Ayup 19:27 - Ala Wone Peenok Peebi Mbanak

²⁷ It aap alik nen mban lek o. An kunduk nenegen abe nen aret kaagin me, Kaakit lak, Ao, mbarit unggwage agarik o.

Ayup 19:27 ပူးပေါင်းရင်းမြစ်များ

Ayup 33:26

Togop aret ogo logomenggaarik, It nen tamban eeko logonet, Ala yogwi iinok, Ala nen inoone konembunuk, obeelom eeppiige, Ala wonage me ina ni'na'nuk inale'nggen paga Ala alut eekwi iinok, Ala nen, Aap yi obeelom aret o, yinuk, Aa'nduk wonogogwaarak kwak eerogo piige, Eerigin o.

Ndawi 118:6

At Aliku ALA nimbirak wonage me, aakumi nen an eeppaniyak mbakwi iinok, An nagabiti mbarigin lek o.

Ndawi 119:81

“At nen nagap ndari woraawak lak, ao,” Mbake logonet, niniki lek-lek ee'nake kwe, Kat koone yugu nogo niniki lunik mban wonage,

Ndawi 17:15

An perak, obeelom mban eeke minggirak me, Kenggaawak nenegen kage, Neenik a'nuk kenete nonggop menggendak nogo nenegen keege, Eeke logominggirik, Niniki abu ndonggo yigin o.

Ndawi 73:26

An neebe inom, niniki inom, abu ndeyak ee'nabit unggwage kwe, Nayugum lunik kwak an niniki Ala kat paga panggonak wonage, Neyate kwak kat paga niniki mondok lunik wonage, Eeke agarik o.

Yetaya 26:19

It kat kapuri kambeegwaarak nogo perak, ineenik ogwe, Inowak nggininik abok aret mi'nogwe, Eerugun me, Kit aap nggween taambinagareegwaarak wonogwe yi wae. Kineenik a'nuk, kinale'nggen nen keekok yogo logonip o. O weege kagak konaananggen nen iri'ngga-kale'ngga ki eerogo pege menggi kwak, It kambeegwaarak nggween taanak wonogwe nogo ngget nda'nogwe kwak ineenik agago mippiyaamunggun o.

Yetaya 33:17

Aap endagembogut obaanggi-obaangge li'luk eerak mi'ndak wonage, O nggwok lombok nenaarogo pit nagagim ambi kinigen nakkogwe, Eerumunggup o.

Linggineegwaarak 24:17

At eebe kage kwe, yogondak lek o. Eebe liippege kwe, nda lombok wonage o. Yakup ombowologwe wiganak inenggela'me nen ndowan ambi wundi wage, Iterali inenggela'me nen ineenu agak muun mbanak ambi kin age, Eeke logomenggerik, Aakumi Mowap inoweewi inenggaawak yigirogo piige, Aap Tet ombowologwe abok aret inanobak aan lebenogo piige, Eerit nage logonet,