Ayup 26:13 - Ala Wone Peenok Peebi Mbanak

¹³ Ambebubu paga mbogut ket yanggo eerogo pege, Waalo kole yi inikime wonage nogo ogole nen mbagangge me, Wooluwak paga polok togon warogo pege,

Ayup 26:13 ပူးပေါင်းရင်းမြစ်များ

Wakkagagerak 1:2

O nggween wakkagagerak nogo, yi mendek ndi mendek mondok lek eebe apit owak mbanak aret wonagagerak. Ndi, niyo irimbaga o apit aago wonage me, Ala Aberiniki niyo nogo obaga wiga agan nege nagagerak.

Ayup 9:8

At alik nen mban mbogut mbiganogo pege, Niyo laut kilaarak-mogonik eeke paga iyok pit nage,

Ndawi 104:30

Aberiniki kimbirak wonage nogo nappi wage keenok, It inobaane'me alik nda'naruwak nduk eeppiige, O nggween yi enete ngget alik eerogo pege, Eeke menggendak o.

Yetaya 27:1

Ne ti eyom paga Aliku ALA ambuti wooluwak paga maluk onggo eeppiige, Ambuti wooluwak mondok nggorek ngget penak maarak omaawi mendek nogo wonok wage logomenggerik, At waalo kole Lewiyatan tu agan nage, Waalo nggwok komaarak tuk togon nage, Eeke menggerak Niyo nggwok laut paga menggerak abu ogole warak nogo, warogo pege, eerigin o.

Wayu 12:9

at waalo nggwok nogo awuri inom mbelenogo nggween paga mbo wuppiya wage kagarak. Wuppiya wage mbaki, waalo nggwok mbo wuppi wagaarak nogo ti, o maan nen yi aakumi ndi aakumi abok aret inambokan lagangge menggerak Ibilit nogo ti, Tile aret me, at awuri inom abok aret mbogut paga nen mbelenogo nggween paga wuppiya wogwe iigirak o.