Ayup 16:11 - Ala Wone Peenok Peebi Mbanak

¹¹ Ala nen neebe waganogo aap maluk mendek wogorage, Aap maluk eeppiiga ineenggime tek eerogo panege,

Ayup 16:11 ပူးပေါင်းရင်းမြစ်များ

Ayup 10:3

Aap maluk mendek iniki koonggo menggaarak nogo Kinikilom mbake logonet, Kat nen ogobakkigi'nabeegindak nogo, Aap maluk aret o, yinuk, mbo panege, Keebi lombok nombake logonet Aan lebe eerogo panege, Eeke ti, Op eeke, mba'nuk eeppanege agandik?

Ayup 16:10

Aakumi nen, Kayik a! yinuk, nagi'ndok kanggwi, Meek eeppanggo logonet, nagandin telak nookwi, It apit nen inoone yi-wu yo'nugwi, Eeko agaarik o.

Ayup 16:12

Neebe-niniki ugun tayenak wonage neegak kwe, At nen nagabolo nibik-nobak eerogo panege, Nenggaanok nggerok togon eeppaninuk, yombak togon eerogo nappanege, Omaale paga nabut mbangge,

Ayup 19:22

Ala nen mu'neren wage menggi kwak, Kit nonggop nduk mu'neren wogo ogotik? Neebe nibinogo nenet mban nugwi yi, Ndonggoppinaga'lek ya?

Ayup 19:6

Ala nen aret maluk eerogo panege, Towe yiluk yaga nen yarogo pereegerak nogo paga yilunogo panege, Eekerak kineenu a'nip o.

Ayup 2:7

Yoge mbareegi, Tile nogo Aliku ALA owagam nen wundi nanuk, Ayup wonage me nage nagagerik, Ayup nogo iyok me nen nugwa anobak kuli aret piirik-kunik obari maluk lombok eeppereegerak.

Ayup 27:2

“At naana'le liirogon mbanggeelik eenik menggerak Ala endage paga, At niniki andi lombok eerogo panggerak Omaawi Lombok Menggerak endage paga, Wone ambi yokkira o.

Ayup 40:8

Aakumi eekwi an nen a'me nggelok eeppiige nogo, Kat nen meek eerogo pege, Kaana'le mbanggolage logonet, Kat maluk eeppanggendak o, yinuk, an yo'nege, Eeke nogo ti, Op aret mbaken?

Ayup 9:24

Ndi, nggween yi, Aap abet mbaka'lek ineenggime piige logomenggerik, Aap inowak loongga nen wone abe koonggwi iyo, Inigen mbuk kwak eerogo piige, Eeke menggerak o. Ti eerit nogwe nogo ti, At Ala nen eerulik mbakendak kenok, Ta nen eekerak me nduk ari agandik?

Ndawi 27:12

It aap apit aret mi'nogo nagaarik, pilit-pilit, “Togop eekendak o,” yinuk, yo'nugwi, Iniki aagi paga, “Ndogop eeppagagun o,” yinuk, yo'nugwi, Eekwi me, It eeppaniyak uugwe mbakwi nogo Ineenggime paniyak mage o.

Ndawi 31:8

Kat nen neebe waganogo Ninom wim mbanak ineenggime panulik O tini nggwok obeelom me niyok yarogo panegendak o.

Ndawi 7:14

It maluk eeriyak koonggo nagaatik, pilit mban pugunit nugu menggaarak nogo ti, Kwe ambi elege logongge nagaatik, abila a'nuk yagan warogo ndake menggi kwak aret o.

Yaya 19:16

Yogo mbareegwa, at Pilatut nen Yetut eyo karo-karo aago paga nabenogo puwak nduk, wogoragagerak. Wogorage mbareegi, Yetut piganok nogogwaarak.

Oroma 11:32

At Ala ninabuwa nen teppinangge menggerak nineenu aruwok nduk, nit aakumi abok aret, “At oone woorak nineebi,” mba'nuk, alik eeko logowok nduk, keele maarogo negen pinaneegerak o.

2 Korindut 12:7

Alik tam warak aakumi kogolik mendek nenegen kagagirak nogo paga, “An iya o,” yinuk, wogoppatit nage neyo, Ala nen andi ambi nagabolo paga alok negen ngguurogo paneegerak ti paga Ibilit awot ambi wage nagagerik, wogoppake neyo, nenggali wappanegak mban eeke menggerak o.

1 Tamuwen 24:18

Aap inawim inom lambunggwi kenok ti, abu teppiigulik mondok aret inooko menggaarak kwe, at Aliku ALA nen neebe waganogo kat keenggime pagagerak kwe, an noorulik, Obeelom aret eeppagagirak, yogondak yo'negendak nogo ti, abet aret o. Abet aret me, kat yogondak eeppanegendak onggo at Aliku ALA nen aret wokkege logogin o.