Ayup 20:22 - Ala Wone Peenok Peebi Mbanak

²² Ineenggi warak nen ineebe obeelom wonogwe kwe, Inagabiti lombok mbarit unggwogwe, Aaninggin mondok iya lombok inoba kwi'nage, Eerigin o.

Ayup 20:22 ပူးပေါင်းရင်းမြစ်များ

2 Endagembogut 24:2

Mbake mbareegi, Aliku ALA nen ayeloman mini at oone yoraga nogo yorage kagak yorogo nogogwaarak ndak-ndak, it Yekura lek eerogo piyaawak nduk, it aap o maluk eerogo piiga Mbaben mendek inom, Aram mendek inom, Mowap mendek inom, Amon mendek inom, Aliku ALA nen nappiya wagak eeke nagagerak.

Ayup 1:15

aakumi o Tiyeba mendek nen wogo nagaarik, kayeloman mini kaanggumi inarum wonogwe nogo inoba kwi'na'nuk, wooluwak paga inoorogo piinok, lembu-keledai nogo ko'nok ndi yogwe iigak, nalik mban mbagangge nagarik, wone wonok yokkiri wagi o.”

Ayup 1:17

Yinuk, wone awo yoge wonage me, aap alik ambi wage nagagerik, yoge logonet, “Aap Katirim mendek ineebe kenagan aago inoba kwi'nari unggwogo logonet, aap kaanggumi arum wonogwe nogo inoorogo piinok, kaanggumi unta nogo ko'nok ndi yogwe iigak, nalik mban mbagangge nagarik, wone wonok yokkiri wagi o.”

Ayup 15:29

At eenggi warak inom, amendek inom, lek aret age, Amindik-amendek o nggween paga ambik aga'lek wonage, Eerigin o.

Ayup 16:11

Ala nen neebe waganogo aap maluk mendek wogorage, Aap maluk eeppiiga ineenggime tek eerogo panege,

Ayup 18:7

Amiya wonage paga tu mbe agan nage nogo lek age, Aakumi yoroorak mban koombunuk yorage paga yigeebu wuppake,

Ayup 20:23

Inaanogum ake wurakak mban eeppunuk, It inigen keme aago wonogwe me, Mayu lubu-lubu wangge menggi kwak, At Ala anini kani negen inoba kwippiigak, kwippiigak, mban eeke logogin o.

Ayup 3:17

Kambunuk nogo menggam time It aap maluk piyaganaka nogo ambinom piyaganaka'lek puk ogwe, Ndi, it piyaganako menggaarak nogo tat yonggonggologwe, Eeko agaarik o.

Ayup 5:5

Ineyabume anggen mbanak nogo aakumi mbi abu nen lek eerogo nunggwi, Iri'ngga alok enggela'me wonage kunduk, kalirubu pup eerogo nunggwi, Niyo abu eeginake menggi kwak, inamindik-inamendek kolaawok nduk, uugwe mbarit nugwi, Eekwi iigirak o.

Ndawi 39:5

An ne mande negen logorak ari nage nogo ti, Neenggi ambi wakkaanuk ambi wakkage nogo kwak Abu kuwagaluk eerogo panege, An nda'nagagirak neegak nggorek mbake kwe, Kat nen lek negen aret neege, Eeke menggendak me, Nit aakumi nineenik nggorek logorak mbakwi kwe, Ninambe aagi ne ambit wungge kwak Aret wonogo monggoorak.

Yetaya 10:6

It Atiyut mendek nogo it aakumi an noone liirogon eekulik mendek inowagam nappiya wage, It aakumi an nanini eeppanugwi nogo inageerok ndinggologwe, Inamendek kugun waganggwi, Tu paga purok iniyok amok mbanogo pit nogo mengga kwak ineebe iniyok aambiranogo piinet nogwe, Eeruwak nduk, nappiya wage, Eerigin kwe,

Wayu 18:7

At Mbaben nogo ti, kwe yawukak nogo pogom me, iniki mbake logonet, An kwe togwe wonage nen niniki wakkolage logonet, le yikit lak kwe, aap pe'neya wogo menggaarak ineebe ambik wonogwe me, An kwe nggwok aret kagi, mba'nuk, niniki ale'nggen ambik mbake agarik o, yinuk, Iniki wogoppake logonet, endage tiyanak paalo aago mban wonage nogo obaane'me ale'nggen lek age logomenggerik, Iniki puru ari, andi yagan yobak-nggolak wake, eeke logowak nduk, aaninggin mondok oba kwippogo logonip o.