Ayup 26:6 - Ala Wone Peenok Peebi Mbanak

⁶ It kambunuk nogo menggam wonogwe nogo, At Ala nen abok aret iige menggerak o. Kambeegwaarak wonogo menggam nogo, Tu narak lek paarak aret wonage agaarik o.

Ayup 26:6 ပူးပေါင်းရင်းမြစ်များ

Ayup 11:8

Ala iniki warak nen koongge menggerak nogo ti, Mondok iya mbogut irimbaga lombok kwak me, Nonggoti eerogo liippege, Ogu aap kambunuk nogo menggam wonogwe abu'na kwak me, Nonggop togon keenu age, Eerumunggun o.

Ayup 28:22

Kambeegwaarak wonogo menggam wonogwe inom, Kambunuk nogo menggam wonogwe nogo inom, nen yogo logonet, Iniki warak nogo ndime wonage o, yinuk, At ambi yogak agan wogwe nogo mban ninaruk konenggoorak o, yinuk, Yogo menggaarak kwe,

Ayup 3:13

Togop ee'nabenetak lek nen, An ugun niniki tayenak windak wonage, It o nggween paga yime inendagembogut inom, Aap wone koongga inom, nen inawi nggwok abe wurogo pugwi, Aap yo'nggok nen inamendek mbuti emas ambik wonage, Iname mbuti perak yagabit eerogo pugwi, Eeppunuk, Kanggo nogogwaarik, Yonggonggologwe wonogwe me, Ninom yonggonggolage logonet, nogo yege negen wonage, Eeke logonetak o.

Ayup 31:12

Ti eeke logonetak nen Kani pup eerogo nengge menggi kwak, An togop aret eerogo panege, Ndi, kuwak eerogo pigirak nogo kunduk, Mondok lek eerogo pege, Ee'netak o.

Ayup 38:17

Kambunuk nogo menggam tu titikkereegerak kenegen kage, Kambunuk o apit aago me ari nogo menggam tu maloppege,

Ayup 9:5

Puut ugun wonage kagak tayorogon nappege, Anini paga nippegak-wuppegak eeke,

Ndawi 139:11

Ndi, an nen ari logonet, “O apit nen an neebe kumaarogo panege, O eya nogo yumaak eerogo punuk, an wanggeppaninuk wonage, Eerigin kwa?” yinuk, yiminggirak kwe,

Ndawi 139:8

An kole mbogut paga lagi naminggirak kwe, Kat time aret wonage, Aakumi kambunuk nogo menggam nogome, “Ninom nogo yege a na o,” yinuk, naminggirak kwe, Kat time aret wonage,

Ndawi 88:10

It kambeegwaarak inigen kaawak nduk, Eerubok mendek eeke menggendak ya? It kambeegwaarak ineenik a'nuk, “Wa!” yokkogo menggaarak ya?

Kini Wuppiige 15:11

Aakumi kambunuk nogo menggam inom, ineebe lek ogo menggam inom, tu paarak mban wonage kenok, Aliku ALA nen liippiige menggerak me, Aakumi iniki mbakwi ti, abunuk liippiige menggerak o.

Kini Wuppiige 27:20

Kambunuk nogo menggam inom, ineebe lek ogo menggam inom, unggwi nagaatak kwe, “Yi kuli o,” yaga'lek ambe pan aago menggi kwak, Aap inigen pekkoorak, “Ao,” mbakwi nogo ti, kuli pega'lek pekket-pekket mban aganake menggerak.

Yetaya 14:9

Kambunuk nogo menggam nogo nen kat wokkabi wage logonet, iniki ale'nggen mbake, At nen it aakumi nggween paga wone lengganogo yorogo nogogwaarak maan kambeegwaarak nogo Wokkabuwak nduk inogoma ineenik eeppiinet nage, Yi aakumi ndi aakumi inoweewi inendagembogut kambeegwaarak wone lengganogo yorogo nogogwam kwi'ndak wonogwe nogo, Mi'nanip o, yinuk, yorage, Eeke kenok,

Ndaniyen 2:22

Wone nobarak ineenu ariyak meek mendek nogo, yelok kaawak nduk, kin eeppege, O yumaak paga wonage abok aret at eenu wonage, Eeke menggerak me, At eebe paga eya mban ndak warak menggerak o.

Amot 9:2

It kole aakumi kambunuk nogo menggam nggween ogu kabunit wambi nanuk wonogwe iigak kwe, time nen aret an neenggi omaawi paga yabonogo nippiya wage, It kole mbogut paga lagi namenggaarak kwe, time nen aret yabonogo nggween paga wuppiya wage,

Iberani 4:13

Nit aakumi inom, yi mendek ndi mendek ogobakkigirik inom, abok aret at Ala enegen kage menggerak me, ambit-ambi at enegen neega'lek me nduk, kumaa'nariyak abu meek o. At enggaanom paga yi mendek ndi mendek abok aret kin paga wonage me, at abok aret enegen kage menggerak o. Togop aret me, nit eeko monggoorak nogo ambi kumaappugun lek abok aret mbininogo at yorugun o.

Wayu 9:11

Ndi, at malayikat Kambunuk Nogo Menggam mbuun ambeme unde menggerak nogo ti, it wurin inowe endagembogut inarum menggerak at aret o. At endage ti, aakumi Iberani inoone paga, “Abaron,” yogwe, ndi, Yunani inoone paga, “Apoliyon,” yogwe, eeko menggaarak. (Ndi, nit ninoone paga ti, “Pup Eerogo Piiga o,” yinuk, yogo monggoorak.)