Ayup 15:4 - Ala Wone Peenok Peebi Mbanak

⁴ Koone ari ti paga Kat Ala kagabiti mbake nogo, lek eerogo pake, Abet mba'nuk Ala mugurok nage nogo, non mbanogo pake,

Ayup 15:4 ပူးပေါင်းရင်းမြစ်များ

Ayup 15:3

Inaana'le mbanggologo logonet, wone we aanom warogo yogwe, Wone alom lek kagak yogwe, Eeko logorak mbaken?

Ayup 15:5

Komaluk nen kiniki nggagangge kagak koone ari, Inoone amburu ndik-ndik agan nugwi kwak agan nege, Eeke agandik.

Ayup 5:8

An aaninggin noba a'netak nen Ala nggino yoge, Ndi, an ee'nabenetak nen, Yogop ee'nakerak o, yinuk, paganogo yoge, Ee'netak o.

Ayup 6:14

Aap ambi ore iniki ma'nagaarak nogo abuwa mbaka'lek mbo pege kenok, At Omaawi Lombok Menggerak nogo aret Ayuk wuka'lek mbo pege menggerak o.

Ndawi 119:126

Kaliku ALA wae. Koone yugu Muta liiru mbaneegerak nogo Tagambunuk alik eekwi me, Kat eeppiyoorak eyom muk panggoni wagaarak wonage o.

Oteya 7:14

It nen, Ninogoba yeenggwa niret o, yinuk, iniki abe paga yo'nugwi lek o. Ata, an mbo paninuk, gandum inom, anggur amburu ngget toolak inom, Inambik inagugi nen wo'niraawak o, yinuk, It nogo yogo menggam logonet le yogwe, Ineebe nggawi penek eerogo pakwi, Eeko menggaarak o.

Amot 6:10

Kanggwi iinok, inowe-inawot nen wogo logomenggaarik, ineebe kambemenggaarak nogo, oome time nen wogoren wundi nogo logonet, aap kangga'lek awo kiraarak wonage kero yogwi, “It aap eegu ineenik o yime ambi wonogwe ilik?” Yogo mbaremengga, at nen, “Lek o,” ari kenok, it nen at yogwi, “Koone yugun o. At Aliku ALA endage kunduk ari mage o,” yinuk, yorugun o.

Lukat 18:1

Ti yorage nagagerik, aakumi anggon-panggon eeginaka'lek tamban mban eeko logowak nduk, Yetut wone yi, eegu laarogo at oone waganggwi nogo yorage logonet,

Oroma 3:31

Ti kenok, nit abet mbakwi ti paga nen wone Muta yoreegerak nogo taganogo pugwi mbakop? Lek o. Wone ti aret omaawi eerogo pogo ogoorik o.

Nggalatiya 2:21

Wone Muta yoreegerak nogo, nit eekwi paga, “Aap yi, oba lek o,” yinuk, obeelom eerogo pinaniyak op mba'netak en, Keritut we aanom warogo ninake kambeegerak mba'netak o. An mbo pereegirak nogo obaane'me eeke paga Ala iniki kunik en eeppinaniyak kooneegerak nogo, meek eerogo pukwak, an togop eerigin abu lek o, noreewi.