Ayup 17:13 - Ala Wone Peenok Peebi Mbanak

¹³ Aakumi kambunuk nogo menggam ti, Name aret o, yinuk, niniki lunik wonage, O apit me an nogo yegak ogobakkigirogo pake,

Ayup 17:13 ပူးပေါင်းရင်းမြစ်များ

Ayup 14:14

Aakumi kambunuk ineenik ari wogwe mbaken? Togop ee'netak en An eeke logorak koonak nogo yoboni wage kagak, aaninggin eerogo panege nogo, Lek ariyak nduk tokkage me,

Ayup 17:1

Namiya lek tit ee'nabit unggwage, An nda'nagagim abu aret lek age, Taambanuwam ambe pan ari wonage, Eerak wonage me,

Ayup 17:12

O apit aret kagak, noreewi nen, O liingge aret, yo'nugwi, O apit age kagak kwe, O eya ari wage agaarik, yo'nugwi, Eekwi kwe,

Ayup 3:13

Togop ee'nabenetak lek nen, An ugun niniki tayenak windak wonage, It o nggween paga yime inendagembogut inom, Aap wone koongga inom, nen inawi nggwok abe wurogo pugwi, Aap yo'nggok nen inamendek mbuti emas ambik wonage, Iname mbuti perak yagabit eerogo pugwi, Eeppunuk, Kanggo nogogwaarik, Yonggonggologwe wonogwe me, Ninom yonggonggolage logonet, nogo yege negen wonage, Eeke logonetak o.

Ayup 30:23

Kambunuk nogo menggam nappaniyak eeke, Ineenik logonuk kuwak eeri nogo menggam nappanege, Eeke nogo ti, neenu aret o.

Ayup 6:11

An nomaawi ngge paga ko wappunuk wonage, Ndi, irip paga nano eeppaniyak nduk niniki lunik wonage, Eeriyak mbaken?

Ayup 7:9

Ndugwi wonagaatik, lek arit nage menggi kwak Aap ambi aakumi kambunuk nogo menggam wambi nanuk iyokan lagi wage,

Ndawi 139:8

An kole mbogut paga lagi naminggirak kwe, Kat time aret wonage, Aakumi kambunuk nogo menggam nogome, “Ninom nogo yege a na o,” yinuk, naminggirak kwe, Kat time aret wonage,

Ndawi 27:14

Togop aret me, Kit nogo Aliku ALA tokkogwe, Kinogogumbuk eekkologwe, Kiniki nu'lek eeppatinuk wonogwe, Eeko logomonggotik, At Aliku ALA tokkogo logonip o.

Wone Alom Kibingga 12:5

Tu tiyarogon nugu logorak inagabiti mbariyak eyom aga'lek kagak, Tu nggwok paga noorak inagabiti mbariyak eyom aga'lek kagak, Eyo mbogombi ambit-mbit wariyak eyom aga'lek kagak, Wurin nabuk-kabuk noorak eyom aga'lek kagak, Iniki aganggen aganake lek ariyak eyom aga'lek kagak, Kame mondok-mondok logowam noorak eyom aga'lek kagak, Kerabun ndooniyak eyom awo ari naga'lek kagak, At ogobakkigirogo pagareegerak nogo abeke logot o.

Yetaya 57:2

It aap iniki koonak logonet eerit nugwi nogo iniki ugun tayenak menggam unggwogwe, Kanggo nagaatik, yonggonggologo menggam yonggonggola unggwogwe, Eeko menggaarak o.