Ayup 20:27 - Ala Wone Peenok Peebi Mbanak

²⁷ Mbogut nen, Kit maluk o, yinuk, yorage, Nggween kunduk mi'nage logomenggerik, Eekotak aret o, yinuk, yorage, Eekwi iinok,

Ayup 20:27 ပူးပေါင်းရင်းမြစ်များ

Ayup 16:18

Kat nggween yi wae. Namiya wangge ti, kagaarogo pege, Nawone amburu mbanuwak nduk ari ti, taganogo pege, Eeriyak mage o.

Ayup 18:18

O eya me nen mugogo o apit me nappege, O nggween paga yime nen, Nak o, yoge, Eerigin me,

Yeremiya 29:23

It aap mbere ti, Iterali inenggela'me wonogo logonet, eeriyak lek mendek eerit nugwi, it inoreewi inakuwi aret kwe, kagak wuginakwi, ndi, an nen wone yoroolik neegak nendage kunogo inoone pilit agan nugwi, eeko menggaarak nogo an neenu wonage, ndi, yorogwe nogo nenegen iige, eeke minggirak me, it togop aret eerogo piyaagin o,” yinuk, Aliku ALA nen aret yegerak me, liiru yi mbanggiragi o, yinuk, liiru mbanogo nappiyareegerak ti aret.

Maleyaki 3:5

“An nen inowak loonogo maluk onggo eeppiyaakit nduk woraagin o. Wage logominggirik, it aap tili pagangga inom, aap kumi ugun-ugun eeginaka inom, pilit pugunogo, Ndogop eeke kagarak, yaga inom, onggo koloorak eyabu eekwi wi-wi eeginaka inom, it aap kumi togwe kunduk, elege moono kunduk, tebenogo piiga inom, it aap nggiru inawone yaga-taga eerogo piiga inom, it an inagabiti nombakulik nogo mendek abok aret, Ndogop eekwi kiigirak o, yinuk, yorage logokit nduk, woraagin o,” yinuk, at Omaawi Lombok Menggerak Aliku ALA nen aret yegerak me, yokkiragi o.

Oroma 2:16

An wone obeelom wone yorage minggirak ndak-ndak at Ala nen it aakumi inikime kote koonggwi nogo Yetut Keritut nen owak looninaburak nduk mippereegerak nogo owak looninake eyom paga, “Ti obeelom eekirak kagi, ti maluk eekirak kagi,” yinuk, inikime nen abe'nage kaagun o.

1 Korindut 4:5

Ti kenok, it aakumi inowak looniyak koonogo pereegerak eyom awo panggoni waga'lek kagak, kit nen aakumi maluk ugun-ugun inoba lenggenogo piigo logorak mage o. Ata, ninowe wage logomenggerik, nit aakumi ninikime kote koonggwi kumaarak wonage nogo kin paga pege, ndi, ninikime, “Alom ngge eeriyak,” mba'nuk, koonggwi nogo nggwok paga paganogo yo'nirage, eeke kenok, Ala nen ninalitik-ninalitak eeko logomonggoorak nogo ndak-ndak ale'nggen ninoba pinanigin me, waga'lek kagak aakumi ugun-ugun maluk inoba lenggenogo piigo logogup o.

Pelaareegerak 31:28

An kangge neegak, it aakumi yi, an nen, Eeko logorak, yorage nagarak nogo mbo punuk, eekulik maluk mendek kagak eerit nogwe, ndi, o peebi ndime Aliku ALA enegen kagak maluk mban eerit nogo logonet, Ala anini wunduwak nduk, ineenggi paga ogobakkigirogo punuk eeremenggaarak paga aaninggin-paaninggin alik mendek inoba kwi'nage, eerigin nogo an neenu me, o yogondak it aakumi yi, Togop yagaarak o, yuwak nduk, mbogut inom, nggween inom, wiiraminggirak inenggaanom paga an wone yi abok aret yoraakit nduk, it aap inanebunu lombok inoweewi inom, wim wone mbangga inom, abok an nowagam kuwak eerogo piya woraanip o,” yoragagerak.