Ayup 16:9 - Ala Wone Peenok Peebi Mbanak

⁹ At Ala anini nen nagabolo nibinik-ndelenak eerogo panege, Eebi lombok nomba'nuk, eyak nggilik maake, Eeke kagak, Ninom ogoorak nen inigen abi worarogo panugwi,

Ayup 16:9 ပူးပေါင်းရင်းမြစ်များ

Ayup 13:24

Alom nano paga kenete kumaakkolage, Ndi, Kat nawim o, yinuk, yo'nege, Eeke agandik?

Ayup 13:27

Niyok mbuti keele paga maarogo panege, Noorak mbariminggim nage me, kenegen wo'neren nage logonet, At iyok a'lip nombake logonok nduk, niyok nomonogo panege, Eeke menggendak o.

Ayup 18:4

Kalik nen aret kanini eekko'nok kiniki wakkolage me, Kalik kake nen it nggween paga wonogwe yi, mbo punuk mbaganggwi, Kat kake puut-puut obaane'me nen alik me ari nage, Eeriyak op me nduk, ari agandik?

Ayup 19:11

Anini kani omoonuk negen noba panege, At ti, nawim aret o, yinuk, ari, Eeke logonet,

Ayup 30:21

Nabuwa nombaka'lek nggwiirit nooke, Andi yagan waruwak o, yinuk, keenggi omaawi lombok paga noorit unggwage,

Ayup 33:10

Ala nogo nen, Maluk eekendak o, ari, Kat nawim o, yinuk, yo'nege,

Ndawi 35:16

Aap maluk mendek eeko mengga kwak meek eerogo panugwi, An neenok, inanini nen ineyak nggilik maakwi, Eekaarak o.

Ndawi 37:12

It aap maluk mendek nen it iniki abe koonak nogo Maluk eeppiyoorak wone koonogo pugwi, Inanini inombako logonet, ineyak nggilik maakwi, Eeko menggaarak kwe,

Ndawi 50:22

Togop aret me, Kit noba mari eerogo panugo monggotak yi, It ambi nen kinagap ndaka'lek kagak, An nen nibinik-ndelenak eerogo pinagage neyo, Wone kiniki liippogo logorak nogo yi o.

Leendawi 2:16

Kinom wim mbanak abok aret nen yonggokkabuwok nduk, inambe a aago wonogwe, “At eeppuurak niniki lunik wonogwe, Mandenom maluk eerogo puurak tokkogwe, Eeko nogogurak nogo Muk ari wagaarak me, Ninambe me muk yonggokoorak o,” yinuk, Meek eerogo pogo logonet, ineyak nggilik maakwi, Eeko agaarik o.

Leendawi 3:10

Beruang enaarak wonage, singa kiraarak wonage, Eeko nagaatik, it noorak mendek wage kenok, kok nggerembunuk, Nikkenok ku'mbanak me unggunuk nibinik-ndelenak eerogo mbo punuk mbaganggo mengga kwak, an neebe togop aret eerogo panege,

Oteya 5:14

It Eparayim mendek eeppiyoorak an singa kwak wonage, Ndi, it Yekura mendek eeppiyoorak an singa awooluk eyak ambik menggi kwak wonage, Eerak logonet, An nen it ando nibinik-ndelenak eerogo piinok, nggarek ari, Ando neyak nggereneren nage, Eerigin me, Aap ambi neyak me nen ndinigin lek aret, yegerak me, yokkiragi o,” yinuk, yoragagirak.

Oteya 6:1

“It nen yogo logonet, At nen nibik-nobak eerogo pinaneegerak kwe, obeelom eerogo pinanege, At nen yawi ninooreegerak paga ninawin agagerak nogo nggerenogo pinanege, Eerigin me, Ninomaluk mbo punuk, niniyokan at Aliku ALA mugurok nawok o.

Mika 7:8

Ninawim mbanak kit yi wae. Nit yigeebu wanggoorak wonogwe kwe, mi'nogwe, Nit o apit aago paga wonogwe kwe, Aliku ALA nen eya eerogo pinanege, Eerigin me, Nit eeppinanegerak paga, “Op eeppiigi,” yinuk, ninagi'ndok kambuurak mage o.

Nappiigak 7:54

Yoragagerak it wone amburu mbangga nogo inaruk konenggo nogogwaarik, inanini wu agan nage logonet, inambe mam kambumbunuk wonogwe iigak,