Ayup 24:20 - Ala Wone Peenok Peebi Mbanak

²⁰ It ndaganabeegwaarak inagalomini aret kwe, Ineebe mari eerogo piigwi, Anggolenggen nen inagabolo nili-kili nunggwi, Eyo nduguninuk nage menggi kwak, inendage lek aret ogwe, Eeko menggaarak.

Ayup 24:20 ပူးပေါင်းရင်းမြစ်များ

Ayup 17:14

Nagabolo pili aruwam nggween kabunik nogo yoge logonet, Kat an nogoba aret o, yinuk, yoge, Nagabolo nunggwi puron nogo yorage logonet, Nagalo inom, niriwi inom, kit aret ogotik o, yinuk, yorage, Eeriyak kenok,

Ayup 19:10

O minggo logonet, punggagak, punggagak, eeko mengga kwak, An eeke minggirak abok aret at nen lek eerogo pegak, lek eerogo pegak, eerit unggwage, Eyo kinogo nappogo mengga kwak niniki lunik nogo togop aret kinogo nappege,

Ayup 19:26

Nagabolo pili age kagak, neebe Ala nenegen kaagin aret o.

Ayup 21:26

Imbirak ndak-ndak aret nggween me taambiigwi, Imbirak aret anggolenggen inoba nugut-tiyak yogwe, Eeko menggaarak.

Ayup 3:13

Togop ee'nabenetak lek nen, An ugun niniki tayenak windak wonage, It o nggween paga yime inendagembogut inom, Aap wone koongga inom, nen inawi nggwok abe wurogo pugwi, Aap yo'nggok nen inamendek mbuti emas ambik wonage, Iname mbuti perak yagabit eerogo pugwi, Eeppunuk, Kanggo nogogwaarik, Yonggonggologwe wonogwe me, Ninom yonggonggolage logonet, nogo yege negen wonage, Eeke logonetak o.

Ndawi 34:16

Aap maluk eeko menggaarak perak, Aakumi o nggween paga nen inoba aberak logokwak, Aliku ALA enggaawak omaawi paga Lek eerogo piige menggerak o.

Kini Wuppiige 10:7

Aap iniki abe koonak inoba abekwi iinok, inale'nggen mbako menggaarak kwe, It maluk mendek perak, inendage yogolik aret menggaarak.

Wone Alom Kibingga 8:10

it aap maluk mendek kanggwi iinok, nggween taambiigwi, taambiinok wogo logonet, it taambiyareegwaarak nogo nen o alik leenak menggim unggwi nogwe, wundi wogwe, eeko logonet maluk eeko nogogwaarak kagak nogome nen inendage tiyappiinet wogwe, eekwi iyareegirak o. Eekwi iyareegirak ti kunduk, we aanom warogo aret eekwi mbareegirak.

Yetaya 26:14

It aap ti, eeko nogogwaarak nogo onggo eeppiige logonet, inenggaawak lek eerogo piige, Inoba aberak logokwak inendage lek eerogo piige, Eekendak me, It muk kambeegwaarak nogo ti'nuk, ineenik ogwe, Ndi, inogoma nen ineenik a'nuk wogwe, eerugun lek o.

Yetaya 49:15

Ari kenok, at Ala nen ari logonet, “Kwe ambi aagaluk awo elak nengge kagak ami age, Ndi, at lombok nen ndareegerak nogo abuwa mbaka'lek mbo pege, Eeriyak op mbaken? At aagaluk mari eerogo pemenggerak kwe, an perak, kat o Tiyon nogo koba mari eerogo pagagin lek o.

Ndaniyen 4:14

oone nggwok paga ari logonet, Eyo yi, eebe muurogo pu o. Muurogo punuk, eno'mbak nggarik-nggarek eerogo pege, engga mononogo pege, anggen yugu mbanogo mbo tagala eerogo nappege, eeru o. Eeke keenok, ndiimbu-nggwiya eyo abu'me wonogwe ti, kole ma'nogwe, yi towe ndi towe eno'mbak paga inawi wuppunuk, wonogwe ti, tilik-mbilik ma'nogwe, eeruwak o.

Matiyut 3:10

Ye eyo alom muk kundugu agaarak me, yi eyo ndi eyo anggen obeelom mendek yege lek kenok, muurogo kani kunik me mambigin o.