Ayup 19:13 - Ala Wone Peenok Peebi Mbanak

¹³ Nowe-nawot nen an mbo paninuk, mbaganuwak nduk, eeppiige, Eekerak o. It ninom minggirak nen aap nggiru kwak eerogo panugwi,

Ayup 19:13 ပူးပေါင်းရင်းမြစ်များ

Ayup 16:20

Noreewi nen meek eerogo panugwi iinok, Nali-nale wambit wage logonet Ala yoge neenok, Aakumi wone inoba agaatak me, Inoreewi nen inaana'le mbanggo mengga kwak, An aap aret kwe, nore ti nen Naana'le mbanogo Ala yoge menggerak o.

Ayup 16:7

Ala nen eeppanegak mban eeke paga an nomaawi lek age, Naaganapuri abok aret lek eerogo piige, Eekerak o.

Ayup 42:11

Wogoge mbareegi, at oreewi-iriwi inom, it aa'nduk inom wonagagerak inom, abok aret ka wogo nogogwaarik, at ame inom laago lako logonet, iniki eyak wappugwi, Aliku ALA nen aaninggin oba pereegerak kenok iniki ale'nggen eeppugwi, inalitak lombok nen inawu mbuti perak mendek wogogwi, mbuti emas paga ogobakkigirik ogobak ayo inom, aruk ayo inom, nogo wogogwi, eereegwaarak.

Ayup 6:15

Mayu wage kenok niyo wuke, O kibi age kenok niyo mbuuluk age, Eeke menggi kwak Kit noreewi togop aret wonogwe me, Kit nen ambi eeppaniyak kinombaka'lek aret agarik o.

Ayup 6:20

Niyo wonage mbakak panggonak wagaarak nogo, Lek kenok inenggali ogwe, nggiinggo aago puk ogwe, Eeko mengga kwak

Ndawi 31:11

An ee'nakwi paga nawim nen meek eerogo panugwi, An neenok ninom minggirak nen nogole yogwe, Noreewi ninom kunik kunduk, inogut nage, Ndi, tu paga nage me, inigen neenok kole mbaganggwi,

Ndawi 31:12

Aakumi kanggwi iinok, inoba aberak lek mengga kwak, An noba abe'naka'lek kobak eerogo panugwi, Niyoowak yigirik mbo pugwi kwak, An togop aret mbo panugwi, Eeko agaarik o.

Ndawi 38:11

Andi-pandi noba kwi'nagaarak paga noreewi inom, ninom minggirak inom, Nogole nen nomo'neegak nugwi, Nowe-nawot togon tayorogon nen pe'neegwi, Eekwi iigak,

Ndawi 38:12

It nenggaawak lek eerogo paniyak mbakwi nen Keele pogo mengga kwak ee'nakwi, It maluk eeppaniyak mbakwi nogo nen, “Nonggop eerogo lek eeppuwok o,” yinuk, yogwe, O kubondendok nen nok oonikiya ari wage kagak, Nambokan laganuwok nduk, kote wone koonogo pugwi, Eeko agaarik o.

Ndawi 41:9

An nore niniki kunik abet aret mbake, Nimbirak mbi nengge, Eeke minggirak nogo nen kunduk, Nimbirak logorak, “Neebi o,” yinuk, mbo panegerak o.

Ndawi 69:20

Meek mban eerogo panugwi ti paga nen niniki wakkolage, Niniki abu lek ee'nake, Eeke kenok, Nabuwa nombaruwak nduk toorinakitak kwe, Nabuwa mbaka'lek aret wonogwe, Niniki eyak wappani woraawak lak, “Ao,” mbakitak kwe, Niniki eyak wappani waga'lek aret wonogwe, Eeko logonet,

Ndawi 69:8

Nowe-nawot nen, “Aap alik mendek,” nombakwi, Nit ninagalo ambit aret kwe, “Kat kwe alik aagaluk o,” yinuk, yo'nugwi, Eeko agaarik o.

Ndawi 69:9

Togop aret kwe, kawi wurik nogo op logowak nduk, Niniki aganggen kerek togon eerit nage paga Niniki lek ee'nake kagak, Kat meek eerogo pagagwi nogo an noba aret age menggerak.

Ndawi 88:18

An noreewi inom, ninom niniki kunik lombok inom, Tayorogon piya nage keegak, O apit nogo nore negen nimbirak kunik aret agaarik o.

Ndawi 88:8

Aap an ninom kunik nogo ogoo'naruwak nduk eeppiige, An nogole nombako logowak nduk, eeppiige, Eerogo panggendak wonage agarik o. An keele maarak negen wonage me, Wundi noorak meek aret logonet,

Leendawi 1:19

An ninom kunik nogo nen yeenggwa niruwak nduk, wiiragagirak kwe, E o, E o, mban yo'nugwi, It aap Ala unde narum wonaga inom, it aap noweewi inom, ineenik logowok nduk, inambi kwaakko'net nugu logonet, O kota yime abok aret kambit nogwe, Eereegwaarak o.

Leendawi 1:2

Oonikiya iniki wakkolage logonet, leenggu maake, Ale amburu agandin paga yanggunik-ngganggunik eerogo wurabit wage, Eeke agaarik o. At inom iniki kunik ambi nen at iniki eyak wappega'lek aret wonogwe, At oreewi abok nen, “Nore aret o,” yogwi kwe, ineebi ombako logonet, inom ogookkologwe, Eeko agaarik o.

Matiyut 26:56

it Ala yorage kagak yoraga nen liiru mbaneegwaarak nogo a'me lik yuwak nduk, an ee'nabi wogotak me, op aret o.” Yorage mbareegi, at oone waganggwi nogo nen Yetut teppunuk, kole mbaganeegwaarak.

2 Timotiyut 4:16

Aa'nduk, nawone mbaniyak nduk, eekwi me, noreewi ambi abu neya woroolik abok aret mbo paneegwaarak kwe, nowe Yetut nen perak, nimbirak logonet, niniki eyak wappaneegerak. An obeelom wone yorage logokit nduk, mippaneegerak nogo, ambi wuppulik tigitogon it aakumi endekem mendek abok aret konenuwak nduk, “An yoraakit o,” yinuk, mi'nage neegak, nowe nen mban nomaawi eeppanege, niniki eyak wappanege, eereegerak o. Togop me, maluk eeppaniyak mbakaarak nogo singa ambeme nen ndinggwi kwak, ndinnabeegerak. Ndi, noreewi mbo paneegwaarak nogo maluk inoba piige kero, Ala yoge minggirak.