Ayup 26:7 - Ala Wone Peenok Peebi Mbanak

⁷ At Ala nen o oolo yi kagak, O omarip paga pa'nggwe nen mbogut mbiganogo nappi wage, O nggween yi, eenggi ya'lek tugunogo pege,

Ayup 26:7 ပူးပေါင်းရင်းမြစ်များ

Ayup 38:6

O eyak nano paga kwippege, Eereegerak mbaken? O weege kagak laaluguragan ndawi wakwi, It malayikat inale'nggen nen keekok yogwe, Eekwi iigak, O eyak iyaalok ta nen wuppereegerak mbaken?

Ayup 9:8

At alik nen mban mbogut mbiganogo pege, Niyo laut kilaarak-mogonik eeke paga iyok pit nage,

Ndawi 89:12

O omarip paga pa'nggwe inom, o ame pa'nggwe inom, ti, Kat nen aret wakkagagindak me, Kendage kunggwi iinok, puut Tabot inom, Keromon inom, Inale'nggen nen ndawi wako menggaarak o.

Ndawi 89:13

Kat kobaak omaawi ambik aret wonage, Keenggi kunduk omaawi alik negen wonage, Keenggi abe'nggan nggorek lombok wonage, Eerak aret agaarik o.

Yetaya 40:21

Wone ti, kit kineenu ogwe, kinaruk konenggwi, Eeka'lek ogotik ya? O aa'nduk lombok agagerak kuli nen yokkiraga'lek ya? O nggween yi alom kwippereegerak kuli nen liippega'lek ya?

Yetaya 40:22

At nggween yimun-namun agago pereegerak aakumi wurin kwak wonogo menggam irimbaga at wone lengganogo yorage menggim wonage, Yum tabak mbiganogo nappogo mengga kwak mbogut nenaarogo pege, Ooliya wuppunuk, oo'ngget maako mengga kwak mbogut mbiganogo pege, Eereegerak o.

Yetaya 40:26

Kit kina mbogut paga nikkaanip o. Mbogut paga wonage abok aret ti, ta nen ogobakkigirogo pereegerak mbakop? Lek o! Laaluguragan mbogut paga menggerak abok aret inendage kunogo mbo wiirage kenok, Ambit nggigik wumbiya wage menggerak nogo nen aret ogobakkigirogo pereegerak o. At abu tiyanak mondok omaawi menggerak nogo nen aret eeke me, it ambi kobak arugun mondok lek aret o.

Yetaya 42:5

At mbogut nenaappunuk wiganogo pege, Nggween ogobakkigirogo punuk, iri'ngga-kale'ngga mban enete kuurik lek eerogo pege, It aakumi o nggween paga yime ineenik ndelenak-welenak nugu logowak nduk, ambe aagi inikime mambege, Eereegerak Aliku Ala nen yegerak nogo yi aret.

Takariya 12:1

It Iterali eeppiyoorak Aliku ALA nen yereegerak nogo yi aret. O mbogut mbiganogo pege, nggween alom wurabit nage, aakumi ogobakkigirogo piinok, iniki warak eerogo piige, eereegerak Aliku Ala nen ari logonet,