9 It iname wonogo logonet, Inagabiti lek iniki ugun obeelom aret wonogwe, Ala nen aaninggin inoba piiga'lek aret wonogwe,
It aap o piyangga nogo iname op aret wonage, Inagugi yonggolak wonok nugwi nen Ala anini wunduwak nduk eeppugwi nogo, Iniki ugun tayenak aret wonogwe, Eeko agaarik o.
Agabiti mbariyak wone nogo mban aruk konenggak eeke, Niniki ugun obeelom wonage, Mbake kagak, It aap maluk eeppiiga nogo nen at oba kwi'nari unggwogwe,
Agabolo nirik-kirik eerogo puurak mendek enaagan-ambokan wonage, At nage kenok, mugurok aret nage,
It inaanggumi ngguunok ti, inayo maluk lek abe mban wonogwe, Inaanggumi kooli ti, inaagalogwe aambiranogo piiga'lek obeelom mban ndaganakwi wonogwe,
It ineebe ne ambit liingge aret lek ogwe, Inagabiti nen inamineeri ne agan nage kagak, inenggaawak lek aret ogwe, Eerugun me, iya!
Aaninggin-paaninggin aakumi inoba age nogo, it inoba aga'lek we teeluk aret nogwe, Aakumi andi-pandi aganake nogo It eeginaka'lek wonogwe, Eeko menggaarak me,
Noone taganemenggaarak onggo yawi paga inooke, Inomaluk onggo ya'mbiran nggora eerogo piige, Eerigin o.