Ayup 16:13 - Ala Wone Peenok Peebi Mbanak

¹³ At awuri ineegin warak nen Nenaagan-nambokan karugum ne eerogo paniyak koongge, Nabuwa mbaka'lek napenggen polonogo panege, Nambiki tubunogo nggween paga nappege, Eeke logonet,

Ayup 16:13 ပူးပေါင်းရင်းမြစ်များ

Wakkagagerak 49:23

Aap yi nineebi o, yinuk, kooriyak nduk, Ineegin-inomaale li'luk ee'nuk wogwe, Inanini nen maale paga wondep wukkakwi, Eerumenggaarak kwe,

Ayup 19:12

Awuri ineegin warak aago nappiya wage, Kota oonda mbani ungguwok nduk, Ya'na wurit laganggo mengga kwak An togop aret eerogo panege, Nawi yendok-wandok kwi'nari ungguurak eeppiige,

Ayup 19:27

It aap alik nen mban lek o. An kunduk nenegen abe nen aret kaagin me, Kaakit lak, Ao, mbarit unggwage agarik o.

Ayup 20:25

Endok nogo nggiginogo mbo pugwi iigak, Maale ngget paga inamiya labunik wungge Inigen kenok inagabolo ne agan namenggerak me,

Ayup 25:3

At awuri ineegin warak aago ineenggi linggininaburak op mbaken? At yi o ndi o eya eeppege logonet, o ambit-ambi eya eeppegeelik mbaken? Abok aret eeppege menggerak me,

Ayup 6:10

Ti eeppanege kenok, andi kunik tit neegak, At kikak naka'lek abu obeelom menggerak wone yo'nege nogo, Neebi, mba'nuk mbo pega'lek logonet kanggi o, Yinuk, kangge logominggirik, niniki kwi'nage, Nale'nggen nen mbo laganggak ari, Ee'netak o.

Leendawi 2:11

An nanebunu mendek inenggaawak lek ogwe, Inapuri wologwe komologwe inom, elege ngget ndarak inom, o kota tu paga tu paga time inambuluk pit nogwe, Eekwi ti paga Le ari logonet nenegen piirogo panege, niniki andi lombok ee'nake, niniki awi lik-lek eerogo panege, Eeke agaarik o.

Leendawi 2:4

Aap inawim negen a'nuk, omaale eegin agale paga lumbunuk abinak lan agan nutik wage kwak eeri wage, Inom ogoorak nen inooko mengga kwak, inooriyak inikilom mbaketak nogo aret inoorit nage, O Tiyon Aagalukwe awooliya wurik paga kani kunik negen anini oba kilirogo pege, Eereegerak o.

Leendawi 3:13

Maale ta'mbanak eenggime wonok nege nogo paga ninikime polonogo paneegerak.

Yetikiyen 5:11

At nen ogole warak ogut eerak an nawi abu alik leenak wurik me mambege logonet, maluk eerogo pege, ogole warak mendek eerit nogo logowak nduk teppiige, eeke paga an nen obeelom eeppege, abuwa mbake, abuwa nen teppege, eeke nogo, ambinom eeppege logogin lek o, yinuk, Neenik Naliku Nitok Minggirak an ALA nendage kumbatinuk, yagi o.

Oroma 8:32

At Ala aput ambolom aret kwe, ili yuulik nit abok ninake waruwak nduk wuppi wagagerak nogo nen aput wo'niragagerak nogo ndak-ndak, yi mendek ndi mendek ngginu-ngginu eerogo wo'niraagin lek nduk yogo ogotik?

Pelaareegerak 29:20

Ndi, aap togop eerigin nogo ti, at Aliku ALA nen omaluk lek eerogo pigin mondok lek aret o. Ata, Aliku ALA nen, Aap ti neebi o, yinuk, anini kani omoonuk negen at oba pege logomenggerik, pulunogo piyoorak wone mbuku yi paga liiru mbanak wonage nogo abok aret at oba kwippege logomenggerik, endage o nggween paga yime nen lek eerogo pigin o.

2 Peterut 2:5

Ndi, it aakumi maan aa'nduk o nggween paga yime logonet, maluk eeko mbareegwa, Ala inabuwa nen teppiyareegerak mbakop? Lek o. Mayu wuppi wagagerak nogo paga niyo yenggenit lagangge logonet, it aakumi Ala ineebi mba'nuk, maluk eekwi nogo tigitogon inooke kagak, “Kit maluk eeriyak mage o. Ata, obeelom mban eerit nogo logonip o,” yinuk, Ala wone yorage nagagerak aap Nu nogo, akwe-apuri inom ineebe 8 mban inagap ndareegerak nogo lek a?