Ayup 27:5 - Ala Wone Peenok Peebi Mbanak

⁵ Kit nen, Maluk eekendak, yo'nugwi nogo, Ti abet aret yo'nugwi, kinombake, Eerigin lek aret o. Ata, An maluk eerulik, ari neegak kambi nage,

Ayup 27:5 ပူးပေါင်းရင်းမြစ်များ

Ayup 13:15

An ambi eeriyak niniki lunik lek me, nooriyak mbake kagak kwe, Nawone nogo at enggaanom paga an nen aret naana'le mbanggolaagin o.

Ayup 17:9

Aap iniki abe koonak wonogwe nen it mugurok nogwe nogo aret mugurok nogwe, It aap maluk inikime kumaapporogo wonogolik kenok, iniki kole arit unggwage, Eeko logogun o.

Ayup 2:3

Yoge mbareegi, Aliku ALA nen Tile yoge, “An nayeloman Ayup aakumi o nggween paga menggaarak ndak-ndak lek alik mban iniki abu koonak me, aakumi inoone oba pega'lek wonogwe iigak, an Ala nayuk wuke, Maluk neebi o, yinuk, mbo pege, eeke menggerak nogo kat liippege agandik ilik, lek a? Alom lek kagak an nen Ayup maluk eerogo pikit nduk, nabenak mban yo'nirit unggwage mbaken, E, yokkigirak wakkagandak kwe, at iniki abe koonak nogo lek aga'lek mondok nu'lek aret wonage o.”

Ayup 2:9

Eeke wonage me, at akwe nen at yoge logonet, “Yogobi eeppagage kagak kiniki abe koonak mban logorak mbakendak ya? Ala pulunogo punuk kambu o.”

Ayup 29:14

Obeelom eeppiinet nage nagagirak ti, nayum kwak yirikkolage, Aap inawone liirogon amburu mbangge nagagirak ti, nayum nggorek kwak, nabetagi kwak, yikkolage, Eeke nagagirak.

Ayup 31:6

Aaninggin abu abe wakkogo mengga kwak, At Ala nen an liippaninuk, maluk eerulik aret neyaagin o.

Ayup 31:7

Tu abe kagak nomok togon nage, An nenegen kenok niniki nenet nage, Maluk neenggi paga lenggenak wonage, Eeke neenok,

Ayup 32:1

At Ayup nogo nen, “An aap abe niniki koonak aret o,” mban mbake me, aap kenagan nogo wone onggo ambinom yorulik puk aret ogogwaarak.

Ayup 32:2

Puk iigak kwe, aap anebunu Aram paga wiganak o Mbut mendek endage Mbaraken aput Eliku nogo perak, at Ayup nogo nen, “An aap obeelom neegak Ala maluk eeppanege ti, nonggop nduk eeke agarik o?” ari ti paga anini ombake,

Ayup 32:3

ndi, oreewi kenagan nogo nen, “Kat maluk eekendak o,” yinuk, yogo logonet kwe, “Alom yi eekendak o,” yinuk, liik togon yoga'lek iinok, it kunduk, anini inombake, eereegerak.

Ayup 33:9

Kat nen ari logonet, An wone ambi tagangga'lek obeelom aret wonage, An maluk eeka'lek abu kikak naka'lek wonage, Eekirak kwe,

Ayup 42:7

At Aliku ALA nen wone ti abu aret Ayup yoge nagagerik, aap Teman mendek Elipat nogo yoge logonet, “An nayeloman Ayup nen nabok abe pagangge menggi kwak, kit togop yuulik me, kat inom, koreewi mbere inom, nanini kinombake agarik o.

Ayup 6:29

Maluk eerulik kagak, Maluk eekendak o, yo'nugwi ti, Lik togon yo'nugwi lek me, ambinom liippinip o. Liippugwi kiinok, abet aret an maluk eerulik neyaamunggup o.

Kini Wuppiige 17:15

Aap maluk eekerak kagak, “Eerulik o,” yogwi, Maluk eerulik aap abe kagak, “Maluk eekendak o,” yogwi, Eekwi ti, Imbirak Aliku ALA nen eebi lombok mbake menggerak.

2 Korindut 1:12

Nit eerit nogo logonet, liippunuk eerit nogo monggoorak kwe, kit kinenggela'me logonet perak, mondok iya lombok eeko nogogurak nogo, abeko logonet, it aakumi nggween paga mendek iniki koombunuk agan nugwi kwak agan nugwi, kinamendek kolaawok nduk, wone eegu nobat yokkirogwe, ti eeko logolik o. Ata, Ala niniki kunik nen omaawi eeppinanege kagak, mondok abet kenok mban kenom paganogo yokkirogo nogogurak nogo mban abe'nage kenok, “Op eekoorak me, ia!” yinuk, niniki ale'nggen mbako ogoorik o.

Nggalatiya 2:11

Ti'nuk, peebi at Yakobut nen awuri nappiya wagagerak nogo, awo waga'lek iigak, at Peterut nogo nen o Andiyokiya wage nagagerik, aap endekem konenggulik mendek inom mbi ugun nengge nagagerak kwe, Yakobut nen nappiya wagagerak nogo, wogwe iige nagagerik perak, “It yi, inagabolo mbanggo menggaarak me, nonggop yo'neremengga?” yinuk, agabiti nen ogookkolagagerak ti, maluk aret eereegerak me, an nggwok paga enggali wappereegirak.

Pelaareegerak 25:1

Yorage nagagerik, ambi yorage logonet, “Aap ambi imbirak wone wariyak age kenok, aap inowak loonggo menggam time namenggaarak me, it aap inowak loongga nogo nen wone aremenggerak nogo mbeenogo inowak loonggo logonet, at ambi oba abe eerogo pugwi, at ambi oba maluk eerogo pugwi, eeppunuk,