Ayup 18:8 - Ala Wone Peenok Peebi Mbanak

⁸ Towe pigagangga keele yarak me, At iyok nen wonok eebe aret yilunggola nage, Nggwiya ndalok pugu me at aret ndalunggola wangge,

Ayup 18:8 ပူးပေါင်းရင်းမြစ်များ

Etet 3:9

Togop me, it aakumi ti, lek eerogo piyoorak wone lengganogo wumbuurak op mbake keenok, it aap wone lengganogo wumbemenggendak eerit nogwe onggo an nen wu mbuti perak aaninggin tiga ratus empat puluh lima ribu kat kawu kuwak eerak pege menggenom nogome mambigin o,” yinuk, yoreegerak.

Etet 6:13

Nage nagagerik, at eeriyak oba agagerak nogo akwe Tereti inom, oreewi inom, mbininogo yoragagerak. Yorage mbareegi, at inom wone koongga nogo inom, akwe Tereti inom, nen Kaman yogo logonet, “At Morekayi tiyappege kagak, kat tebek ari nogo ti, at aap Yakuri mendek aret me, tebenogo puurak nduk eeke keegak, kat panggombagayak ambi lek me, tebenogo patumunggun aret o,” yinuk, yoreegwaarak.

Etet 7:10

Yoge mbareegi, at Kaman nen eyo aap Morekayi tugunogo puurak nduk yineegerak nogo paga Kaman aret enggaanok keele yilinogo tugumbi nogo mbareegwa, aap endagembogut anini mbake nogo teyok yereegerak.

Etet 7:5

Yoge mbareegi, aap endagembogut Akatiwerot nen kwe nggwok Etet nogo yoge, “Aap agabiti mbaka'lek iniki teeluk togop eeriyak koonggerak ti ta o? At eebe ngge o?”

Ayup 18:9

Ta'na pugu nen at eebe lebenogo pege, Keele pugu nen iyok irip nggeronggage,

Ayup 19:6

Ala nen aret maluk eerogo panege, Towe yiluk yaga nen yarogo pereegerak nogo paga yilunogo panege, Eekerak kineenu a'nip o.

Ayup 22:10

Kenggaanok nggerok yuwak nduk, Kenaagan-kambokan keele pugu wonage, Aaninggin alik negen abera'lek me koba age kenok, Kamineeri ne agan nage,

Ayup 5:5

Ineyabume anggen mbanak nogo aakumi mbi abu nen lek eerogo nunggwi, Iri'ngga alok enggela'me wonage kunduk, kalirubu pup eerogo nunggwi, Niyo abu eeginake menggi kwak, inamindik-inamendek kolaawok nduk, uugwe mbarit nugwi, Eekwi iigirak o.

Ndawi 35:8

Aberak lek me aaninggin inoba kwi'nage, An nake yum tugunogo pit nagaarak nogo paga It aret yerek-perek eeginake, Ndi, nake nggween kabunogo pegaarak nogo, It aret yobok togon wambunuk ineebe lek eerogo pakwi, Eeruwak o.

Ndawi 9:15

It yi aakumi ndi aakumi nen Wam labu pugu kwak nggween kabunogo pereegwam it aret yobok togon wanggwi, Ndi, keele pereegwam it aret iniyok nggerenggologwe, Eekaarak o.

Kini Wuppiige 29:6

Aap maluk mendek ambi nen maluk eerit nage paga keele pugu kwak eebe aret nggerenggolage menggerak kwe, Aap iniki abe koonak nogo perak, iniki ale'nggen nen ndawi warit nage menggerak.

Kini Wuppiige 5:22

Aap maluk mendek nen maluk eerit nugwi ti, keele pugu kwak me, inenggaanok nggerenggologwe, Ndi, it inobaalombok inomaluk ti nen keele kwak maarogo pakwi, Eeko menggaarak o.

Yetaya 24:17

Kit aakumi o nggween paga wonogwe yi wae. Kinamineeri ne agan noorak mendek ari wage, Labu pugu ambe pan ari wonage, Yilungginaburak keele pugu wonage, Eerak aret agaarik o.

Yetaya 24:18

Kinamineeri ne agan noorak oone ne ari kenok kole mbaganggo logonet, labu pugume wambit nogwe, Labu pugume nen lagit nanuk mbaganggo logonet, keele pugume nggelo-nggelo nogwe, Eerumunggup o. O mayu mbogut paga tu narak wonage nogo kuurogo wuppi wage, O nggween alom yarak nogo ndipuk eeke,

Yetikiyen 32:3

Aliku Itok Menggerak ALA nen yegerak nogo yi aret. “At eebe yonggo'naruwak nduk, Yi aakumi ndi aakumi ambik kuwak aago ninom nen yikwe yonggokak nayum mbiganogo oba nappumonggoorak yonggo'nage kenok, Nigogo niyo ambet paga wumbi woraagun o.

1 Timotiyut 3:7

Mippugwi iinok, maluk eeremenggerak paga aakumi nen abok mbanggwi iinok, pagi keele pugu enggaanok nggerok ari menggi kwak, Ibilit nen aap ti, togop aret iniki nomongge kero, it aap endekem mendek nen at eeke abok mbanggo logonet, “Aap ti, obaabut koonak aret o,” yogwe iinok mban mippuurak o.

1 Timotiyut 6:9

It aap, “Nineenggi warak eekkolaawok,” mbakwi iinok, Tile nen, “Nanonggwan aga o,” yinuk, iniki nggagangge kagak, pagi keele pugu paga enggaanok nggerok togon wake menggi kwak, it aap ti togop aret perak togon maluk eekwi, ndi, “Yi an neebe paga maluk eekkolage,” mbaka'lek iniki ugun nenet nugwi, eerit nugwi paga yobok togon yigeebu wanggo logonet, ineebe mondok wakkolaagun aret o.

2 Timotiyut 2:26

Ala nen togop eeppiige kenok, Ibilit mbake menggerak eeko logowak nduk, keele maarogo piyareegerak kagak, iniki warak a'nuk, keele nogo piinggo'nok wundi wogo logogun o.