Ayup 23:10 - Ala Wone Peenok Peebi Mbanak

¹⁰ Togop aret kwe, An eeke minggirak perak, at eenu aret me, Mbuti emas kani paga worakwi iinok, Abe age menggi kwak, an nabut mbanogo togop aret eerogo panigin o.

Ayup 23:10 ပူးပေါင်းရင်းမြစ်များ

2 Tamuwen 22:22

Nogoba Ala mbo punuk maluk eerit naga'lek Aliku ALA eerit nage mban mugurok nage,

2 Endagembogut 20:3

“Kaliku nogoba ALA o. An yi, niniki-neebe nggaruk togon wokki'nuk, kenggaanom paga li'lak mban eeke, kenegen keegak obeelom mban eeke, eeke minggirak nogo keenu o,” yinuk, tamban eeke logonet, iniki abu puru yinuk, le yereegerak.

Ayup 23:7

At enggaanom paga time aap iniki abe koonak nogo nen An ndogop o, yinuk, yoge kenok, at nowak loongga nen, Kat maluk eeka'lek aap obeelom aret o, Yinuk, yo'nenetak kwe,

Ayup 23:9

O omarip paga pa'nggwe at eeke menggim time Kwaari naminggirak kwe, eebe aret kage, Melak togon o ame pa'nggwe nage kagak, at eebe nenegen liippege, Eeka'lek aret agarik o.

Ayup 31:4

At Ala nogo nen an eeke minggirak nogo liippanege, Niyok pit nage nogo at eenggi linggingge, Eekeelik mbakop?

Ayup 31:6

Aaninggin abu abe wakkogo mengga kwak, At Ala nen an liippaninuk, maluk eerulik aret neyaagin o.

Ayup 33:9

Kat nen ari logonet, An wone ambi tagangga'lek obeelom aret wonage, An maluk eeka'lek abu kikak naka'lek wonage, Eekirak kwe,

Ayup 6:29

Maluk eerulik kagak, Maluk eekendak o, yo'nugwi ti, Lik togon yo'nugwi lek me, ambinom liippinip o. Liippugwi kiinok, abet aret an maluk eerulik neyaamunggup o.

Ayup 7:18

It aakumi ti, Ko'lu-kii'me kubondendok liippiya wage, Netik-netak inabut mbangge, Eeke menggendak me,

Ndawi 1:6

It aap iniki abe koonak nen eerit nogwe nogo, Aliku ALA nen enegen wogonake menggerak kwe, It aap maluk eeka nen eerit nogwe nogo, Lek eerogo piige menggim time aret nogo menggaarak o.

Ndawi 11:5

Aliku ALA nen aap iniki abe koonak iinok, Inabut mbangge menggerak kwe, It aap maluk eeka inom, inanini paga eeppiyoorak inikilom mbaka inom, Eebi lombok inombake menggerak.

Ndawi 17:3

“Noone paga nen maluk ambi eerigin lek o,” yinuk, wone nggaruk togon koonggirak me, Kat nen niniki kwaake, Oonikiya liippanit unggwage, An nabut liirogon mbangge, Eeremenggendak kwe, An maluk eekirak ambi lek aret kaamunggun o.

Ndawi 66:10

Ala wae. Kat nen ninabut mbanogo pinanege, Mbuti perak abinak aruwak nduk, Kani worako mengga kwak eerogo pinanege,

Ndawi 7:9

Kiniki abe koonak Ala wae. Aakumi inabut mbangge, Inikime lombok koonggwi nogo liippiige, Eeke menggendak me, Inanini nen maluk eeko menggaarak nogo lek eerogo piige, Ndi, it obeelom eeko menggaarak nogo iniki nu'lek eerogo piige, Eeru o.

Kini Wuppiige 17:3

Kani eyak paga mbuti perak abut mbanggwi, Kani aganggen paga mbuti emas abut mbanggwi, Eeko menggaarak kwe, Aliku ALA nen perak, Aakumi iniki abut mbangge menggerak.

Yeremiya 12:3

Togop aret kwe, Kaliku ALA wae. Kat an liippanege menggendak o! An eeke minggirak nogo kenegen neege, An kat paga nonggop kombake neyaamun? yinuk, nabut mbangge, Eeke menggendak o. Ndomba inooruwok nduk, wogoren wundi wogo mengga kwak, it aap ti, togop aret nigiren nage, Inooriyak eyom ari wage kenok, inooruwak nduk, leenogo piige, Eeke logot o.

Takariya 13:9

It mbere inooke logonet, ambi teppigin nogo ti, mbuti perak at mendek mban aruwak nduk, kani paga worako mengga kwak, Mbuti emas etenggen yelok kaawak nduk, kani paga worako mengga kwak, It togop aret eerogo piyaagin o. Ti eeke neenok, it nen an nendage kunogo nggino yo'nugwi iinok, naruk konembunuk, yorage logogin o. It an napuri aret o, ari neenok, it nen kunduk, Aliku ALA ti, ninogoba aret o, yinuk, yogo logogun,” yegerak o.

Yaya 21:17

Ne mbere yoge nagagerik, ti'nuk, ne ambinom yoge logonet, “Yaya aput Timon wae. Kat an kiniki kunik ee'nake ilik, lek a?” Yoge mbareegi, at Yetut ne kenagan paga, “Kat an kiniki kunik ee'nake ilik, lek a?” yoreegerak paga, at Peterut iniki maluk age nagagerik, yoge logonet, “Nogoba o. Kat yi abok ndi abok keenu aret me, an niniki kunik eekkake nogo kat keenu aret o.” Yoge mbareegi, at Yetut nen, “Nandomba ndegeninake logot o.

1 Korindut 3:15

Ndi, nengge kenok ti, ineebe kani nagun lek inagap ndarigin aret kwe, o wuremenggaarak nogo kani nengge kagak onggo kolaga'lek ineebe mban wundugun o.

Pelaareegerak 8:2

At Aliku kinogoba Ala nen tu karume wokkiren wage logonet, It aakumi yi, Yogop ee'nu ndogop ee'nu, an yorage nogo liirogon porogo wonogwe iyaamun ilik, lek a? yinuk, kinikime nano wonage nogo eenu arikit nduk, kinabut mbangge, kiniki tebenak logomunggup nduk eeppinagage, eeke kagak, tahun 40 aret eereegerak nogo kiniki abe'nip o.

2 Timotiyut 2:19

o wurik ili agago liiru mbanogo pogo mengga kwak, Ala eeriyak kooneegerak nogo, “Mondok logogin,” mbaruwak nduk, ari logonet, “An napuri kenok ti, neenu aret minggirak o.” Ndi, ambi, “Yi aap ndi aap abok aret, An Ala aput aret o, yogwe iinok, It maluk eekwi nogo mbo pogo logowak o,” yinuk, yereegerak me, it aap ti togop aret eeko menggaarak kwe, Ala nen, “Eeriyak,” kooneegerak ti, o eyak wurabak nu'lek menggi kwak, mondok nu'lek aret logogin o.

Iberani 11:17

Ala nen Abarakam abut mbanikit nduk yoge logonet, “Kaput warogo an nake kani kumbu o,” yoge mbareegi, Abarakam nen, “Kaput Itak paga nen kombowologwe apit wigannarugun o, yinuk, yo'nege mbaki, abet aret mbakirak kwe, Waru o, yo'nege me, nonggop togon wari?” ti mbarulik. Ata, “Ala nen kanggaatak ineenik eerogo mippiige menggerak neenu me, togop aret eenik eerogo mippigin kagi,” yinuk, abet mbake logonet, “Naput ambolom ndarak yi kagak aret warikit,” mbareegerak. Ndi, Ala nen kanggaatak ineenik agago mippiige menggerak abet mbareegerak nogo ndak-ndak, iniki nen abu warikit mbareegerak ti paga abet aret wakerak mba'nuk, Ala nen eenik agago mippereegerak negen aret mbaruwok o.

Yakobut 1:12

It aakumi inabut mbangge kagak nu'lek wonogwe kenok, inale'nggen aret mbako logowak o. It aakumi inabut mbangge kagak nu'lek wonogwe nogo, op eekwi iinok, nggare-nggare mendaarak yippiigo mengga kwak, “Kineenik mondok logorak mendek wokkiraagin o,” yinuk, abok yoragagerak ti, it aakumi Ala iniki kunik eekwi nogo, aret wogoraagin o.

1 Peterut 1:7

Mbuti emas nogo ti, we luulu lek ariyak mendek kagak, “At mendek ilik, alik mendek a?” yinuk, kani paga abut mbanggo menggaarak nogo ndak-ndak, kit abet mbakwi nogo ti, mbuti emas ndak-ndak lek o. Kit abet mbakwi nogo ti, mondok iya lombok me, at Ala nen, “Nu'lek wonogwe iyaamun ilik, lek a?” yinuk, kinabut mbangge logonet, aaninggin-paaninggin kinoba pinagage me, kiniki ale'nggen mbakwi kiinok, peebi Yetut Keritut eebe tena'me ari wage logonet, “Op eekotak o,” yinuk, ale'nggen kinoba pinagage, kinendage tiyappinagage, wogoppinagage, eeri woraagin o.