Ayup 23:11 - Ala Wone Peenok Peebi Mbanak

¹¹ At iyok pit nage me, an niyok time aret pit nage, Nena agi-ogu agak eeka'lek tu at nage menggim mban nage,

Ayup 23:11 ပူးပေါင်းရင်းမြစ်များ

Ayup 17:9

Aap iniki abe koonak wonogwe nen it mugurok nogwe nogo aret mugurok nogwe, It aap maluk inikime kumaapporogo wonogolik kenok, iniki kole arit unggwage, Eeko logogun o.

Ayup 31:7

Tu abe kagak nomok togon nage, An nenegen kenok niniki nenet nage, Maluk neenggi paga lenggenak wonage, Eeke neenok,

Ayup 6:10

Ti eeppanege kenok, andi kunik tit neegak, At kikak naka'lek abu obeelom menggerak wone yo'nege nogo, Neebi, mba'nuk mbo pega'lek logonet kanggi o, Yinuk, kangge logominggirik, niniki kwi'nage, Nale'nggen nen mbo laganggak ari, Ee'netak o.

Ndawi 119:51

It aap wogoppako menggaarak nen Meek eerogo panegak mban eeko menggaarak kwe, Kat koone Muta nen liiru mbaneegerak nogo An mbo punuk, alik eerit nageelik o.

Ndawi 125:5

Ndi, it aap obeelom eekwi nogo mbo punuk, Nomo agan tu alik paga nogwe iinok perak, Aap maluk eeka inenggaawak lek eerogo piige logonet, It inom aret lek eerogo piige, Eeke logot o. It aakumi Iterali iniki ugun tayenak aret logowak o.

Ndawi 17:5

Kat kiyok mugurok mban nage minggirak me, An niyok eraabin perak togon noolik o.

Ndawi 36:3

Inambeme nen wungge nogo ti, Abe lek maluk mban aret wungge, Ndi, inoone agan nugwi ti, Pilit wone mban agan nugwi, Eeko menggaarak. Iniki warak nen eekwi, Obeelom ambi eeriyak mbakwi, Eekulik aret o.

Ndawi 44:18

Kat mbo paganuk mbaganiyak ee'ninake, Tu kat yo'nirage nogo mbo punuk, tu alik paga nogwe, Eeka'lek kwe,

Ndawi 44:19

Kat nen aan lebenogo pinanege, Mba'ngge nugu menggam kwak eerogo pinanege, Nogoyum lenggenggo mengga kwak o yumaak lombok eerogo pinanege, Eekendak o.

Kini Wuppiige 4:5

Kiniki warak lombok mamunggolage, Yi wone ndi wone alom keenu eekkolage, Eeke logot o. An wone yokkege yi, mari eerogo pege, Mbo punuk nomo agan nage,

Oroma 2:7

It aakumi ando nen mbako logonet, “Ala nen tiyappinanege logonet, ninayuk warak agago nabelan-kabelan wo'niraagin o,” yinuk, iniki mondok kwippunuk, puk aga'lek obeelom mban eerit nogwe iinok ti, Ala nen ineenik mondok logorak mendek wogoraagin o.

2 Korindut 1:12

Nit eerit nogo logonet, liippunuk eerit nogo monggoorak kwe, kit kinenggela'me logonet perak, mondok iya lombok eeko nogogurak nogo, abeko logonet, it aakumi nggween paga mendek iniki koombunuk agan nugwi kwak agan nugwi, kinamendek kolaawok nduk, wone eegu nobat yokkirogwe, ti eeko logolik o. Ata, Ala niniki kunik nen omaawi eeppinanege kagak, mondok abet kenok mban kenom paganogo yokkirogo nogogurak nogo mban abe'nage kenok, “Op eekoorak me, ia!” yinuk, niniki ale'nggen mbako ogoorik o.

1 Tetalonika 2:10

Kit abet mbareegutak nogo nit kinenggela'me logonet, Ala wone liippunuk eekwi, ndi, maluk eeka'lek abu obeelom eereegurak paga kinoone ambi ninoba pinanega'lek wonogwe, eerit nogogurak nogo ti, Ala niige, kit kunduk niigwi, eereegutak o.