Ayup 24:13 - Ala Wone Peenok Peebi Mbanak

¹³ It aakumi ando nen o eya nogo ineebi mbakwi, O eya paga logonet eeko menggaarak nogo ineenggo'lek wonogwe, Eya paga nugu logorak ineebi mbakwi, Eeko menggaarak wonogwe o.

Ayup 24:13 ပူးပေါင်းရင်းမြစ်များ

1 Endagembogut 3:20

Kangge mbaki, oonikiya nogo iniki mbere eeke paga, an kayeloman nogo yege neegak, at aa'nduk eenik a'nuk, at aagaluk kanggerak nogo waganogo an nogome nggeloppi wage nagaarik, naagaluk eenik wonage nogo waganogo at ogome lamooppatinuk, puk agaarak o.

Ayup 24:12

Kambuwok nduk, iniki oone agan nugwi, Andi-pandi logonet, Obeelom ee'ninabu o, yogwe, Eekwi nogo It kota wonogwe nen konenggo menggaarak kwe, Ala nen, Kit maluk eeppinagagwi nogo, onggo it eeppiyaakit o, yinuk, Yoraga'lek aret wonage agaarik o.

Ayup 24:14

O eya lek age kagak aap inooka nen mi'na'nuk, Ineenggi lek mendek inom, it meek mendek inom, Inoorogo piinet nugwi, O apit age kagak aap kiraaka kwak kiraarit nugwi,

Ayup 24:16

O apit age kenok, oome tu paa'nuk, Aakumi inamendek yogoot wonok wunggwi, Eekwi kwe, O liingge kenok kumaarak wonogwe, O eya nineebi o, yinuk, yogwe, Eeko menggaarak.

Ayup 5:14

O liingge kagak o apit inoba kwi'nage me, Liingge paga oonikiya kwak ineenggi nduk nugu menggaarak o.

Kini Wuppiige 4:19

It aap maluk mendek nen eerit nugwi ti perak, O apit lombok aago kwak wonogwe me, Iniyogobit lik togon yigeebu wanggwi nogo, “Yi nano nen ee'ninake,” mbaka'lek ugun kobak aret wonogo menggaarak o.

Yaya 12:35

Yogo mbareegwa, at Yetut nen it yorage logonet, “Eya eekkinake menggerak nogo ne ambiriluk kinom logogin o. Kiniki o apit pogom eekkinabi wage kero, eya eekkinake kagak, nogo logonip o. Aap ambit ambi nen o apit paga nage kenok, Ndime noorak, at eenggo'lek kagak, nage menggerak.

Yaya 15:6

Eno'mbak mbanogo mbo nappegaatak mbuk age kenok, aakumi nen kuwak eerogo kani kunik me mbo mambugwi iinok, kani nen nengge menggi kwak, kit an ninom kunik lek kiinok, togop aret eeppinagagin o.

Yaya 8:31

At Yetut nen it aap Yakuri mendek iniki at oba panggombunuk, abet mbareegwaarak nogo yorage logonet, “Kit nen an noone kinikime porogo logonet, mondok mugurok nogwe kiinok, an noone waganggwi mendek abet aret logomunggup o.

Yaya 8:44

Kit yi, kinogoba Ibilit aret me, at eeriyak mbake menggerak nogo mban, Eeruwok, mbako monggotak. At o aa'nduk nen nok, yogondak kuli aakumi inooka aret menggerak o. Ala ndogop menggerak wone nogo at inikime wonage lek me, Ala ari menggerak nogo at mondok eeka'lek aret agaarik o. At pilit pugungge menggerak itok aret me, pilit pugungga iyagalo at aret logonet, at iniki nen wone ugun-ugun koombunuk, pilit-pilit pugunit nege menggerak.

Oroma 1:32

ti eerit nugu menggaarak nogo ti, Ala nen, “Yogop eerugup, ndogop eerugup,” yereegerak nogo mendek eekwi iinok, “Mondok inoorigin o,” yereegerak nogo ineenu logonet kwe, kagak eerit nugu menggaarak. Eerit nugu logonet, “Nit mban eeriyak lek o. Ata, it ando ninom aret eeruwok o,” yinuk, eerit nugwi me, Ala nen mondok inoorigin o.

Yakobut 4:17

Ndi, kit obeelom eeko logorak kineenu logonet kwe, eeka'lek kiinok, tirogon maluk aret o.

1 Yaya 2:19

It aap ti, aa'nduk ninom kuwak eeko nogogurak kwe, “It ti, nit mendek lek o,” yinuk, mbo pinaninuk mbaganeegwaarak. “It aap ti, nit mendek aret,” mba'netak en, ninom aret logonetak kwe, “It ti, nit mendek lek,” kin aruwak nduk, mbo pinaninuk mbaganeegwaarak o.

Yurat 1:6

Ndi, at Ala nen it malayikat ando, “Yogop eeko logonip o,” yinuk, o unde eeppiyareegerak kagak, “O yi mban unde logorak nineebi o,” yinuk, mbo pogo mbareegwa, at Ala nen, “An mondok iya tit eeke neyoorak nogo eyom paga inawone amburu mbanogo maluk eekwi onggo inoba piyaakit o,” yinuk, ineebe mondok-mondok mbutigeele paga maarogo o apit me mambiyareegerak wonogwe nogo, kiniki abeko logonip o.