo An togon togop ee'nabigin abet aret mbake agarik o.

Ndawi 52:5

Togop eerit nege menggendak me, Ala nen kat mondok lek eerogo pagage, Kawooliyana nen pippaganuk, nigogo wumbagage, Eyo alom kinogo nappogo mengga kwak, O nggween paga aakumi wonogwe inenggela'me nen Kat togop aret eerogo pagage, Eerigin mbake logot o!

Kini Wuppiige 16:16

Mbuti perak waganggwi ti, op negen kwe, yi wone ndi wone alom ineenu ariyak ti perak, iya o. Mbuti emas waganggwi ti, op negen kwe, iniki warak ariyak ti, iya lombok o!

Kini Wuppiige 23:23

Wone pilit lek abet yogwe nogo kunggolage logomenggendik, aap ambi inoba kuniyak mage o. Iniki warak ariyak wone inom, inaruk wariyak wone inom, ineenu ariyak wone inom, mugurok nage logot o.

Kini Wuppiige 8:11

Yugum etenggen kere'li-kere'lo eerak ti, iya negen kwe, Iniki warak nogo ti, mondok iya lombok me, yi mendek ndi mendek uugwe mba'nuk kolamenggaarak nogo Iniki warak ti kwak lek me, imbirak ndak-ndak wakkoorak meek aret o.

Yetaya 38:11

An nen, Aliku ALA nenegen ambinom kage, Aakumi wonogo menggam o nggween paga yime nen Aliku ALA nenegen ambinom kage, Aakumi kunduk nenegen iige, Aakumi ineenik nggween paga awo wonogwe ambiret iluk ambi nenegen iige, Eerigin lek o.

Yetaya 53:8

Awone amburu liirogon mbanggwi, eekerak ndak-ndak eeppugwi, eeka'lek logonet, Inoone yimbu-lambu eerogo wonok nogogwaarak. Ndi, at paga wiganak nogo taani o? Lek aret me, at awone mbanulik aret o. Napuri wone yugu taganogo pogo nogogwaarak paga warogo pereegwaarak me, It aakumi wonogo menggam nen enggaawak lek aret agagerak.

Yetikiyen 32:24

O Elam kunduk, time wonage me, at kambeegerak eebe taanak wonage yendok-wandok time at awuri ineebe abok aret inoorak kambeegwaarak nogo, inabiruwak yinogo pit nagagerak wonage agaarik o. It aakumi ineenik nggween paga nugu menggam logonet, inamineeri ne agan noorak mendek eeginabit nugu nogogwaarak abok aret ti, inagabolo mbanak lek kagak nggween abu'na kiiniki paga wambit nogogwaarak wonogo agaarik o. It mbuun ambena aa'nduk wambit nogogwaarak inenggali mbakak wonogwe nogo, inom ndak-ndak inenggali kogo agaarik o.