Ayup 23:13 - Ala Wone Peenok Peebi Mbanak

¹³ Ala ti, iniki alik agak eekeelik aret me, Aap ta nen at eeriyak mbake nogo, non mbanogo pigin mbakop? At iniki mbake nogo mban aret eeke,

Ayup 23:13 ပူးပေါင်းရင်းမြစ်များ

Ayup 10:13

Togop kwe, Yogop eeppikit, nomba'nuk eeppaniyak Kinikime kumaappatinuk wonage nogo, Neenu aret me, yokkiri o.

Ayup 11:10

At wage logomenggerik, Aap keele maarogo mambiigo menggam mambege, Inowak loonggo menggam owak loonogo awone mbangge, Eeke kenok, Ta nen mage yoriyak mbakop?

Ayup 12:14

At nen minogo pege kenok, aap ambi nen obaane'me wuke, Ndi, at keele maarogo pege kenok, aap ambi nen keele piinogo ame nappege, Eeriyak meek o.

Ayup 23:12

At lombok nen, Yogop ee'nu ndogop ee'nu, yo'nege nogo, Mbo pega'lek ti mban mugurok nage, At oone ari menggerak nogo niniki kunik eekko'nok li'lak mban eeke, Eeke agarik o.

Ayup 23:14

Eeppaniyak koonogo pereegerak nogo aret eeppanege, Eerit noorak koonak ti mendek ambik lombok wonage nogo aret eeke, Eeke menggerak ti paga

Ayup 34:29

At oone lek puk mban wonage kenok, Aap ta nen maluk at oba pege, At etenggen kumaappatinuk wonage kenok, Aap ta nen enegen kage, Eeriyak mbakop? Lek me, It Ala mugurok noorak ineebi mbakwi nen Keele pugu kwak aakumi yilunogo piinok, inoone omaawi yorogo logogun me, It aakumi inanebunu ambi nen ilik, aakumi abok nen a? It tebenogo piyoorak meek aret arigin o.

Ndawi 115:3

Nit ninogoba Ala ti, mbogut paga wonage, At eeriyak mbake nogo aret eerit nage, Eeke menggerak kwe,

Ndawi 135:6

At Aliku ALA nen mbogut paga inom, Nggween paga inom, niyo kole laut paga inom, Yi nggwok yenggenak ogu kiiniki lombok paga inom, “Yogop eerikit,” mbake nogo ti aret eeke menggerak o.

Kini Wuppiige 19:21

Aakumi nen yi eeriyak ndi eeriyak ambik iniki koonggo menggaarak kwe, Aliku ALA nen eeriyak mbake perak, aret age menggerak.

Wone Alom Kibingga 1:15

Koonak lek nggolawe kenok koonggwi, Yi mendek ndi mendek lek kenok ineenggi lingginggwi, Eeriyak meek aret o.

Wone Alom Kibingga 3:14

At Ala nen yi mendek ndi mendek eeke menggerak nogo ti, at ayuk wuko logowak nduk, mondok-mondok eeke menggerak me, aakumi nen ambinom nabenogo pugwi, ambi lek eerogo pugwi, eeriyak meek aret kage minggirak o.

Yetaya 46:10

Wone eeriyak nogo awo warengga'lek kagak, “Age yobok ndogop eeke kaamunggup o,” yinuk, yokkirage, Ee'nariyak nogo awo eeka'lek kagak aa'nduk togon abok yokkirage, Eeke minggirak o. An eeriyak koonogo pigitak ti, mbeyok arilik o. Ata, eeriyak niniki mbake ti, a'me lik togon aret eeke minggirak.

Yetaya 46:11

It towe nen towe nengga kero, oonegen lagi wage menggim pa'nggwe nen woraawak nduk, wiige, An eeriyak koonggitak nogo a'me aret eeruwak nduk, aap o nda nen woraawak nduk ayonggo pege, Eeriyak yagatak nogo aret eeke, Ndi, eeriyak koonogo pigitak nogo a'me lik togon aret eeke, Eeke minggirak.

Ndaniyen 4:35

Aakumi inanebunu lombok nggween paga wonogwe abok aret, It iya lek o, inombake, Ndi, it mbogut paga inomaawi menggaarak inom, it yi aakumi ndi aakumi o nggween paga menggaarak inom, eeppiyoorak mbake kenok mban eeppiige, Eeke menggerak me, It aakumi nen at eenggi awiirogo pugwi, Ndi, Ti nonggop nduk eekendak o? yinuk, at yogwi, Eeriyak meek o, yinuk, yereegirak.

Oroma 9:19

Ala togop eeke menggerak me, kit ambi nen, “Ti kenok, nit maluk eekwi alom Ala aret me, Maluk eekotak o, yinuk, Ala nen nonggop togon nit yo'niroorak mbaken? Ndi, Ala iniki mba'nuk nen eeke menggerak kagak alik eeriyak op me nduk ari agandik?” yinuk, yo'nugwi kiigirak me,

Yakobut 1:17

Ninabuwa nen obeelom eeppinanege inom, wo'niroorak mbake nogo mondok ndak-ndak wo'nirage inom, abok aret agi nen mban wuppinani wage menggerak. Yi o ndi o abok aret eya eeke menggerak alom at ninogoba Ala nen aret wuppinani wage menggerak. At ambi agak eeke logonet, ne ambi paga o yumaak negen age, ne ambi paga o eya negen age, eekeelik mondok itok eya mban aret menggerak.