Ayup 21:5 - Ala Wone Peenok Peebi Mbanak

⁵ An ari neegak, Ia! yogwe, Kineenggi kineyak mbanggologwe, Eerumunggup kwe, An ari mban neyaamunggup o.

Ayup 21:5 ပူးပေါင်းရင်းမြစ်များ

Ayup 13:5

Kinoone yaga'lek puk logonetak en, It aap yi, iniki warak nen agaarik, kinomba'netak o.

Ayup 17:8

Aap iniki koonak mendek nen, Iya! yogwe, It maluk eeriyak koongga'lek ugun wonogwe nogo nen, Aap yi iniki abet mbaka'lek nonggop nduk wonage, Yinuk, inanini mbakwi, Eeko agaarik kwe,

Ayup 2:12

Ka wogo nogogwaarik, tayorogon nen inigen nakka woraanuk, “Yi Ayup aret ilik?” yinuk, at eebe liippuurak meek aret mbareegi, inayum nibinogo pakwi, wun inanobak irimbaga yumbunogo nippugwi, eeko nogogwaarik, inoone nggwok paga le yereegwaarak.

Ayup 29:9

It nagawan-nagawan inoone nggobo agan nogwe, Ineenggi paga inambe nakkologwe,

Ayup 40:4

“An aap abu yunduurak aret me, Wone nonggop yokkirubok kenok, noone lek puk ari o.

Ndawi 39:9

Kat nen aret nena koonogo panegendak me, An noone kiyuk wunaka'lek puk aret agarik o.

Kini Wuppiige 30:32

Yilak amburu toolak nombok-kombok eekwi iinok, linogo pege, Inogobak nombonggogwe iinok, inamiya wundi wage, Eeke menggi kwak, Aap inanini mi'nogwe iinok, ndugwi aret wo'nage menggerak me, Kit kiniki lek wi negen logonet wogoppatit nogwe, Maluk eeriyak ambi koonogo pugwi, Eekwi kiinok, Mbiningga'lek kinoone puk aret logonip o.

Yetaya 52:15

Ti ndak-ndak at eerit namenggerak paga yi aakumi ndi aakumi abok aret, Iya, yinuk, pi wakwi, Ndi, yi aap ndi aap inendagembogut kunduk, at eeke inigen kenok, inoone-inambe ambi yaga'lek puk aret ogwe, Eerugun o. Yoraga'lek nogo eeke inigen kogwe, Ndi, inaruk konengga'lek nogo, konembunuk ineenu ogwe, Eerugun me, Inoone ambi yaga'lek puk aret logogun o,” yinuk, yegerak o.

Amot 5:13

It aap iniki warak nogo nen, “Inowak loonggwi eyom ti, maluk ariyak eyom aret me,” yinuk, Inoone ambi yaga'lek puk aret menggaarak o.

Mika 7:16

Ti eeremenggendak paga yi aakumi ndi aakumi inigen kogo logomenggaarik, “Nit ninomaawi paga eeriyak meek kogo o,” yinuk, Inenggali nen inoone ambi yaga'lek inaruk logu negen eeppunuk logogun o.

Oroma 11:33

Ala iniki warak lombok nen yi wone ndi wone eenu menggerak me, oba ngginik kagak obeelom eeppinanit wundi wage menggerak me, iya! At iniki koombunuk eeke menggerak nit nen kibinit ungguurak op mbakop? Ndi, at eeke menggerak nit liippit ungguurak op mbakop?

Owak Loongga 18:19

Yorage mbareegi, it nen at yogwi, “Kat nit ninogoba a'nuk, Ala unde logonet, nit abok ninake eeke logonok nduk, eekwi me, Koone puk o. Kat nen yuurak ambi lek me, ninom nawok nduk, mok mban. Ala unde logonet, aap ambiret aaganapuri inom inake eeke logorak ti op a, aakumi Iterali inenggela'me anebunu ambi ndarak ndegek abok aret inake eeke logorak ti op a?”