Ayup 27:13 - Ala Wone Peenok Peebi Mbanak

¹³ Aap maluk mendek iinok, Ala nen eeppiyoorak koonak nogo inom, Aap iniki worokot iinok, ineyate kwak, Omaawi Lombok Menggerak wogorage nogo inom, Yi aret o.

Ayup 27:13 ပူးပေါင်းရင်းမြစ်များ

Ayup 27:12

At Ala eeke menggerak nogo kit abet aret kogo monggotak kwe, Ambi eeppaniyak lek kagak wone agan nugwi ti, Nonggop nduk agan nugwi o?

Ayup 31:2

At agi menggerak Ala nogo nen ninake nano koonogo pege, At Omaawi Lombok tiyarogon menggerak nen nineyate kwak nano wo'niroorak koonogo pege, Eereegerak mbakop?

Ayup 31:3

It obeelom eekulik mendek ti, maluk mendek inoba kwi'nage, It maluk eeko menggaarak ti, aaninggin-paaninggin inoba age, Eeruwak nduk, Koonogo piige lek mbakop?

Ndawi 11:6

It aap maluk eeka ti, Mayu negen kani anggen inom, Kani kunik kwindagala aago inom, inoba kwippiige, Ndi, ineebe kani yoguk togon eerinaburak o wiya nappi wage, Eerigin o.

Ndawi 12:5

Kaliku ALA nen ari logonet, “It aap meek mendek tebenogo piigwi, It ineenggi lek nen, Yogop eeppinanuwak lak, ao, yinuk, iniki wakkologwe, Eekwi iinok, An pilak ari logonet, Ndogop eeppinanuwak lak, ao, nombakwi nogo, Inagap ndarogo piyaagin,” yereegindak me,

Wone Alom Kibingga 8:13

it aap maluk mendek nogo ti, Ala eebe paga inagabiti mbakulik me, it obeelom eerogo piige, ndi, inagalu'mak kwak it ndarak abu nggorek eerogo piige, eerigin lek aret o.

Yetaya 3:11

Aap maluk mendek ti, maluk inoba arigin me, inabuwa o! It nen aakumi maluk eeppiigo nogogwaarak nogo ndak-ndak eeppiyaagin me, inabuwa o!

Maleyaki 3:5

“An nen inowak loonogo maluk onggo eeppiyaakit nduk woraagin o. Wage logominggirik, it aap tili pagangga inom, aap kumi ugun-ugun eeginaka inom, pilit pugunogo, Ndogop eeke kagarak, yaga inom, onggo koloorak eyabu eekwi wi-wi eeginaka inom, it aap kumi togwe kunduk, elege moono kunduk, tebenogo piiga inom, it aap nggiru inawone yaga-taga eerogo piiga inom, it an inagabiti nombakulik nogo mendek abok aret, Ndogop eekwi kiigirak o, yinuk, yorage logokit nduk, woraagin o,” yinuk, at Omaawi Lombok Menggerak Aliku ALA nen aret yegerak me, yokkiragi o.

2 Peterut 2:9

Ala nen togop aret eeginabit wundi wagagerak me, nit at apuri at oone eerit nugwi nogo aaninggin mendek ninoba age kenok, ninagap ndake, ndi, it obeelom eekwi lek maluk eeko menggaarak nogo peebi age yobok paga inowak loonogo punuk, maluk inoba kwippiige, eeriyak nogo at eenu aret me, eerigin aret mbako logowok o.