Ayup 22:30 - Ala Wone Peenok Peebi Mbanak

³⁰ Aap maluk eeka'lek ugun wonage kenok, Ala nen agap ndake menggerak me, Kat maluk eeka'lek obeelom wonage keenok, Ala nen kagap ndarigin o,” yinuk, yoreegerak.

Ayup 22:30 ပူးပေါင်းရင်းမြစ်များ

Ayup 17:9

Aap iniki abe koonak wonogwe nen it mugurok nogwe nogo aret mugurok nogwe, It aap maluk inikime kumaapporogo wonogolik kenok, iniki kole arit unggwage, Eeko logogun o.

Ayup 23:1

Yoge mbareegi, Ayup nen wone onggo at Elipat yoge logonet,

Ayup 42:9

Yoge mbareegi, at Teman mendek Elipat inom, aap Tuwa mendek Mbilirat inom, aap Naama mendek Topat inom, nogo nen Aliku ALA nen yoragagerak nogo ndak-ndak eeko mbareegwa, Ayup tamban eereegerak nogo Aliku ALA aruk koneneegerak.

Ndawi 18:20

An obeelom mban eeke neenok, Aliku ALA nen ndak-ndak obeelom eeppanege, An maluk eeka'lek wonage neenok, Onggo maluk eeppanega'lek wonage, Eekerak o.

Ndawi 24:3

Aap ta nen Aliku ALA abuut paga lagi nage, Ta nen o abe alik leenak menggim mi'nari nage, Eeriyak op mbakop?

Ndawi 24:4

Lek o. Aap ineenggi paga maluk eekwi, Iniki maluk koonggwi, Ala kagak obaane'me kugi eekwi, “Kumbuk mbanggi o,” yinuk, pilit yogwe, Eekulik kenok, Aap ti mendek o time mi'nari noorak op aret o.

Yetaya 1:15

It ineenggi paga aap inamiya wonage kagak eekwi me, Tamban eeko logonet, ineenggi nippunuk eekwi iinok, an nena nomok ari, Ko'lu-kii'me tamban eekak mban eeremenggaarak kwe, an naruk konengga'lek mbo pege, Eerigin o.

Yetaya 58:12

O aa'nduk lombok ogowa pugu langgunogo pereegwaarak nogo inapuri nen obaane'me pit nogwe, O maan togon yigirik-noonom eerogo pereegwaarak nogo obaane'me wukwi, Eerugun o. Ti eeremenggaarak paga it aakumi nen, Yugum Pak Wurik Langgunik Obaane'me Wuka, yorogwe, Aakumi Logorak Tu Koonogo Piinet Naga, yorogwe, eeko logogun o,” yinuk, yegerak me, yokkiragi o.

Yeremiya 5:1

Aliku ALA nen ari logonet, “Kat o kota Yerutalem yiru-ndiru yime pekkanet nage, Pekkanet nage logonet, kenegen li'lak yambonit nage, Wone mbanggo menggam nggween aagome abok aret yambik-yambek eeke, Eerit nage logot o. Eerit nage logonet, aap ambi iniki abe koonak a'me nggelok mban eeke menggerak ambi wonage kage kenok, Aakumi o kota yime menggaarak ineebe lek eerogo piyaagin lek, inomaluk lek eerogo piyaagin kwe, lek me meek o.

Maleyaki 1:9

“An inogoba Ala nen inabuwa mbarikit nduk, yogondak yo'niruwak nda! Wo'niri wogwe ti mendek niri wogwe iinok, Op aret niri wogop o, yinuk, keyage warogo wogonaburak mbakwi ya? Lek aret o,” yinuk, at Omaawi Lombok Menggerak Aliku ALA nen aret yegerak me, kit at eebe unde aret yokkiragi o.

Nappiigak 27:24

Pawulut wae. Kagabiti yugun o. Kat Kayitat owagam aret mi'narumunggun me, Ala kabuwa nen kinom yiiro paga wonogwe yi, kat paga abok inagap ndarigin o, yinuk, yo'negerak me,

1 Timotiyut 2:8

Togop me, it aap yi awi ndi awi abok aret inanini mbakwi, wone wakwi, eeka'lek obeelom mban logonet, ineenggi nippunuk, tamban eeko logowak nduk, “Ao!” lombok inombake minggirak.