Ayup 15:24 - Ala Wone Peenok Peebi Mbanak

^24-26 At Ala warikit nduk eenggi miippunuk wonage, At Omaawi Lombok Menggerak nogo, nimbirak wakkaakit mbake, Anggeemu ku'mbin tabak lombok mulunggo'nok iniki aagi wuk togon nggare agan Ala owagam panggo yi nage, Eeke kenok, Aaninggin oba kwi'nage, agabolo ne agan nage, Eeke ti, Aap endagembogut wim eeriyak nduk, pipuk eerak wonage kenok, Inagabiti mbako mengga kwak, togop eeppanukwak nagabiti o, yinuk, agabolo ne eerit unggwage menggerak o.

Ayup 15:24 ပူးပေါင်းရင်းမြစ်များ

Ayup 15:20

Aap maluk ti, amineeri ne agan nage kagak kambi nage, Aakumi maluk eeppiiga ti, agabolo ne agan nage kagak, Yi tahun ndi tahun logorak punik nogo lek ari nage,

Ayup 15:21

Agabiti mbariyak wone nogo mban aruk konenggak eeke, Niniki ugun obeelom wonage, Mbake kagak, It aap maluk eeppiiga nogo nen at oba kwi'nari unggwogwe,

Ayup 15:23

Towe ya'ngge-ya'ngge nen nenggaanggum nookwak, yinuk, yagak-ndagak nege, O kiip ari wage menggi kwak, at eeppuurak panggoni wage eenu me tokkage, Eeke agaarik o.

Ayup 19:11

Anini kani omoonuk negen noba panege, At ti, nawim aret o, yinuk, ari, Eeke logonet,

Ayup 19:12

Awuri ineegin warak aago nappiya wage, Kota oonda mbani ungguwok nduk, Ya'na wurit laganggo mengga kwak An togop aret eerogo panege, Nawi yendok-wandok kwi'nari ungguurak eeppiige,

Ndawi 119:143

An aaninggin-paaninggin noba kwi'nage, “Nonggop eekkoloobok,” eerogo panege, Eeke kagak kwe, Koone, “Yogop ee'nu ndogop ee'nu,” yugu nogo Ti mban ninikilom mbake minggirak o.

Kini Wuppiige 1:27

O wiya nabuninuk wage menggi kwak, kinagabolo ne agan nawak nduk eeppinagi wage, O wiya oone pu warit wage menggi kwak, aaninggin-paaninggin kinoba ari wage, Nonggop eekkolaawi, yubagip nduk, eeppinagi wage, Kiniki lek-lek arumunggup nduk, eekkinabi wage, Eeke kenok, An nen miyuk-meya eerogo pinagage logogin o.

Kini Wuppiige 24:34

Aap yogoot kumaaka wage menggi kwak, keenggi lek eerogo pagarak koba ari wage, Aap eegin warak amendek wonok negeelik kwak, kamendek lek ariyak koba ari wage, Eeke kaamunggun o.

Kini Wuppiige 6:11

Aap yogoot kumaaka wage menggi kwak keenggi lek eerogo pagarak koba ari wage, Aap eegin warak amendek wonok negeelik kwak kamendek lek ariyak koba ari wage, Eerigin o.

Yeremiya 36:29

Ndi, Aliku ALA nen yegerak o, yinuk, it Yekura inowe endagembogut Yoyakim yoriyak nogo yi aret. It Yekura inowe endagembogut nen mbuku pirik-perek aago liiru mbanak ti, kani kumbunuk, at Yeremiya yoge logonet, Aakumi Mbaben mendek inowe endagembogut wage logomenggerik, o yi lek eerogo pege logonet, aakumi inom, inaanggumi inom, inenggaawak lek eerogo piyaagin o, yinuk, nonggop nduk, liiru mbanogo pegendak?”

Oroma 2:9

It yi aap ndi aap maluk eeko menggaarak abok aret andi-pandi aganake, aaninggin-paaninggin agago piige, eerigin nogo ti, it Yakuri mendek eeppiige logonet, aakumi endekem konenggulik mendek inom ndak-ndak eeppiyaagin kwe,