Ayup 25:3 - Ala Wone Peenok Peebi Mbanak

³ At awuri ineegin warak aago ineenggi linggininaburak op mbaken? At yi o ndi o eya eeppege logonet, o ambit-ambi eya eeppegeelik mbaken? Abok aret eeppege menggerak me,

Ayup 25:3 ပူးပေါင်းရင်းမြစ်များ

Ayup 16:13

At awuri ineegin warak nen Nenaagan-nambokan karugum ne eerogo paniyak koongge, Nabuwa mbaka'lek napenggen polonogo panege, Nambiki tubunogo nggween paga nappege, Eeke logonet,

Ayup 25:4

At Ala nogo nen, Aap yi, iniki abe koonak aret kagi o, yoge, Ndi, kumi nen ndaganakaatak inaagalogwe nogo Iniki kikak naka'lek ambi wonogwe iige, Eeriyak ti, nonggoti mbaken?

Yetaya 40:26

Kit kina mbogut paga nikkaanip o. Mbogut paga wonage abok aret ti, ta nen ogobakkigirogo pereegerak mbakop? Lek o! Laaluguragan mbogut paga menggerak abok aret inendage kunogo mbo wiirage kenok, Ambit nggigik wumbiya wage menggerak nogo nen aret ogobakkigirogo pereegerak o. At abu tiyanak mondok omaawi menggerak nogo nen aret eeke me, it ambi kobak arugun mondok lek aret o.

Ndaniyen 7:10

At kwi'ndak menggim time nen niyo nage menggi kwak kani wuninogo nagabit nage, Aap ineebe ambik ineenggi lingginiyak meek lombok at ake eekwi, Aap yogolik mendek aago at owagam mi'ndak wonogwe, Ndi, it aap aakumi inowak loongga nogo kwi'na'nuk, aakumi eeko nogogwaarak mbuku paga liiru mbanak nogo ponggonogo pit nogwe, Eekwi iigirak o.

Matiyut 26:53

An nili yuwak nduk, yogondak yi paga it malayikat apit ineebe 12 aago wo'niruwak nduk, an nogoba nggino yoriyak meek mbaken?

Yaya 1:4

Aakumi ineenik eeginake menggerak alom at aret wonagagerak. Ndi, ineenik eeginake menggerak alom ti nen aakumi inikime eya eeginake menggerak.

Yaya 1:9

Eya abe mendek o nggween paga yime unggwi wage logomenggerik, yi aap ndi aap inikime eya eeginake logorak nogo aret wambi wagagerak.

Yakobut 1:17

Ninabuwa nen obeelom eeppinanege inom, wo'niroorak mbake nogo mondok ndak-ndak wo'nirage inom, abok aret agi nen mban wuppinani wage menggerak. Yi o ndi o abok aret eya eeke menggerak alom at ninogoba Ala nen aret wuppinani wage menggerak. At ambi agak eeke logonet, ne ambi paga o yumaak negen age, ne ambi paga o eya negen age, eekeelik mondok itok eya mban aret menggerak.

Wayu 5:11

Ti eekwi iige neegak, wone lengganogo yorage menggim eyo ndoonak nogo inom, it aakumi nen iigulik mendek ineebe nogo inom, it mbogut paga wonogwe inoweewi nogo inom, oolo wonogwe iigak, it malayikat ineebe ambik ineenggi lingginiyak mondok meek lombok wanggerak wonogwe nogo nen inoone nggwok paga ndawi wako logonet,