Ayup 27:2 - Ala Wone Peenok Peebi Mbanak

² “At naana'le liirogon mbanggeelik eenik menggerak Ala endage paga, At niniki andi lombok eerogo panggerak Omaawi Lombok Menggerak endage paga, Wone ambi yokkira o.

Ayup 27:2 ပူးပေါင်းရင်းမြစ်များ

2 Tamuwen 2:27

Yoge mbareegi, at Yowap nen wone onggo yoge logonet, “Kat wone yi yo'nenetak lek nen, an nawuri ninom nen nowe-nawot kit mukkiren-makkiren nugwi niigak, o aret wee'netak o, yinuk, at eenik menggerak Ala endage kumbunuk, abet aret yokkigi o,” yoreegerak.

1 Endagembogut 17:1

Aap awi o Nggileyat yaga'lelo Titebe mendek Eliya nogo nen aap Akap yoge logonet, “An yaga'lek neegak yi tahun ndi tahun paga mayu wage, miinanggen luurogo pege, eeka'lek aret kaamunggun o, yinuk, at ake eeke minggirak Aliku Iterali inogoba Ala eenik menggerak endage kumbunuk, yokkigi o,” yoreegerak

1 Endagembogut 18:15

Yoge mbareegi, aap Eliya nogo nen, “An ya'i aret wonage me, o yogondak yi paga aap Akap nen pe'neya woroorak abet mbarenok nduk, an ake eeke minggirak at Mondok Omaawi Lombok Menggerak Aliku ALA endage paga yokkigi o,” yinuk, yoreegerak.

2 Endagembogut 4:27

Yoge nagagerik, kwe nogo aap Ala wone liirogon eeka puut paga wonage nogo owagam nanuk, iyok eenggi omaawi pigagangge mbareegi, at Nggekati nen eebe pelenogo nappereegerak mendek, aap Ala wone liirogon eeka nen ari logonet, “Kwe yi, iniki abu wakko'net wagaarak o. Ndi, iniki wakko'net wagaarak nogo, Aliku ALA nen kin paga yo'nega'lek awo kumaapporogo wonage me, kwe yi, teppu o.”

Ayup 10:3

Aap maluk mendek iniki koonggo menggaarak nogo Kinikilom mbake logonet, Kat nen ogobakkigi'nabeegindak nogo, Aap maluk aret o, yinuk, mbo panege, Keebi lombok nombake logonet Aan lebe eerogo panege, Eeke ti, Op eeke, mba'nuk eeppanege agandik?

Ayup 16:11

Ala nen neebe waganogo aap maluk mendek wogorage, Aap maluk eeppiiga ineenggime tek eerogo panege,

Ayup 19:6

Ala nen aret maluk eerogo panege, Towe yiluk yaga nen yarogo pereegerak nogo paga yilunogo panege, Eekerak kineenu a'nip o.

Ayup 23:16

Ala nen niniki lek-lek eerogo panege, At Omaawi Lombok Menggerak nogo nen namineeri ne eerogo panege, Eeke logonet,

Ayup 34:5

At Ayup nen ari logonet, An maluk eerulik abe mban wonage neegak kwe, Ala nen nawone liirogon koonogo panega'lek wonage,

Ayup 35:2

“Kat nen ari logonet, Ala nen, An aap maluk eeka'lek neege agaarik o, Yinuk, ari menggendak nogo ti, Op aret ari agarik, mbake agandik?

Ayup 40:8

Aakumi eekwi an nen a'me nggelok eeppiige nogo, Kat nen meek eerogo pege, Kaana'le mbanggolage logonet, Kat maluk eeppanggendak o, yinuk, an yo'nege, Eeke nogo ti, Op aret mbaken?

Ayup 9:17

O wiya omaawi warit wage paga aan lebenogo panege, Ndi, alom lek kagak, nawin nagabolo paga ambik kunogo panege, Eeppanit wage ti paga

Ayup 9:18

Niniki awo yonggonggola lek lek Ambinom eeppanegak mban eeke paga niniki apit eerogo panege, Ee'netak o.

Yetaya 40:27

Kat Yakup yi wae. Kat nen, “An noba age yi, Aliku ALA nen liippanega'lek agaarik,” ari, Ndi, kat Iterali yi wae. “Ninogoba Ala obeelom eeppaniyak yegerak nogo eeppanega'lek kagi,” yinuk, mbake, Eeke ti, Nonggop nduk eeke agandik?

Yeremiya 12:16

It an napuri inobaabut eekwi liirogon mamunggologwe, ndi, it aa'nduk nen inagugi Mba'an endage kumbunuk, kumbuk mbanuwak nduk, napuri mamunirogogwaarak nogo pogom, yogondak, At Eenik Menggerak Aliku ALA endage paga yogo o, yinuk, nendage kumbunuk, kumbuk mbanggwi, eekwi iinok, an napuri inenggela'me logonet, wiganggo logogun kwe,

Yeremiya 4:2

Ndi, Nit a'me nggelok mban eeppiinet nugwi, Obeelom mban eerit nugwi, Pilit lek abet aret eeko logogun o, yinuk, Neenik Minggirak Naliku ALA nendage kunogo kumbuk mbanggwi, Eekwi iinok, It aakumi inanebunu lombok nen, It eekwi ti, nit togop aret eeko logowok o, yinuk, Nale'nggen-kale'nggen yogo logonet, nendage tiyappanogo logogun o,” yinuk, yegerak me yokkiragi o.

Yeremiya 5:2

It nen, Nit abet aret ndogop eeko logowok o, yinuk, at eenik menggerak Aliku ALA endage kumbunuk yogo o, yinuk, kumbuk mbanggwi kwe, Inoone piliret kumbuk mbanogo yogo menggaarak o,” yinuk, yegerak o.

Yetikiyen 33:11

yorage logomenggendik, ambi yorage logonet, It aap maluk mendek kanggwi iinok, an niniki ale'nggen mbakeelik o. Ata, ineenik logowak nduk it maluk eerit nugwi nogo mbo punuk, yungguninuk neya wogwe iinok perak, niniki ale'nggen mbake minggirak me, it Iterali mendek ti, iniyokan nowagam wogwe, it maluk eerit nugwi nogo mbo punuk, yungguninuk wogwe, eeko logowak o. It nonggop nduk, Kambuwok, mbako agaarik o? yinuk, neenik Nitok Minggirak Naliku an ALA nen aret yagi, yegerak yoret o.

Linggineegwaarak 14:21

Togop eekirak kwe, o Metit paga time inom, o karume yime inom, nomaawi paga eerubok mendek iya tit eeke neenok, Wi, yinuk, pi wa'nako logonet kwe, ne 10 kuli an nabut mbaniyak nduk eeko logonet, noone konengga'lek tagambunuk maluk mban eerit wundi wogwe me, it inombomini nggween wogoroorak noone abuk nggaruk togon kumbuk mbanogo yoragagim nogome piya naakit lak, it aakumi yi, an meek eerogo panugwi me, ambiriluk ambi o time inigen kaagun mondok lek o, yinuk, o nggween paga yime menggaarak abok nen Naliku an ALA eeke neenok, Wi! nugwi an mondok neenik minggirak nendage paga nowak mbanogo yokkigi o.

Urut 3:13

Togop me, oonikiya yogondak yi paga yime logot o. Ndi, ko'lu kuubondendok at nen, An nen aret onggo pikit o, ari kenok, at nen puurak op aret me, kineebe-kinanggween onggo puwak o. Ndi, at nen, An puurak neebi, ari kenok perak, An nen aret pikit o, yinuk, Aliku ALA eenik menggerak endage paga yokkege me, o awo wigangga'lek me, nogo ambinom yu o.”

1 Tamuwen 14:39

Yoragagerak nogo kuwak ari wogo mbareegwa, yorage logonet, “Aap ambi maluk eekerak kwaako logonet, kin age kenok, an naput Yonatan aret kwe kagak, kambuwak nduk, warogo pugun aret o, yinuk, Iterali inagap ndaka at Aliku ALA eenik menggerak endage kunogo abet aret yokkiragi o.” Yoragagerak kwe, aap ambit-ambi nen wone onggo ambi yorulik puk aret ogogwaarak.

1 Tamuwen 14:45

Yoge mbareegi, it aakumi nogo apit nen Tawun yogo logonet, “At Yonatan nen aakumi Iterali mondok iya tit ninagap ndakerak nogo ti, meek mba'nuk, Yonatan wariyak yagan ya? Ala nen yeenggwaage kagak, ne yogondak yi paga eekerak me, at Yonatan eeruwak ambiriluk ambi nggween paga wambuurak mondok lek o, yinuk, Aliku ALA eenik menggerak endage kumbunuk, yokkogo o.” Yoreegwaarak ti paga Yonatan warulik ili eerogo teppereegwaarak.

1 Tamuwen 20:21

nayeloman yoge logonet, Maale namburik ti, wa nak o. Yoriminggirak nage logomenggerik, kwaarit nege kagak, Time lek o. Maale namburik ti, yime pa'nggwe wonage me, wonok omok o. Ari neenok, kat nen, At eenik menggerak Aliku ALA endage paga pilit lek abet aret yo'nege me, maluk ambi eeppaniyak lek op aret nagin kagi, mba'nuk, woraamunggun o.

1 Tamuwen 25:26

Togop aret me, Maluk eeppagagerak onggo eeppiyaakit, koongge logonet, aakumi inamiya wunabukwak, at Aliku ALA nen non mbambagagaarak me, it kawim inom, it kat nogoba maluk eeppagarak mbakwi nogo inom, at Naban kwak aret logowak o, yinuk, kat keegak, at eenik menggerak Aliku ALA endage kumbunuk yagi o.

1 Tamuwen 25:34

Kat yogondak mbet-mbet nimbirak lambuni woranetak lek nen, aap Naban inom wonogwe nogo aap ambiriluk ambi teppega'lek tigitogon aret inooppunuk, wonage neegak, o aret wee'netak o. Ndi, an nen kat kunduk, kooke neyo, at eenik menggerak Aliku Iterali inogoba Ala nen non mbambanegerak nogo endage paga abet aret yokkigi o,” yinuk, yoreegerak.