Ayup 24:11 - Ala Wone Peenok Peebi Mbanak

¹¹ Niyo abu aret wonogo logonet, Tayitun anggen yugum paga aan lebenit nogwe, Anggur anggen iniyok paga aambiranit nogwe, Eeko logonet,

Ayup 24:11 ပူးပေါင်းရင်းမြစ်များ

Ayup 24:10

It aakumi meek nogo mendek ti, Inayum lek me, inagap mbelanak nugwi, Inambi abu aganake kagak gandum agabolo mbelanogo pugwi,

Ayup 24:12

Kambuwok nduk, iniki oone agan nugwi, Andi-pandi logonet, Obeelom ee'ninabu o, yogwe, Eekwi nogo It kota wonogwe nen konenggo menggaarak kwe, Ala nen, Kit maluk eeppinagagwi nogo, onggo it eeppiyaakit o, yinuk, Yoraga'lek aret wonage agaarik o.

Ayup 24:18

It aap maluk eeka ti, Iri'ngga niyo obaga wonok nege menggi kwak wonogwe, Inanggween unde menggam pulinik aret me, Ineyabu anggur yarak pekka naga'lek aret wonogwe, Eeko menggaarak.

Yetaya 16:10

Inale'nggen nen noone-koone agan nugwi nogo an nen lek eerogo piigirak me, It inageyo anggur yabu aagome anggen yugu paga inale'nggen nen keekok yogwe nogo lek age, It ineyabu anggur yarak me inale'nggen nen ndawi warit nugwi nogo muk lek age, Anggur anggen mbanak amburu aambiranggo menggam aambiranggwi lek age, Eekerak o.

Yeremiya 22:13

Aliku ALA nen ari logonet, “Aap endagembogut ambi iniki koonak lek iniki maluk kagak awi o nggwok obeelom wuke, A'me nggelok eeppiiga'lek aakumi wi-wi aganake logonet, awi wigak togon wuke, Eeke logonet, Awuri at awi wuppiigwi nogo onggo wogoraga'lek oone omaawi paga, We aret wuppanogo logonip o, yinuk, yorage menggerak nogo ti, abuwa o!

Pelaareegerak 25:4

Lembu nen iniyok paga gandum anggen mbelanit nage kagak, ando nunggwi iyo, inambe keele maarogo piigo logorak mage o,” yoragagerak.

Yakobut 5:4

It kineyabu eeppinagagaarak nogo, onggo ndak-ndak wogoroorak kagak eeko nogogutak me, it inoone mumun kokop yokkirogwe yi, iyaanip o. It ando anggen yugu wonok kira wogwe nogo kunduk, inoone yogwe at Omaawi Lombok Menggerak ninogoba nogo, muk aruk konengge agaarik o.