Ayup 15:30 - Ala Wone Peenok Peebi Mbanak

³⁰ O apit ari wage menggi kwak, Aaninggin at oba kwi'nari wage kenok, At mbaganiyak meek aret kaagin o. Eyo agarip wunggetak nogo Kani nen yagangge menggi kwak, at togop aret age, Ala ambebubu paga lek eerogo pege, Eerigin me,

Ayup 15:30 ပူးပေါင်းရင်းမြစ်များ

Ayup 15:22

O apit kwak aaninggin oba wonage nogo, Lek eerogo patigin lek logogin aret me, Ao, mbake, Wooluwak paga noorugun punik aret mbake, Eeke agaarik o.

Ayup 15:23

Towe ya'ngge-ya'ngge nen nenggaanggum nookwak, yinuk, yagak-ndagak nege, O kiip ari wage menggi kwak, at eeppuurak panggoni wage eenu me tokkage, Eeke agaarik o.

Ayup 15:34

It aap maluk eeka mendek nen inapuri ndaganaka'lek kagak kanggwi, It aap inawone op mbanuwak nduk wu wogorogwe nogo, inawi wurik kani nengge, Eerigin o.

Ayup 18:16

Eyo omanggen nggween abu'na mbuk age, Eno'mbak wiganak teebat age, Eeke menggi kwak, At togop aret arigin o.

Ayup 18:18

O eya me nen mugogo o apit me nappege, O nggween paga yime nen, Nak o, yoge, Eerigin me,

Ayup 20:26

Yi mendek ndi mendek kuwak eerogo patemenggaarak nogo lek age, Kani alik nen nengge menggerak mendek nogo nen at eebe aret nengge, Inaaganapuri iname wonogwe nogo ineebe inom abok aret nengge, Eerigin o.

Ayup 22:20

Ninom ogoorak mendek lek eerogo piige, Inamendek abok aret kani nen nengge, Eekerak o, yinuk, yogwe, Eeko agaarik.

Ayup 31:12

Ti eeke logonetak nen Kani pup eerogo nengge menggi kwak, An togop aret eerogo panege, Ndi, kuwak eerogo pigirak nogo kunduk, Mondok lek eerogo pege, Ee'netak o.

Ayup 4:9

It aakumi ti, Ala ambebubu paga lek eerogo piige, Anini nen enete aagi paga mondok inenggaawak lek eerogo piige, Eeke menggerak.

Ayup 5:14

O liingge kagak o apit inoba kwi'nage me, Liingge paga oonikiya kwak ineenggi nduk nugu menggaarak o.

Yetaya 11:4

Ata, Ala yegetak ndak-ndak aap tebenak mendek inowak loongge, It aap ineenggi lek nogo eekaatak a'me nggelok inawone mbanogo piige, Eeke logogin o. Muun obate mbanak paga inooko mengga kwak, At nen wone yorage paga aakumi o nggween yi paga wonogwe nogo koonogo piige, Ndi, ambe aagi paga aap maluk mendek mondok lek eerogo piige, Eeke logogin o.

Yetaya 30:33

At aap endagembogut Atiyut mendek nogo kani kuniyak ake aa'nduk muk pipuk eerogo pereegerak wonage o. Ti eerogo pereegim nogome inikime teberogon kabunik wonage, ambe wiganak lombok wonage, Kani wurik mban yagabit aago wonage, eerak me, kani kunik kwindagala eerogo nagake menggi kwak, Aliku ALA ambe aagi nappemenggerak paga kani logonak nogo abok aret wunuk yigin o.

Oteya 6:5

Togop me, it aap an yorage neegak yoraga nen inoone andiigwi yorogo logowak nduk nappiya wage, Noone ari minggirak paga nen inoorogo negen piige, O yabok aakumi inoba pindanogo piige menggi kwak, eekaatak onggo eeppiyoorak koonogo pigirak nogo ti, togop aret inoba kwippiige, Eereegirak o.

Matiyut 22:13

Oone lek puk age mbareegi, aap endagembogut nogo nen awuri yorage logonet, Aap yi, eenggi-iyok keele maarogo endekenggwe o apit me leenggu maakwi, ineyak nggilik maakwi, eeko menggam time wumbinip, yoragagerak o.

Matiyut 25:41

Yorage logominggirik, ti'nuk, it neenggi kwaare'nggan piyaminggirak nogo yorage logonet, Kit Ala nen pulunogo pinagareegerak yi, an mbi abu ee'nake me, mbi wo'nugwi, yi abu ee'nake me, yi too'niri nogwe, aap nggiru me, wo'nakwi, nayum yirik lek me, nayum yippanugwi, andi warak keele maarak me, pe'neya nogwe, ee'nako logolik me, yime nen wundi nogo logomonggotik, at Ibilit inom, at awuri apit inom, kani omoonuk wunuk mban ari menggim an nogoba nen ogobakkigirogo piyareegim nogome aret nanip o, yinuk, yoraagin o.

Matiyut 8:12

it ando, Ala abu'me pinaniyak nit aret, mbakwi nogo perak, ineebe o apit me endekem time mbo nappiyamenggerak logonet, leenggu maakwi, ineyak nggilik maakwi, eeko logogun o, yinuk, yokkiragi o,” yoragagerak.

2 Peterut 2:17

Aap ambi nen ogoba abu'me logonet, aruk konok mban eeke menggi kwak, it aap pilit pugunggo menggaarak ti nen maluk eeriyak aganake kenok, tebenogo pugwi lek eerit noorak mban aganake me, it maluk eekwi ti, ayeloman negen aret kwe, kagak, wogoppako logonet, it aap ngget iluk maluk eeriyak, “Nineebi o,” yinuk, mbo pegaarak nogo iniki nggaganggo logonet, “We ugun eeko logorak mendek kagak, nano nduk mu-mage mban yogo ogotik?” yinuk, iniki nengge nogo mban mugurok nawak nduk, inikime manabit nogo menggaarak me, wone alom lek kagak, ugun yorogo menggaarak o. It aap ti, niyo eneeri poronak kwak logonet, inoone o wiya nen ameraakot wonok nage menggi kwak yogo menggaarak me, at Ala nen o apit me logowak nduk, inake ogobakkigirogo pereegerak wonage agaarik o.

Yurat 1:13

niyo kilaarak-mogonik eeke logonet, eyak-nggoyak eerogo nippit wage menggi kwak, it aap ti, eekulik mendek kagak togop aret ugun-ugun eerit nugwi, ndi, laaluguragan inobaane'me lombok wonogwe iigak, ambiret ambi nggigik togon, pinda agan lek ari nage menggi kwak, eerit nugwi, eeko menggaarak me, at Ala nen o apit aago me mondok-mondok logowak nduk, inake ogobakkigirogo piyareegerak wonage agaarik o.

Wayu 19:15

Inom nogo logonet, at yi aakumi ndi aakumi inanebunu lombok abok aret tebenogo piyoorak nduk, paloowi ngget ambik ambeme nggelenak wonok nage logonet, tebenogo piinok, mbim obate mbanak ineenggime logonet, inoone omaawi paga yorogo mengga kwak, at oone omaawi paga wone lengganogo yorage kagarak. At omaawi lombok menggerak Ala anini nen aakumi eeppiyoorak nogo ti, anggur amburu aambiranggo mengga kwak aret me, at nogo nen aakumi togop aret aambiranogo piinet nage kagarak.