Ayup 21:15 - Ala Wone Peenok Peebi Mbanak

¹⁵ At Omaawi Lombok Menggerak ti, Ta me nduk, at ake eekwi, At nano wo'nirage menggerak me, at nggino yogwi, Eeko logorak mbakop? Lek o! yinuk, yogo menggaarak.

Ayup 21:15 ပူးပေါင်းရင်းမြစ်များ

Ayup 22:17

It nen Ala yogo logonet, Nit ninobaalombok koonggologwe me, mbo pinaninuk nak o, yinuk, yogwi, At Omaawi Lombok Menggerak nen nit maluk eekwi onggo nogo, At eeppinaniyak mbakop? Meek o, yogwe, Eekwi iigak kwe,

Ayup 22:3

Kat kiniki abe koonak menggendak paga Omaawi Lombok Menggerak inikilom kombake, Ndi, maluk eeka'lek abe mban eeke paga at Ala ambi eekkolage, Eeriyak mbaken?

Ayup 35:3

Ndi, kat nen Ala ambi yoge logonet, An maluk eeka'lek logorak kenok, kat nano eekkolage, Ndi, an kunduk nonggop eekkolage, Eeko logorak o, yinuk, Yoge nogo ti, op mbake agandik?

Ndawi 73:13

An niniki kikak naka'lek eekkolage, An maluk eerulik nombaruwak nduk neenggi kooke, Eekirak nogo ti, We aanom warogo aret eekirak kagi o.

Wundeegwaarak 5:2

Yogo mbareegwa, Pirawun nen ari logonet, “Aliku ALA ti, ta me nduk at oone konembunuk it Iterali ti nappiyoorak yogop? Aliku ALA ti, an abu neenggo'lek o. Ndi, aakumi Iterali nawak nen teppiyaagin mondok lek mban.”

Kini Wuppiige 30:9

Neenggi warak logonet, mbi abe ndonggok togon naminggirak paga an nen mbo pagage logonet, “Aliku ALA ti, ta o?” ari, Ndi, neenggi lek logonet aakumi inamendek kiraariminggirak paga kat nogoba Ala kendage maluk eerogo pagage, Eerukwak nduk, Yokkege agarik o.

Yetaya 30:11

At Kikak Nakeelik Alik Leenak Iterali inogoba nogo nen togop yokkirage agaarik o, yinuk, yo'niragak eeriyak ti mage o. Nit eerit nugwi yi, eeko logogun aret me, kit eeriyak mbakotak ti, eerit nogo logonip o, yinuk, yorogwe, Eeko agaarik o,” yinuk, ari kagarak o.

Yetaya 45:19

Wone an yorage nogo kote kumaarogo yorage, An o yumaak me lombok logonet yorage, An aanom warogo kwaa'nabit nugu logowak nduk, Yakup paga wiganak nogo yorage, Eerulik o. An ti, Naliku ALA aret me, wone abet mban ari, An wone koonak mban mbangge, Eeke minggirak o,” yinuk, yegerak me, yagi o.

Yeremiya 9:6

Inoone pilit mban kilirogo pit nogo menggaarak inenggela'me menggendak o. It aap ti, Ala ninogoba aret o, yinuk, yuurak ineebi mbako menggaarak o,” yinuk, an yo'negerak o.

Oteya 13:6

Mbi wogoragagirak nogo, ndonggorogon nunggwi, Ndonggorogon nenok, iniki wogoppakwi, Eeko logonet, An inomari eerogo mbo paneegwaarak o.

Maleyaki 3:14

Inoone andiigwi yo'nugwi nogo ti, At ayuk wuko logonet, alut eeko monggoorak nogo ti, we aanom warogo aret eeko monggoorak o. Yogop ee'nu ndogop ee'nu, at yo'nirage nogo eerit nugwi, at Omaawi Lombok Menggerak Aliku ALA enegen kagak, maluk eeko nogogurak paga niniki wakko'net nogwe, eeko monggoorak nogo ti, nano eekkolaawok nduk, eeko ogoorik? Lek aret o.

Matiyut 7:7

Yorage nagagerik, ambinom yorage logonet, “It aakumi nggino yorogwe iinok, wogorogwe, kwaakwi iinok, kwaakkologwe, Tu paa'niyet, yorogwe iinok, paariigwi, eeko menggaarak me, nggino yogwi kiinok, wokkirage, kwaakwi kiinok, kwaakkirage, Tu paa'niyet o, yogwi kiinok, paakkiige, eeke kaabagip nduk, kit nen nggino yogwi, kwaarit nugwi, Tu paa'niyet, yogwi, eeko logonip o.

Yaya 16:24

O maan nen nok, yogondak kuli nendage kumbunuk nogoba ambi nggino yoga'lek aret ogotik o. Kiniki ale'nggen nggwok lombok kaamunggup nduk, nggino yo'nip o. Nggino yogwi kiinok, aret wokkirage kaamunggup o, yinuk, mondok abet aret yokkiragi o,” yoragagerak.