Ayup 26:14 - Ala Wone Peenok Peebi Mbanak

¹⁴ Ti eeke nagagerak ti, eebe wonage kagak irip mban liippugwi, Yagap wone paga yogwe konenggwi kwak konenggwi, Eeko monggoorak me, Oone nggwok ngguurubu eeke nogo ti, Ta nen liippuurak mbakop? Lek aret o,” yinuk, yoragagerak.

Ayup 26:14 ပူးပေါင်းရင်းမြစ်များ

Ayup 36:29

Ndugwi wiganogo pit nage, At menggim mbogut paga nen ngguurubu eeke, Eeke menggerak nogo ti, Ta nen liippuurak mbaken?

Ayup 37:4

Oone kole eerogo wumbi wage, Oone nggwok mondok iya ngguurubu kwak ari, Eeke logonet, Puk aga'lek pindan-pindan eeke menggerak o.

Ayup 37:5

Ala oone ngguurubu negen ari kenok, it aakumi nen, Wi! ugwi, At iya eeke menggerak nogo ti, aakumi nen liippuurak meek ogwe, Eeko menggaarak.

Ayup 4:12

Oonikiya paga it aakumi nogo nggaruk togon yugwi, Inabinggaanggo kagak mban eekwi, Eekwi iigak, Wone ambiriluk ambi kumaak-kumaak an yo'niri wage, Yagap wone paga yo'nege nogo naruk konengge, Eeke nagarik,

Ayup 40:9

An neenggi nogo ti, Ala eenggi omaawi ndak-ndak wonage mbake, Ndi, at Ala oone ngguurubu ari menggi kwak, An noone togop aret ari mbake, Eeke agandik ya?

Ayup 42:5

O aa'nduk aakumi nen kabok yogwe mban naruk konengge nagagirak kwe, Yogondak perak, nenegen abe nen aret keegi o.

Ndawi 139:6

An eeke abok kat keenu menggendak ti, Kiniki me menggendak abu iya lombok me, An nen alom kibinit ungguurak meek aret o.

Ndawi 145:3

Kaliku ALA nggwok lombok menggendak me, Kalut eeko logorak ti, op aret o. Kendage mondok nggwok lombok wonage ti, Aakumi nen liippuurak meek aret o.

Ndawi 29:3

Aliku ALA oone niyo irimbaga nen ari, Ala abu tiyanak lombok menggerak nogo, Oone ngguurubu pogom ari, Aliku ALA oone yi nggwok yenggenak laut nogo Ogombaga ngguurubu kwak eerogo nappit nage, Eeke menggerak.

Wone Alom Kibingga 11:5

O wiya nggeeme nen warit wage, Ndi, kwe ambi aagaluk inikime logombunuk nonggoti eenggi-iyok warak age, Eeke menggerak Kat keenggo'lek menggen kwak At yi mendek ndi mendek ogobakkigika Ala nen eeke menggerak nogo, kat keenggo'lek aret wonage menggendak o.

Abakuk 3:4

At wage kagak, eya kwindagala aago wonage ti, At omaawi nogo eenggime kumaarak wonage me, time nen abinak pindanogo wumbi wage,

Oroma 11:33

Ala iniki warak lombok nen yi wone ndi wone eenu menggerak me, oba ngginik kagak obeelom eeppinanit wundi wage menggerak me, iya! At iniki koombunuk eeke menggerak nit nen kibinit ungguurak op mbakop? Ndi, at eeke menggerak nit liippit ungguurak op mbakop?

1 Tamuwen 2:10

It Kaliku ALA kinom ogoorak wonogwe nogo, Yigirik-noonom eerogo piige, Ngguurubu oone eeke menggi kwak, Kaliku ALA mbogut paga koone ari, It aakumi o irip-irip abok aret inowak loongge, Eerumunggun me, At aap inowe endagembogut logowak nduk, Mippereegindak nogo omaawi wogoge, Kat leenogo punuk, amburu eeppereegindak nogo, Omaawi kaawak nduk tiyappege, Eerumunggun o,” yinuk, tamban eereegerak.