Ayup 27:16 - Ala Wone Peenok Peebi Mbanak

^16-17 Inawu mbuti perak ti, Liirubu kwak pit laganemenggaarak kwe, Aap maluk eeka'lek mendek nen tumbukkologwe, Inambogoyum yiriko menggaarak nogo, nggween nggabok kabunik negen logonemenggaarak kwe, Aap iniki abe koonak mendek nen yikkologwe, Eerugun o.

Ayup 27:16 ပူးပေါင်းရင်းမြစ်များ

1 Endagembogut 10:27

Aap endagembogut nogo nen yugum nggininik kwak mbuti perak o Yerutalem ambik aret eerogo pege, ndi, eyo ndoolu puut ogobak-ogobak ambik pit nagagerak kwak, eyo nggabina ambik aret eerogo pege, eereegerak.

Etet 8:1

Ne ti paga aret aap Yakuri mendek inooriyak kooneegerak Kaman amindik-amendek abok aret at endagembogut Akatiwerot nen waganogo kwe nggwok Etet wogoreegerak. Ndi, at Etet nen, “Aap Morekayi ti, nogobaluk aret o,” yinuk, yoreegerak me, woraawak nduk, ayonggo pereegerak owagam wage mbareegi,

Ayup 15:29

At eenggi warak inom, amendek inom, lek aret age, Amindik-amendek o nggween paga ambik aga'lek wonage, Eerigin o.

Ayup 20:10

It aap ineenggi lek inamendek kologo nogogwaarak nogo, Inapuri nen obaane'me awi yagiigwi, It paga wiganak nen obaane'me wogorogwe, Eerugun o.

Ayup 22:24

Kawu mbuti emas nogo, Yi nggween mendek aret o, yinuk, mbo pege, Mbuti emas abu abe o Opit mendek kat porogo wonage nogo, Yi yugum anggen kwak aret o, yinuk, niyo inikime mbo mambege, Eeppunuk,

Ayup 27:15

Mbo piyamenggaarak ineenik wonogwe nogo Kugi lengga inoba a'nuk kanggwi iinok, nggween taambiigwi, Inakuwi nanu pugu nen inaleenggu maaka'lek wonogwe,

Kini Wuppiige 13:22

Aap abe nogo nen eyate ombowologwe inake piinok nage menggerak kwe, Aap maluk eeka amendek nogo perak, aap iniki abe koonak inake teppiinok nage menggerak.

Wone Alom Kibingga 2:26

Togop aret me, aap ambi nen Ala inikilom ombaruwak nduk eeke kenok, Ala nen iniki warak eeppege, yi wone ndi wone eenu eeppege, iniki ale'nggen mbaruwak nduk eeppege, eeke menggerak kwe, it aap maluk mendek perak, wu kwaarit nugwi, yi mendek ndi mendek kunogo kuwak eerogo pakwi, eeppunuk, it aap Ala nen inikilom mbake nogo wogorogo logorak ineyabu ti aret unde eeppiige menggerak. Ti eeriyak kunduk, o wiya mugurok nogwe kwe, pigoorak meek kwak, we aanom warogo eeriyak aret kagagirak o.

Abakuk 2:6

It aakumi at owagam kuwak eerogo piyamenggerak nogo nen at meek eerogo pugwi, agi'ndok kanggwi, eerugun nogo lek a? Eeko logonet, At aap at amendek lek aakumi inamendek kuwak eerogo pati wage, Aakumi inamendek kolaakit nduk, oone omaawi yorage paga eenggi warak eekkolage, Eeke nogo, abuwa o! Ti eeke kagak, ne mande ari nagin o?

Tepaniya 1:11

Togop me, it aakumi o teberogon kobappaga wuppunuk wonogo menggaarak ti, Aap yi mendek ndi mendek kungga inom wonogwe abok aret inenggaawak lek ogwe, It mbuti perak wakkagak kungga nogo ineebe lek ogwe, Eerugun me, Le yogo logowak o.

Takariya 9:3

O Tirut ti, yugum pak omaawi lombok wurogo pake, Mbuti perak ti, liirubu aa'ngga kwak logonogo pit nage, Mbuti emas ti, tu paga nogo logonet, purok amok mbanogo pegaatak kwak kuwak eerogo pege, Eereegerak kwe,

Matiyut 6:19

Wone ambinom yorage logonet, “Nggween paga yime kit kinamendek yininuwo nibingge, yi'mbaani kungge, it aap yogoot wagangga nen tu kuurogo kinamendek wa unggwogwe, eeko menggam yime kinamendek kuwak eerogo pako logogup o.

Yakobut 5:2

Kinamendek ambik wonage nogo ti, maluk age, kinayum abe nogo ti, kutabak nen nibinogo pege,