Ayup 21:19 - Ala Wone Peenok Peebi Mbanak

¹⁹ Kit nen yogo logonet, It aap maluk eeko menggaarak onggo nogo Ala nen inapuri inoba kwippiige menggerak, yogwe ti, It maluk eekwi onggo inapuri inoba piyoorak lek o. Ata, Aap maluk eeka ti iniki liippuwak nduk, It lombok aret inoba kwippiyaawak o.

Ayup 21:19 ပူးပေါင်းရင်းမြစ်များ

Wakkagagerak 4:7

Yoge nagagerik, “Kat obeelom aret ee'netak nen kenete paga i'ndok nggi ari keyanetak kwe, obeelom eeriyak mbaka'lek keenok perak, maluk eeriyak kinikime unggwi woraakit nduk, enaakkake logonet, molok kirit nege me, kinikime unggwage kero, mondok liippake logot o,” yoreegerak.

2 Tamuwen 3:39

Kinowe nendagembogut an aret amburu eerogo mippanggerak kwe, nomaawi lek aret wonage neegak, kwe Teruya aagalogwe yi, inomaawi ambik aret agaarak me, at Aliku ALA nen it maluk eeppegaarak nogo, onggo ndak-ndak aret eeppiige logogin o,” yinuk, yoragagerak.

Ayup 22:24

Kawu mbuti emas nogo, Yi nggween mendek aret o, yinuk, mbo pege, Mbuti emas abu abe o Opit mendek kat porogo wonage nogo, Yi yugum anggen kwak aret o, yinuk, niyo inikime mbo mambege, Eeppunuk,

Ndawi 54:5

Togop aret me, it maluk eeppaniyak koonggwi nogo Melak togon inoba kwippiige, Kat abe li'lak mban eeke menggendak me, It ineebe lek eerogo piige, Eeru o.

Wundeegwaarak 20:5

wogoppiigo logonet, inabu'me tebe yi unggwogwe, inayuk wukwi, eeko logorak mage o. Naliku kinogoba Ala an nalik aret neegak, nobaane'me ambi mippunuk, ayuk wukwi kiinok, Neebi o, yinuk, nanini mbake minggirak me, yi aap ndi aap inanini nombako logonet, maluk eekwi nogo ti, it ineebe inom, inapuri inom, inombowologwe inom, it paga nen wiganak inom, an nen aaninggin inoba piige logogin kwe,

Yetaya 14:21

Togop me it wologwe ti, mi'na'nuk o nggween ti unde eeppatinuk, inawi kota-kota wurit nogo logonet nggween enete lek eerogo pukwak, Inombomini maluk eeko nogogwaarak paga ugun inoorogo piyoorak o pipuk eerogo pogo logowak o,” yinuk, yoge kagarak.

Yeremiya 31:29

“Ne ti eyom paga it aakumi nen, Ninogobamini eyo anggen ale mendek nunggwi paga inapuri ineyak ne agan nage menggerak o, yinuk, ambinom yogo logogun lek o.

Yetikiyen 18:14

Togop aret kwe, aap apuluk ti nogo nen at ndaremenggerak nogo nen ogoba maluk ambik eerit nage nogo enegen kamenggerak kwe, Nogoba eeke ti, an eerigin lek o, yinuk, mbo pege logomenggerik,

Yetikiyen 18:2

“It Iterali wonogo menggam eekwi iinok, wone wakkagak yogo logonet, Ninogobamini eyo anggen ale mendek nunggwi paga nit inapuri nineyak ne agan nage menggerak o, yinuk, yogo monggotak ti, alom ngge nduk yogo monggotak o?

Maleyaki 3:18

Ti eeke neenok, it aakumi iniki abe koonak logonet, eeka inom, inobaabut nggolawe logonet, maluk eeka inom, inalitak eekwi paga eeppiige, ndi, it nayuk wuko logonet, noone mugurok nogwe inom, nayuk wuka'lek noone mbo pugwi inom, inalitak eekwi paga eeppiige, eeke neyaagun o,” yinuk, yegerak me, yokkiragi o.

Matiyut 16:27

An aap aret nda'nagagirak yi, an nogoba amindik-amendek li'luk eekko'nok, malayikat ninom wogo logomonggoorik, yi aap ndi aap eeko menggaarak onggo ndak-ndak aret wogora woraagun o.

Oroma 2:5

Ala iniki togop mbake kwe, kiniki omaawi kinogogumbuk wonogwe kiinok, Ala anini nen onggo maluk liirogombo eeppiige ti eyom paga abunuk nggwok togon eekkinaburak nduk eekkolagak mban eekwi kiigi o.

2 Korindut 5:21

At Ala nen nit Keritut ninom kunik niige logomenggerik, “Aap yi, iniki abe koonak aret kagi o,” yinuk, yo'niraawak nduk, Keritut maluk eeke logolik kwe, nit ninomaluk nogo at oba lenggenogo pereegerak.

Pelaareegerak 32:34

At Aliku ALA nen ari logonet, Aap inane'me wakwi inom, maluk onggo eeppiigwi inom, An nen aret eeppiyaagin me, Logonuk lek aret iniyok eraabin tuk togon wanggwi, Aaninggin nggwok lombok inoba kwippiyoorak koorok panggoni wage, It eeppiyoorak inake pipuk aago nogo, Mbet-mbet aret ari wage, Eeppiyoorak koombunuk, Ndi eyom paga eeppiyaakit o, yinuk, neenggi amburu punuk, Kumaarogo pege minggim pateegirak nogo lek a? yinuk, yereegerak o.

Pelaareegerak 32:41

Nawooluwak ngget nggabuniminggirak abinak o yabok pogom eeke nogo, Aakumi maluk onggo wogoraakit nduk, wagangge logominggirik, It an ninom ogoorak menggaarak nogo inooke, Inanini nombako menggaarak nogo onggo eeppiige, Eeke logogin o.

2 Timotiyut 4:14

Aap mbuti paga yi mendek ndi mendek ogobakkigika Alekandet nogo nen nit wone yorogo monggoorak at mondok eebi lombok mbake logonet, maluk iya tit eeppaneegerak me, kat kunduk maluk eeppagukwak, tum wake logot o. At eeppaneegerak nogo ti, nogoba nen onggo ndak-ndak wogorigin o.

Wayu 18:6

O Mbaben nen kit aakumi eeppinagage nagagerak nogo, yogondak kit nen at onggo ndak-ndak eeppugwi, Ndi, o Mbaben nen kit maluk eerit nogo nogogutak onggo ne ambit paga maluk kinoba pinagareegerak kwe, Yogondak kit nen at maluk eeke onggo ne mbere paga at oba pugwi, Ndi, at kinom ogoorak wonage logonet, anini yi toolak kwak ne ambit kinoba kilirogo pinagareegerak kwe, Yogondak onggo kit kinanini at oba pogo logonet, ne mbere paga kilirogo pugwi, Eeko logonip o.