Ayup 19:6 - Ala Wone Peenok Peebi Mbanak

⁶ Ala nen aret maluk eerogo panege, Towe yiluk yaga nen yarogo pereegerak nogo paga yilunogo panege, Eekerak kineenu a'nip o.

Ayup 19:6 ပူးပေါင်းရင်းမြစ်များ

Ayup 10:3

Aap maluk mendek iniki koonggo menggaarak nogo Kinikilom mbake logonet, Kat nen ogobakkigi'nabeegindak nogo, Aap maluk aret o, yinuk, mbo panege, Keebi lombok nombake logonet Aan lebe eerogo panege, Eeke ti, Op eeke, mba'nuk eeppanege agandik?

Ayup 19:22

Ala nen mu'neren wage menggi kwak, Kit nonggop nduk mu'neren wogo ogotik? Neebe nibinogo nenet mban nugwi yi, Ndonggoppinaga'lek ya?

Ayup 27:2

“At naana'le liirogon mbanggeelik eenik menggerak Ala endage paga, At niniki andi lombok eerogo panggerak Omaawi Lombok Menggerak endage paga, Wone ambi yokkira o.

Ayup 3:23

At Ala nen aap ambi yengget-wangget eeppunuk wonage, At eeppuurak mbake nogo nobapporogo wonage, Eeke logonet, Nonggop nduk eenik logowak nduk, teppege menggerak mbakop?

Ayup 30:21

Nabuwa nombaka'lek nggwiirit nooke, Andi yagan waruwak o, yinuk, keenggi omaawi lombok paga noorit unggwage,

Ayup 40:8

Aakumi eekwi an nen a'me nggelok eeppiige nogo, Kat nen meek eerogo pege, Kaana'le mbanggolage logonet, Kat maluk eeppanggendak o, yinuk, an yo'nege, Eeke nogo ti, Op aret mbaken?

Ayup 6:29

Maluk eerulik kagak, Maluk eekendak o, yo'nugwi ti, Lik togon yo'nugwi lek me, ambinom liippinip o. Liippugwi kiinok, abet aret an maluk eerulik neyaamunggup o.

Ayup 7:20

Aakumi kenegen wogonaka yi, An maluk eekirak kenok nano eeppagagirak? Nonggop nduk an mban eeppanegak yuurak mbaken? An eerit nage paga aaninggin eerogo pagagirak me nduk ee'nabit unggwage agandik ya?

Ayup 8:3

Ala nen nomo-komo eerogo aakumi maluk eeka'lek iigak, Maluk onggo eeppiige, Obeelom eekwi iigak, at Omaawi Lombok Menggerak nen, Ti maluk aret o, yinuk, maluk eeppiige, Eeke menggerak mbaken? Lek me,

Yetikiyen 12:13

nayum mbiganogo piminggirak paga yiluk yemenggerak wonage me, it aakumi Katirim mendek inanggween paga o Mbaben yime pi woraagin o. Pi woraagin kwe, o nggween yi, at enegen kaga'lek logonet, yime aret kambigin o.

Yetikiyen 32:3

Aliku Itok Menggerak ALA nen yegerak nogo yi aret. “At eebe yonggo'naruwak nduk, Yi aakumi ndi aakumi ambik kuwak aago ninom nen yikwe yonggokak nayum mbiganogo oba nappumonggoorak yonggo'nage kenok, Nigogo niyo ambet paga wumbi woraagun o.

Oteya 7:12

Togop eekwi iigak, an nayum towe yilunggaga nogo mbiganogo inoba nappege, Yum mbiganogo pegaatak towe yonggo'nage kenok, nigogo wuppi wogo mengga kwak eerogo piige, Eeke logominggirik, It maluk eerit nogwe nogo aaninggin inoba kwippiigak eeke logogin o.

Lukat 21:20

“It aakumi ineegin warak apit aago o Yerutalem wanggerak wonogwe iigo logomonggotik, O Yerutalem pup eerogo puurak eyom abu panggoni wagaarak kagi, mbarumunggup o.