Ayup 18:14 - Ala Wone Peenok Peebi Mbanak

¹⁴ Awi ugun obeelom aret wonage me, obaak yabok togon eerogo wumbege, Inamineeri naga unde wonage me, pi nage,

Ayup 18:14 ပူးပေါင်းရင်းမြစ်များ

Ayup 11:20

Togop aret kwe, It aap maluk mendek nogo aaninggin inoba age kenok perak, Inigen ogut aremenggaarak kwak logonet, Nggeeme mbaganubok, aganake kenok, Niniki worok togon kambuwok lak, Ao, yinuk, Iniki lunik ti mban aret agaarik o,” yinuk, yoreegerak.

Ayup 15:21

Agabiti mbariyak wone nogo mban aruk konenggak eeke, Niniki ugun obeelom wonage, Mbake kagak, It aap maluk eeppiiga nogo nen at oba kwi'nari unggwogwe,

Ayup 18:6

Awi paga eya aago wonage nogo yumaak age, Ndi wuninik ame tiyarogon pugu nogo noguk ari,

Ayup 20:25

Endok nogo nggiginogo mbo pugwi iigak, Maale ngget paga inamiya labunik wungge Inigen kenok inagabolo ne agan namenggerak me,

Ayup 24:17

It aakumi ti abok nen, O apit aago ti, O weege kwak, mba'nuk, inikilom mbakwi, O yumaak lombok paga nirik-kirik yogwe nogo ti, Inoreewi iniki kunik kwak eekwi, Eeko menggaarak o.

Ayup 27:18

Inawi ti, laa'nggi awi wurik kwak wurogo pugwi, Yabu yarak arum logorak inawooliya wukwi kwak wukwi, Eeppatinuk,

Ayup 41:34

It alik wogoppakwi abok aret inirimbaga nen inigen wuriya wagak nugwi, It iniki tiyappakwi nogo abok aret inoweewi inendagembogut it aret wonogwe, Eeko menggaarak o,” yinuk, yoreegerak.

Ayup 8:14

It aakumi ti, iniki lunik wonogwe nogo mbet-mbet lek age, Iniki panggonak wonogwe ti, laa'nggi awi kwak aret me,

Ayup 8:22

Ineebi kombakwi nogo inenggali mbakak nugwi, It maluk eeko menggaarak nogo inawi wurik lek aremenggerak kogwe, Eerugun o,” yinuk, yoreegerak.

Ndawi 112:10

It aap maluk mendek nen at eeke nogo, inigen kogo logomenggaarik, inanini mbakwi, Ineebi nen ineyak nggilik maakwi, Iniki andi eekko'net unggwogwe, Eeko logogun o. “Nit ambi eekkolaawok lak,” mbaremenggaarak kwe, Lek aret age logogin o.

Ndawi 55:4

Niniki aaninggin ndugu agan nage, Kambuurak nagabiti nen namineeri ne agan nage,

Kini Wuppiige 10:28

Aap iniki abe koonak iniki lunik wonogwe paga iniki ale'nggen aret mbako menggaarak kwe, Aap maluk mendek iniki lunik wonogwe ti perak, we aanom warogo aret iniki lunik menggaarak.

Kini Wuppiige 14:32

It aap maluk eeka nen maluk eerit nugwi paga it ineebe aret nggelenggologo menggaarak kwe, Aap iniki abe koonak nogo perak, kambemenggaarak kwe, obeelom eerit nugu logomenggaarak me, ineebe obeelom aret logogun o.