Ayup 19:26 - Ala Wone Peenok Peebi Mbanak

²⁶ Nagabolo pili age kagak, neebe Ala nenegen kaagin aret o.

Ayup 19:26 ပူးပေါင်းရင်းမြစ်များ

Ndawi 16:11

An neenik logokit nduk, “Tu yi,” yo'nege, Kat kenggaanom paga nale'nggen nggwok lombok kaakit nduk, eeppanege, Ndi, kat keenggi abe paga wonage neegak, mondok-mondok nale'nggen mbariyak mendek eeppanege, Eeke logomunggun o.

Ndawi 16:9

Togop me, An niniki ale'nggen mbake, Noone paga kalut eeke, Eeke agarik o. An kanggo menggam naakit nduk mbo panege, Kaput Kikak Nakeelik Alik Leenak nogo kunduk, kambunuk pili age kagak teppege, Eerumunggun lek me, An kambigin kenok, neebe obeelom aret logogin o.

Ndawi 17:15

An perak, obeelom mban eeke minggirak me, Kenggaawak nenegen kage, Neenik a'nuk kenete nonggop menggendak nogo nenegen keege, Eeke logominggirik, Niniki abu ndonggo yigin o.

Matiyut 5:8

It aakumi iniki kikak naka'lek obeelom mban menggaarak nogo ti, Ala inigen kaagun aret me, Iniki ale'nggen aret mbako logowak o.

1 Korindut 13:12

Nit yogondak wukagi yumaak me, pekkogo logonet, ninetenggen liirogon kogolik nogo pogom, ninogoba etenggen agalu'mok mban kogo monggoorak kwe, peebi at eebe ninom lambumbunuk perak, at etenggen ninigen lik togon aret kaagun o. Yogondak an ando mban neenu minggirak kwe, at nen an eeke minggirak abok aret liippaninuk eenu menggerak nogo ndak-ndak, an peebi at eeke nogo abok neenu arigin o.

1 Korindut 15:53

Ninagabolo pili ariyak mendek yi nogo ti, nggonenogo mbo punuk, obaane'me mondok logorak mendek yirippinanege, ndi, kanggwi mendek nogo mbo punuk, nineenik mondok logorak mendek eerogo pinanege, eerigin o.

Pilipi 3:21

Wambi wage logonet, at omaawi paga yi mendek ndi mendek abok aret at abu'me logowak nduk, tebemborogo menggerak nogo paga nen ninagabolo maluk pili age menggerak mendek yi, nggonenogo mbo punuk, obaane'me at agabolo mondok alik ngget mendek nogo aret yippinanigin o.

1 Yaya 3:2

Noreewi o. Kit an niniki kunik me, wone ambi yokkira o. Nit yogondak aret Ala apuri ogoorik o. Ndi, peebi nonggop eeppinanege kenok wonogo logorak nogo, nit awo kin kaga'lek kwe, at wage kenok, “Etenggen yi kwak eeppinaniyak nduk, wonogoorak kagi,” yinuk, mbakwi niigak, “At etenggen kokwak eeppinanigin, nineenu aret ogoorik o.”

Wayu 1:7

At ndugwi paga wage kenok, it aakumi o nggween paga menggaarak inanebunu lombok at wareegwaarak nogo mendek inom abok aret inalitak lombok nen inigen kogo logomenggaarik, leenggu maako logogun me, liippogo logonip o, yinuk, abet aret yokkiragi o. Amin.