Ayup 20:14 - Ala Wone Peenok Peebi Mbanak

¹⁴ Inambi negen nunggwi iinok, inaanagale paga andi tele eerogo piige, Waalo aap inooka ameyo kwak a'nuk, inaanogum panggo eerogo piige, Eeke menggi kwak eerigin o,

Ayup 20:14 ပူးပေါင်းရင်းမြစ်များ

Ayup 20:13

Ninomaluk ti mbo puurak lek ili o, yinuk, inambe me patogo wonogwe, Eekwi ti,

Ayup 20:15

Aakumi inamendek nunggo nagaarak nogo kilirogo wumbugun o. Ala nen it inaanagale me nen kilirogo wumbuwak nduk eeppiyaagin o.

Ayup 20:16

It nen waalo aap inooka ameyo aret wup eerogo nunggwi me, Nggitamuru eyak mbaninaketak kanggo mengga kwak, It togop aret kambugun o.

Ayup 20:23

Inaanogum ake wurakak mban eeppunuk, It inigen keme aago wonogwe me, Mayu lubu-lubu wangge menggi kwak, At Ala anini kani negen inoba kwippiigak, kwippiigak, mban eeke logogin o.

Kini Wuppiige 1:31

It eekwi onggo ti, inambi negen ti aret nunggwi, It eeriyak koonggwi ti paga inikime yagabit eerogo pakwi, Eeko logogun o.

Kini Wuppiige 20:17

Aap wi-wi aganako logonet, mbi kologwe nogo ti, ombat obeelom aret kogo menggaarak kwe, Abu nunggo nagaatik, yugum anggen mban inambeme yebet aago kogo menggaarak.

Yeremiya 2:19

It maluk eekwi nen aret maluk eeginake, It an noone ineebi mbakwi nen aret ineebe andi-pandi eerogo piige, Eerigin o. Togop me, it nen, Ninogoba Aliku Ala mbo pugwi, At ayuk wukwi, eeka'lek niinok, Abu maluk aret eekwi, niniki andi eekkoloorak mendek eekwi, eeko ogoorik kogo o, yinuk, Ineenu ogwe, iniki liippugwi, eeko logowak o,” yinuk, at ninogoba Omaawi Lombok Menggerak Aliku ALA nen yegerak me, yokkiragi o.

Maleyaki 2:2

It nen wone an yorage yi, konenggwi, ndi, Endage tiyappogo logonet, ayuk wuko logowok o, yinuk, koonggwi, eekwi lek iinok, it an neebe unde menggaarak nogo pulunogo piige, nale'nggen paga wogorage neenok, waganggwi nogo, non mbanogo pege, eerigin o. It nen, At Aliku ninogoba Ala endage tiyappogo logonet, ayuk wuko logowok o, yinuk, iniki nggaruk togon koongga'lek me, muk pulunik aret agaarik o,” yinuk, at Omaawi Lombok Menggerak Aliku ALA nen aret yegerak me, kit at eebe unde nogo aret yokkiragi o.

Oroma 3:13

Inale'lok ti, aakumi nggween taanak ambe paga ari menggi kwak wonogwe, Ndi, inoone ti, pilit mban pugunit nugwi, Waalo muuru eyak inooketak kanggo mengga kwak wone agan nugwi,

Pelaareegerak 32:24

Mbi abu nen ineebenowak ko eerogo piige, Inoba aganggen kani wunuk ari logonet, ineebe wuup eerogo piige, Mburuk kugi inoba age logonet, kambit nogwe, Nggeewo ta'ngge nen nibiniren ndi ari, Waalo muuru eyak andiigwi nen eyak mbaninabit nage,