Ayup 22:4 - Ala Wone Peenok Peebi Mbanak

⁴ Kat Ala kagabiti mbake paga at nen maluk onggo eeppagage, Ndi, kat aap obeelom aret o, yinuk, kowak loonogo aaninggin koba pagage, Eeke agaarik mbaken?

Ayup 22:4 ပူးပေါင်းရင်းမြစ်များ

Ayup 14:3

Togop aret iigak kwe, Kat Ala nen kenegen aap togop mendek pegiige, Kenaame piinok inowak looninake, Eeke menggendak o.

Ayup 19:29

Ala anini mbake logonet, maluk eekwi onggo wooluwak paga inooke kenok, Ti paga it maluk eeko menggaarak nogo inowak loonigin kineenu ariyak me, Kit togon wooluwak paga kinooke kero, kinagabiti mbako logonip o,” yinuk, yoragagerak.

Ayup 22:3

Kat kiniki abe koonak menggendak paga Omaawi Lombok Menggerak inikilom kombake, Ndi, maluk eeka'lek abe mban eeke paga at Ala ambi eekkolage, Eeriyak mbaken?

Ayup 34:23

Togop aret me, It aakumi inowak loongge logonet, ineegwa'me waakit nduk, at Ala nen, Ne ndi paga woraamunggup o, yinuk, punogo piigeelik o.

Ayup 7:12

At nogo ti, niyo laut ilik, Waalo nggwok anini warak yi inikime menggerak a, Mba'nuk, narum logorak mbaken ya?

Ayup 9:19

At nimbirak ninomaawi wakkaa'netak nen, At omaawi abu iya a'netak o. At nimbirak ninowak looniyak kwe, Kat kawone mbaniyak me, Omok o, yinuk, Ta nen yo'netak mbakop?

Ayup 9:32

At Ala ti, aap kwak logo me an nen wone onggo yoge, Owak loonggo menggam time ninowak loolon yogwe, Eeruwok lak, Aap kwak lek me, meek o.

Ndawi 143:2

It aakumi o nggween paga wonogwe inenggela'me Aap ambiriluk ambi iniki abe koonak kat kageelik me, Kayeloman an yi, nowak looniyak mage o.

Ndawi 39:11

Aakumi maluk eekwi iinok mberirage, Iniki koonogo piige, Yininuwo nen yi mendek ndi mendek nenet nage kwak, It inamendek iniki kundugu wonogwe nogo Kat nen lek eerogo pege, Eeke menggendak o. It aakumi ineenik logorak nogo ti, Inambe aagi ne ambit wumbugwi kwak aret wonogwe o.

Ndawi 76:6

Yakup ogoba Ala wae. Kat mberiragagindak paga Inaguda inom, inanggweendo wogoren nega inom, Inagabolok lek agagerak o.

Ndawi 80:16

Eyo yareegindak nogo muurogo punuk kani kunggwi, Kenete aagi eeppunuk mberiragagindak paga It kat kapuri inenggaawak lek eerogo piigwi, Eekwi me,

Wayu 3:19

It aakumi an niniki kunik eeginake minggirak nogo ti, inaruk wake, iniki koonnaruwak nduk yawi inooke, eeke minggirak me, iniki koombunuk, inomaluk nggaruk togon mbo puwak o.