Ayup 23:12 - Ala Wone Peenok Peebi Mbanak

¹² At lombok nen, Yogop ee'nu ndogop ee'nu, yo'nege nogo, Mbo pega'lek ti mban mugurok nage, At oone ari menggerak nogo niniki kunik eekko'nok li'lak mban eeke, Eeke agarik o.

Ayup 23:12 ပူးပေါင်းရင်းမြစ်များ

Ayup 15:11

Ala nen kiniki eyak wappagage, Oone yanggik-yanggok yokkege, Eeke ti, Meek mba'nuk ari agandik?

Ayup 22:22

Ala lombok nen mamunggege nogo liirogon wagangge, At nen wone yokkege nogo kinikime porogo wonage, Eeke logot o.

Ayup 23:13

Ala ti, iniki alik agak eekeelik aret me, Aap ta nen at eeriyak mbake nogo, non mbanogo pigin mbakop? At iniki mbake nogo mban aret eeke,

Ayup 33:9

Kat nen ari logonet, An wone ambi tagangga'lek obeelom aret wonage, An maluk eeka'lek abu kikak naka'lek wonage, Eekirak kwe,

Ayup 6:10

Ti eeppanege kenok, andi kunik tit neegak, At kikak naka'lek abu obeelom menggerak wone yo'nege nogo, Neebi, mba'nuk mbo pega'lek logonet kanggi o, Yinuk, kangge logominggirik, niniki kwi'nage, Nale'nggen nen mbo laganggak ari, Ee'netak o.

Ndawi 119:103

Nggiin amburu ombat abe negen kage kwe, Wone koonogo pereegindak ti perak, Ombat tele lombok kage minggirak o.

Ndawi 119:11

Kat maluk eeppagukwak, koone yugu nogo woppunuk, Ninikime liirogon porogo minggirak o.

Ndawi 119:127

Togop me, mbuti emas inom, Mbuti emas at mendek mban inom, ti, Niniki kundugu negen kwe, “Yogop ee'nu ndogop ee'nu,” koone yugu ti perak, Niniki kundugu lombok wonage,

Ndawi 33:11

Aliku ALA nen eeriyak koonggetak nogo perak, Mondok-mondok nu'lek wonage me, Eeppiyoorak iniki koonogo pegetak nogo Eeppiinet wage kagak nda'narit wundi wogo menggaarak.

Kini Wuppiige 30:8

Ambi, niniki mbere logonet ari, noone pilit ari, eeke nogo mbo pege, Ndi ambi, neenggi lek eeppanege, neenggi warak eeppanege, eeka'lek we nambi ko'lu-kii'me nengge logorak punik nogo mban wo'nege, Eeke logot o.

Yeremiya 15:16

Komaawi Lombok Menggendak Kaliku Ala wae. An paga kendage wiganit nege me, koone ari konengge nagarik, abu liirogon waganggirak paga Ninikime mondok lik yi unggwage logonet, nale'nggen nggwok ee'nabit unggwage, eeriyak ninikilom mbake, Eekirak o.

Lukat 12:42

Yoge mbareegi, at ninogoba Yetut nen, “Ti kenok, aap nggwok ayeloman ambi nen oreewi at ogoba ayeloman mini ando nogo inarum logonet, inambi noorak wogorage logowak nduk, mippuurak iniki warak yabu li'lak eeke menggerak ambi ta o?

Lukat 12:46

Ayeloman nogo nen, Nogoba ne ndi eyom paga woraagin o, ndi, Oonegen ndi paga woraagin o, mbaka'lek ugun kobak kagak wage logomenggerik, ayeloman nogo eebe nibik-nobak eerogo it aap iniki at oba panggombunuk, abet mbaka'lek piige menggim nogome aret nappigin o.

Yaya 4:32

Yorit unggwogogwaarak mendek at Yetut nen, “An nambi ti, kit kineenggo'lek mendek nengge agarik o.”

Yaya 4:34

Yogo mbareegwa, Yetut nen, “At nappani wagagerak nen eeriyak mbake menggerak nogo eeke, ndi, at eeriyak mbake menggerak nogo an nen worok togon eeke, eeriyak ti, an nambi aret o.

Yaya 8:31

At Yetut nen it aap Yakuri mendek iniki at oba panggombunuk, abet mbareegwaarak nogo yorage logonet, “Kit nen an noone kinikime porogo logonet, mondok mugurok nogwe kiinok, an noone waganggwi mendek abet aret logomunggup o.

Nappiigak 14:22

O nogome yanggwagak nogo logonet, “At Ala abu'me unggwi noorak ti, aaninggin-paaninggin ninoba arit unggwage tit kagak aret unggwi noorak o,” yinuk, it Yetut oone waganeegwaarak nogo, iniki eyak wappiigwi, “Wone abet mbakotak nogo mbo puurak mage o. Ata, kiniki nu'lek eeppunuk logonip,” yinuk, kini wuppiigwi, eerit nogogwaarak.

1 Peterut 2:2

Ala nen obeelom eeppinanege nogo, kit eekkinake muk liippogotak kenok, elege awo ngget ndarak yilak abu nen le yogonok yilak mili lenggenak lek abe wogoragaatak nonggo logonet, tawe ogo mengga kwak, at Ala nen muk kinagap ndakkinabeegerak me, kiniki kole eekkinake logowak nduk, abe wone ti mban, “Ao,” yinuk, waganggo logonip o.

1 Yaya 2:19

It aap ti, aa'nduk ninom kuwak eeko nogogurak kwe, “It ti, nit mendek lek o,” yinuk, mbo pinaninuk mbaganeegwaarak. “It aap ti, nit mendek aret,” mba'netak en, ninom aret logonetak kwe, “It ti, nit mendek lek,” kin aruwak nduk, mbo pinaninuk mbaganeegwaarak o.