Ayup 2:7 - Ala Wone Peenok Peebi Mbanak

⁷ Yoge mbareegi, Tile nogo Aliku ALA owagam nen wundi nanuk, Ayup wonage me nage nagagerik, Ayup nogo iyok me nen nugwa anobak kuli aret piirik-kunik obari maluk lombok eeppereegerak.

Ayup 2:7 ပူးပေါင်းရင်းမြစ်များ

2 Tamuwen 14:25

Aap Abatalom nogo ti, iyok ogut kuli nen nok-nok anobak kuli awinde-obaande aago lek abu kigirikwe lombok kenok, it aakumi nen pi wako nogogwaarak nogo kokwak, aakumi Iterali inenggela'me togop ambi logolik aret.

1 Endagembogut 22:22

Yoge mbaki, at Aliku ALA nen at kugi nogo yoge, Nano paga nduk-nduk irit namunggun o? Yoge mbaki, at kugi nogo nen, At eeriyak wone aap endagembogut yoga nogo nen pilit wone yogo logowak nduk, an wambi nage logominggirik, inikime lik yit nagin o. Yoge mbaki, Aliku ALA nen, Togop eeke keenok, nduk-nduk irit namunggun aret me, eeri nak, yoge kagarak o.

Ayup 1:11

Togop aret me, at amendek abok aret keenggime woppunuk, lek eerogo pege keenok perak, pulunogo pagagin mbake logot o.”

Ayup 13:28

Togop me, eyo pili a'nuk lek age pogom, Yum kutaabak nenggetak pogom, Nit aap togop aret ogo monggoorak o.

Ayup 2:6

Yoge mbareegi, at Aliku ALA nen Tile nogo yoge logonet, “Ti yagandak kenok, eeppuurak mbakendak nogo eeppenok nduk, keenggime pagagi kwe, at eebe perak, wariyak mage o.”

Ayup 30:30

Nagabolo mili puru eerogo punuk, nggono-nggono wangge, Ninikime kani pit nage,

Ayup 7:5

Neebe paga nawin agap yinik-kunik eerak wonage, Anggolenggen ninggirik wonage, Nagabolo ya'lek nggogok eeke me, Nanggore'ne tubu-tubu wundit nage, Eeke agarik o.

Yetaya 3:17

Inogoba an Ala nen it kumi Tiyon mendek inanobak paga yigani telek eerogo piige, Naliku ALA nen inerali mbanogo piige, Eerigin,” yegerak o.

Pelaareegerak 28:27

At Aliku ALA nen aakumi Metit mendek inagabolo paga piirik-kunik eeginabeegerak nogo mendek eekkinake, yigani kunogo pinagage, kinawin kinamok kila eerogo pinagage, kinagabolo paga kineenggabit nggibi-nggibi eeko logobagip nduk ane'nep eerogo pinagage, eerogo pinagaremenggerak me, lek aga'lek itok kundugu tit logogin o.

Pelaareegerak 28:35

At Aliku ALA nen piirik-kunik lek ariyak lek nogo mendek kiniyok ogut paga nen kinambulok paga nugwa agi kinanobak kirin paga eerogo pinagagin o.