Ayup 2:8 - Ala Wone Peenok Peebi Mbanak

⁸ Eeppege mbareegi, wun inikime ndenen warak logonet, togolowak telenak wagangge nagagerik, agabolo paga nggibi-nggibi eeke nagagerak.

Ayup 2:8 ပူးပေါင်းရင်းမြစ်များ

2 Tamuwen 13:19

ayum kigirikwe nogo nibinogo pege nagagerik, wun anobak paga yumbunogo patinuk, eenggi anobak paga tebenggo'nok, oone nggwok paga le agan nagagerak.

Etet 4:1

Wone agan nogwe nogo aap Morekayi aruk konengge nagagerik, iniki maluk a'nuk, ayum nibinogo patinuk, yum nibinik maluk mendek yikkolage, wun anobak paga yumbunogo pake, eeke nagagerik, oone nggwok paga leenggu maarit o kota nogome unggwi nage nagagerik,

Etet 4:3

Ndi, aap endagembogut nen wone lengganogo wumbereegerak nogo yi o ndi o yorenet nogwe iinok, it aakumi Yakuri mendek abok aret inaruk konenggo nogogwaarik, iniki aaninggin nduguk yinuk, mbi nengga'lek inambe mage negen logonet, le yogwe, leenggu maakwi, it ando apit nen inayum nibinik mendek yippatinuk, wun paga nden-wan yogwe, eereegwaarak.

Ayup 2:9

Eeke wonage me, at akwe nen at yoge logonet, “Yogobi eeppagage kagak kiniki abe koonak mban logorak mbakendak ya? Ala pulunogo punuk kambu o.”

Ayup 42:6

Togop aret me, Nela nen yagarak o, yinuk, niniki wakkolage, Wun nanobak paga yumbunogo pake, liirubu paga lagak-mbagak ari, Eeke logonet, Noone maluk yagarak nogo ti, Ao, yinuk, mbo pigi o,” yinuk, yoreegerak.

Ndawi 38:5

Aap wi eeko mengga kwak eekirak me, Nawin nanggore'ne wungge paga Nobari ndi wurogo pege minggi kwak eeke,

Ndawi 38:7

Namborowak andi tele agan unggwage, Neebe abu meek ee'nabit unggwage,

Yeremiya 6:26

Nawuri yi wae. Ninooriyak nduk yini-panip ninoba kwi'narigin me, aap ambi apuluk ambolom ndarak kangge kenok, ale yimbegeelik-mbambegeelik ari menggi kwak, Kinayum nibinik maluk mendek yikkologwe, Wun paga lagak-mbagak yogwe, Kiniki puru yinuk, kinale yikkologwe, Eeko logonip o.

Yetikiyen 27:30

Inoone nggwok paga le yogwe, Yi eekerak nineebi o, yinuk, yogwe, Liirubu inanobak paga yumbunogo pakwi, wun inikime nden-wan yogwe,

Yunut 3:6

At Yunut wone yoragagerak nogo, aap endagembogut o kota Niniwe mendek aruk konengge nagagerik, kwi'ndak logonet wone lengganogo yorage menggim nen wambi wa'nuk, aap inendagembogut inayum yiko menggaarak yirik nogo, nggoorogo punuk, yum maluk nibinik mendek yikkolage nagagerik, liirubu paga kwi'nagagerak.

Matiyut 11:21

“Kit aakumi Koratim mendek yi, kinabuwa o. Kit Mbetayira mendek kunduk, kinabuwa o. Eerubok mendek kit kiname time eeke kogotak nogo, o Tut Tiron time eeke logonetak en, it aakumi time mendek maan togon inayum maluk yikkologwe, purok inagabolo paga yikut eerogo pakwi, eeko logonet, inomaluk muk mbo penetak o.