Ayup 24:5 - Ala Wone Peenok Peebi Mbanak

⁵ It aakumi meek mendek nogo ti, Keledai nggwiya karume mendek kwak, Aakumi inambeebuk mbo pugu kwaarogo nenet nugwi O anggu paga inapuri inake yi mendek ndi mendek kwaarogo wogorogwe,

Ayup 24:5 ပူးပေါင်းရင်းမြစ်များ

Wakkagagerak 16:12

At obaabut ti, Keledai enegen mbolok kwi menggi kwak, At ndak-ndak aret logogin o. At nen aakumi eekwi nogo ineebi inombake, It aakumi nen at eeke kenok ineebi ombakwi, Eeko logonet, Inanini nen oreewi inom ogoorak aret logogun o,” yoreegerak.

Wakkagagerak 27:40

Ata, keegin nogo paga aret nuurogo nengge, Ndi, kawot ayeloman aret wonage, Eeke logonet kwe, Ne ambi paga nggik-palek yemenggendak kenok perak, Aaninggin koba wonage nogo lek eerogo aret patumunggun o,” yoreegerak.

Ayup 12:6

It aap o piyangga nogo iname op aret wonage, Inagugi yonggolak wonok nugwi nen Ala anini wunduwak nduk eeppugwi nogo, Iniki ugun tayenak aret wonogwe, Eeko agaarik o.

Ayup 24:14

O eya lek age kagak aap inooka nen mi'na'nuk, Ineenggi lek mendek inom, it meek mendek inom, Inoorogo piinet nugwi, O apit age kagak aap kiraaka kwak kiraarit nugwi,

Ayup 24:6

Aakumi ineyabume inaanggumi inake pugu nogo, It aret waganogo nunggwi, Aap ineenggi warak inagayo anggur yarak anggen mbo pugu nogo anebenogo nunggwi,

Ayup 5:5

Ineyabume anggen mbanak nogo aakumi mbi abu nen lek eerogo nunggwi, Iri'ngga alok enggela'me wonage kunduk, kalirubu pup eerogo nunggwi, Niyo abu eeginake menggi kwak, inamindik-inamendek kolaawok nduk, uugwe mbarit nugwi, Eekwi iigirak o.

Ndawi 104:23

It aakumi yabu eeko menggam nogome eeri wunggwi, It eeko logorak mbakwi nogo eerit nogwe, Eekwi iigak, O kiyoma aret ari nage menggerak o.

Yeremiya 2:24

Nggwiya karume logonet, iniki aganggen nen wali obari mbanit nege me, aap nen pipporogo logorak meek age menggi kwak, Wam kooli wali imbirak lambuniyak eyom panggo yi wage kenok, at wali nogo kooli mugurok nage logonet, ta'liila eeke kero, Kooli woraagin aret me, yinuk, tokkage puk menggi kwak, It togop aret agaarik o.

Oteya 7:6

Lako menggam kani wunuk mban ari menggi kwak wonogo logonet, Yogop eeruwok, ndogop eeruwok, iniki aganggen kerek togon koonggo nagaatik, It eeriyak koonggaatak nogo oonikiya paga nabu agan wangge, O kubondendok paga kani wunuk ari menggi kwak aganggen eeginake kenok, eekwi, Eeko menggaarak o.

Oteya 8:9

It Iterali ti, keledai kooli nggwiya eyonggaame wali kwaarit nege menggi kwak wonogo logonet, Aap Atiyut mendek nen yeenggwa niraawak o, yinuk, inowagam nogwe, Eparayim nen, It iniki kunik ee'ninako logonet ee'ninabuwak o, yinuk, onggo wogorogwe, Eereegwaarak o.

Mika 2:1

It aakumi maluk eeriyak koonogo pugwi, It nogo yogo menggam windak logonet, “Maluk ndogop eeko logowok o,” yinuk, koonggwi, Eeppunuk, O kilim nagake kagak, inayuk warak me, eebe aret eeko menggaarak ti iya me, inabuwa o.

Tepaniya 3:3

At inom eeka aap inendage warak wonogwe nogo ti, Singa at nengge menggerak naakit nduk oone nggwok ari menggi kwak, wonogwe, At aagalogwe inowak loongga ti, nggeewo owo nen nggwiya wappunuk ko'lu noorak mbakulik, o ne ambit weege paga uwiirogo wurako mengga kwak, wonogwe,

Yaya 18:28

Ayam oone ari mbareegi, it Yakuri mendek inoweewi nogo nen aap Kayapat ame nen Yetut piganok aap inowak loonggo menggam gubernur wonage menggim nogome wonok nogogwaarak. O awo wigangga'lek kagak wonok nogogwaarak. Wonok nogo nogogwaarik, laago Obaga Mbo Nagagerak lakwi iinok, ugun noorak me, “Nit maluk eekkolookwak,” mba'nuk, inowak loonggo menggam unggwi noolik, endekem puk ogogwaarak.

Nappiigak 23:12

Ko'lu o weege mbareegi, it Yakuri mendek kuwak eeppunuk wone kote mbanggo logonet, “At Pawulut waka'lek kagak, nit mbi inom, yi inom, ti noorak mondok lek o,” yinuk, Ala endage kumbunuk kumbuk mbaneegwaarak.