Ayup 24:9 - Ala Wone Peenok Peebi Mbanak

⁹ Aap maluk mendek nen elege agalo awo elak kungge me, yabok togon wonok nogwe, Inanomat mbanak onggo ineenggi lek inapuri inobaak yabok togon wogoren nogwe, Eeko menggaarak.

Ayup 24:9 ပူးပေါင်းရင်းမြစ်များ

2 Endagembogut 4:1

It aap Ala nen yorage kagak yoraga inakuwi kwe ambi nen at Elita owagam nage nagagerik, oone nggwok paga yoge logonet, “An kayeloman nogonggelo muk kambeegerak nogo ti, Aliku ALA agabiti mbake nagagerak keenu aret kwe, at nogonggelo anomat mbanak nogo nen woraanuk, naagalogwe mbere wogoren ayeloman eeppiya noorak ari o.”

Nekemiya 5:5

“Kit ninoreewi ninamiya mogonik aret wonogwe, ndi, nit ninapurilogwe ti, kit kinapurilogwe ndak-ndak aret wonogwe, eeko monggoorak kwe, ninawu lek kenok, ninapuri wologwe-komologwe aakumi inayeloman logowak nduk, inonggo mbanggologwe, ndi, ninapuri komologwe ando nogo ti, muk aap alik inayeloman ogogwaarak me, ninanggween inom, nineyabu anggur yarak inom, ti muk aakumi alik unde eeppiigoorak me, nineenggi awiirak aret ogoorik o,” yinuk, yogwe, eekwi nogo koneneegirak o.

Ayup 22:6

Alom lek kagak, kat nen, Ambi nabenggolaakit, mba'nuk, Kore kawu wogoge logonet, amendek wagangge, Aap ineenggi lek inayum wagangge logonet, inagap mbelanak teppiige,

Ayup 24:10

It aakumi meek nogo mendek ti, Inayum lek me, inagap mbelanak nugwi, Inambi abu aganake kagak gandum agabolo mbelanogo pugwi,

Ayup 24:8

Puut nggelok-nggobok paga mayu nggulu aago nugwi, It ineebe op logowok nduk, yugum lunik me nabennari unggwogwe, Eekwi iigak,

Ayup 6:27

Elege moono kolaawok nduk, iri'ngga mbanogo wakkogwe, Ndi, kinore aret kagak, yi mendek ndi mendek kunggo mengga kwak eerogo pugwi, Eeriyak op mbakwi kiigi o.

Yetaya 3:14

Aliku Ala nen at apuri inoweewi inom, inarum menggaarak inom, inowak looninake logonet, “It nen aret neyabu anggur yarak anggen mbanogo nenet nugwi, Aakumi ineenggi lek inamendek ndinogo iname yagabit eerogo pati unggwogwe, Eekaarak o.

Pelaareegerak 24:7

Aap Iterali mendek ambi nen at oreeluk kagak kumaappunuk, ayeloman eekkolage, onggo nggerenggolage, eeke kenok, aap ti mondok warogo pogo logowak o. It aap maluk ti mendek eekwi iinok, kinenggela'me inenggaawak lek eerogo piigo logomunggup o.