Ayup 27:20 - Ala Wone Peenok Peebi Mbanak

²⁰ Niyo wu'nuk wage logonet aan lebeninake kwak, Inamineeri noorak mendek inoba ari wage, Oonikiya paga o wiya nen iri'ngga wonok nage kwak, It togop aret wogoren nage,

Ayup 27:20 ပူးပေါင်းရင်းမြစ်များ

2 Endagembogut 19:35

Yoreegerak oonikiya ti eyom paga it Atiyut mendek nogo inawooliyana wonogwe me, at Aliku ALA ayonggo malayikat nogo wage nagagerik, aap wim eeka ineebe seratus delapan puluh lima ribu inoorogo piyareegerak me, ko'lu kuuben ineebe inoorak yumbunik-telenak aago wonogwe iyareegwaarak.

Ayup 15:21

Agabiti mbariyak wone nogo mban aruk konenggak eeke, Niniki ugun obeelom wonage, Mbake kagak, It aap maluk eeppiiga nogo nen at oba kwi'nari unggwogwe,

Ayup 18:11

Agabolo nirik-kirik eerogo puurak mendek enaagan-ambokan wonage, At nage kenok, mugurok aret nage,

Ayup 20:23

Inaanogum ake wurakak mban eeppunuk, It inigen keme aago wonogwe me, Mayu lubu-lubu wangge menggi kwak, At Ala anini kani negen inoba kwippiigak, kwippiigak, mban eeke logogin o.

Ayup 20:8

Inabi kagaatak lek age menggi kwak, Ineebe togop aret ineenggi-iniyok lek, lek ogwe, Oonikiya inabinggaanggo kagaatak lek age kwak, It togop aret lek ogwe, Eekwi iinok,

Ayup 21:18

Wiiri anggen o wiya nen wonok nage menggi kwak, Eyoongga menenak nombok-kombok wonok nage kwak, it togop aganake, Eeke menggerak nogo ti, Kuluk aret aganake menggerak mbakop?

Ayup 22:16

It kambuurak eyom nogo, awo ari waga'lek kagak kanggwi, Yi wu'nuk wage logonet, o ndengganinuk nage menggi kwak, It togop aret ineebe lek ogwe, Eereegwaarak.

Ayup 24:18

It aap maluk eeka ti, Iri'ngga niyo obaga wonok nege menggi kwak wonogwe, Inanggween unde menggam pulinik aret me, Ineyabu anggur yarak pekka naga'lek aret wonogwe, Eeko menggaarak.

Ayup 34:20

It aap abok ti, abera'lek me kanggwi, Nogo iniki mbere eeke paga it ineenggi warak nogo lek ogwe, Inomaawi ambik wonogwe nogo aakumi nen lek at Ala nen aret We negen lek eerogo piige kenok, inenggaawak lek ogwe, Eeko menggaarak.

Ndawi 18:4

Kanggwi ageele paga pirik-perek eerogo panege, Niyo wu'nuk nage logonet, Mu kale'ngga wonok nage menggi kwak An togop aret ee'nake,

Ndawi 42:7

Yi taakut wurabit wagagindak oone wo-wo ari ti, Niyo kole yenggenak ambi inikime nen Niyo kole yenggenak ambi inikime yoge, Yi nggwok kilaarak-mogonik eerogo wunabit nage menggendak nogo, An aret tebenogo panit wage, Eeke agaarik o.

Ndawi 83:16

Kaliku ALA wae. It aap ti nen, “Ala ngge o?” Yinuk, kwaakkabit woraawak nduk, inenggali lombok eerogo piyet o.

Ndawi 90:5

It aakumi ugun nogo yugwi iigak, iniki nggerok togon wonok nage menggendak o. It aakumi ti, O kubondendok iri'ngga anggup larak kwak wonogwe,

Wundeegwaarak 12:29

Ne ti paga o nogo iniki mbere eeke paga at Aliku ALA nen aap endagembogut kwi'ndak menggim kwi'ndak wonage Pirawun apuluk nogo nen nok, it aap keele maarogo mambiyareegwaarak inapurilogwe kuli inom, inaanggumi inom, o Metit paga manggu ndarak wonogwe, abok aret inoorogo piinet nagagerak.

Ndaniyen 5:30

Ne oonikiya ti eyom aret aap Meriya mendek endage Ndariyut nogo, ndarak tahun 62 ari nagagerak kagak at Mbelitiyatat abu'me piige menggim tebenggola unggwage logonet, aakumi o Mbaben inowe endagembogut Mbelitiyatat nogo warogo pereegwaarak.

Yunut 2:3

Kat nen niyo nggwok yenggenak laut oolo kiiniki paga lombok mbo wuppanege, Niyo alelo uwe ndingge logonet, nombok-kombok eerogo panege, Niyo kilaarak-mogonik eeke logonet, neebe taanogo panege, Eeke me,