Ayup 19:8 - Ala Wone Peenok Peebi Mbanak

⁸ An tu nage me, Ala nen naru non mbanogo panege, Yi tu ndi tu nege minggim o apit eerogo pege, Eekerak me, An noorak meek aret age,

Ayup 19:8 ပူးပေါင်းရင်းမြစ်များ

Ayup 23:17

O apit noba lenggenogo panege, O yumaak lombok netenggen naberogo panege, Eekerak kwe, Nooni-noone agan nage agarik o.

Ayup 3:23

At Ala nen aap ambi yengget-wangget eeppunuk wonage, At eeppuurak mbake nogo nobapporogo wonage, Eeke logonet, Nonggop nduk eenik logowak nduk, teppege menggerak mbakop?

Ayup 30:26

An eeke minggirak aret kwe, Obeelom eeppanuwak lak, Ao, mbake neegak, maluk mban noba kwi'nage, Eya eeppanuwak lak, Ao, mbake neegak, o apit lombok noba ari wage, Eeke menggerak.

Ndawi 88:8

Aap an ninom kunik nogo ogoo'naruwak nduk eeppiige, An nogole nombako logowak nduk, eeppiige, Eerogo panggendak wonage agarik o. An keele maarak negen wonage me, Wundi noorak meek aret logonet,

Kini Wuppiige 4:19

It aap maluk mendek nen eerit nugwi ti perak, O apit lombok aago kwak wonogwe me, Iniyogobit lik togon yigeebu wanggwi nogo, “Yi nano nen ee'ninake,” mbaka'lek ugun kobak aret wonogo menggaarak o.

Yetaya 50:10

Kit kinenggela'me nen at Aliku ALA agabiti mbake, At ayeloman wone ari kenok liirogon eeke, Eeke menggerak ta wonage agaarik o? At o eya paga nageelik apit paga wonage logonet eerit nage nogo nen Aliku ALA abet mbake, At ogoba Ala iniki oba panggombege, Eeruwak o.

Yetaya 59:9

Ti eekwi paga nit wone yugu liirogon eekwi, Obeelom mban eerit nugwi, Eeka'lek niinok, Mbo pinaneegerak wonogo ogoorik o. “Nit o eya ee'ninabuwak lak, ao,” yinuk, mbakwi kwe, o apit paga wonogwe, “Eya pindanogo pinanuwak,” mbakwi kwe, tu o yumaak lombok paga nogwe, Eeko ogoorik o.

Yeremiya 13:16

O apit eerogo pinagi wage, O kiip arit nage logonet, puut-puut yumaak eerit nage paga kiniyogobit linggiraawak nduk, eeppinagage, Eeka'lek kagak, Kinogoba Aliku ALA tiyappogo logonip o. “Eya eeppinanuwak lak, ao,” yinuk, tokkogwe kiigak kwe, Kit mbakwi abut laganogo o apit lombok eerogo pinagage, “Eya eeppinanuwak,” mbakwi nogo obaane'me o yumaak lombok eeppinagage, Eerigin o.

Yeremiya 23:12

“Togop me, o apit paga nogo logonet tu eraabin ambik me, perak togon yigeebu wanggo mengga kwak, It eerit nugwi ti paga iniyogobit lik togon yigeebu wanggo logowak nduk, eerogo piige, Ndi, aaninggin inoba piyoorak eyom panggoni wage ti paga aaninggin abu alik negen aret inoba piige, eerigin o,” yinuk, Aliku ALA nen yegerak o.

Leendawi 3:5

O tebenogo pi ungguwok nduk wanggeppunuk, nda'nggi pogo mengga kwak, at nen aaninggin-paaninggin noba kwippanege, Niniki andi lombok eerogo panege,

Leendawi 3:7

An wungge neyo, yagat wurogo negen panege, Mbagangge neyo, mbuti keele aaninggin lombok paga maarogo panege,

Leendawi 3:9

Yugum poorak paga naru non mbanogo pit nage, Tu ti paga noorak meek kenok, yelok-nggolok naakit nduk eeppanege, Eereegerak o.

Oteya 2:6

an nen at aru nage menggim non mbanogo alok mban mik-kwit eerogo pege, At wundi noorak tu yelok kage kero, yugum pak yendok-wandok wurogo pege, Eerigin o.

Oteya 2:8

Gandum inom, anggur amburu ngget toolak inom, tayitun amburu toolak inom, wogoge nagagirak nogo ti, At Ala nen aret wo'nege kagi, yinuk, ari, Ndi, inagugi Mba'an ayuk wuko logonet ake pogo nogogwaarak mbuti perak inom, mbuti emas inom, kalo logonogo wogoge nagagirak nogo ti, Ala nen aret wo'nereegerak kagak, eereegirak kagi, yinuk, ari, Eeka'lek aret agaarik o.

Yaya 8:12

Yorage nagagerik, ti'nuk, at Yetut nen aakumi ambinom yorage logonet, “Aakumi o nggween paga menggaarak eya eeginake minggirak an aret o. Kit an ninom nogwe kiinok, ineenik eeginake minggirak eya an nogo nen kiniki eya eekkinabigin me, o apit paga nogo logomunggup lek o.”

Yotuwa 24:7

Muguren wogo mbareegwa, kit kinombomini nogo inoone nggwok paga, Yeenggwa niret o, yinuk, Naliku an ALA yo'nogo mbareegwa, an nen it aap Metit mendek arugwan iigak, kinombomini yime pa'ne iigak, oolo time o apit eerogo pege nagagirik, it Metit mendek niyo mogonak nogo paga lambunogo tebenogo piyareegirak. It Metit mendek tebenogo piyareegirak nogo, it kinombomini inigen abe nen aret kogogwaarak. Inigen kogo nogogwaarik, o karume time wonogwe iigak, o ambik me aret ari nagagerak.