Ayup 15:16 - Ala Wone Peenok Peebi Mbanak

¹⁶ Aakumi ti, niyo nonggo mengga kwak, maluk eerit nogo logonet, Abu maluk ogole warak eeko menggaarak me, Abunuk maluk aret iige menggerak o.

Ayup 15:16 ပူးပေါင်းရင်းမြစ်များ

Ayup 15:17

Ala nen inanggween wogoragagim time it aap endekem mendek nen inenggela'me unggwi woraanuk, Iniki nomoninaka'lek iigak, Inombomini nen aap iniki warak yorogo mbareegwa, Kumaappuulik yo'nereegwaarak nogo mbininogo yokkege, Yi wone ndi wone kagarak nogo yokkege, Eerigin me, Yokkege neegak karuk konengge logot o.

Ayup 20:12

Inomaluk ti, inambe paga ombat abe kogwe, Inamuli abu'me kumaapporogo wonogwe,

Ayup 34:7

Aakumi niyo nonggo mengga kwak, Ayup nen Ala meek eerogo pege me, At kokwak aap ta wonage mbakop?

Ayup 4:19

It inawi nggabok nggween paga wurik me wonogwe, Inawi liirubu paga o eyak kwippunuk wonogwe, Tigit-tigit mbaaniigwi iigak kanggo mengga kwak, Mbet-mbet kanggwi, Eekwi nogo ti, Abunuk eeppiige logogin lek mbake agandik?

Ayup 42:6

Togop aret me, Nela nen yagarak o, yinuk, niniki wakkolage, Wun nanobak paga yumbunogo pake, liirubu paga lagak-mbagak ari, Eeke logonet, Noone maluk yagarak nogo ti, Ao, yinuk, mbo pigi o,” yinuk, yoreegerak.

Ndawi 53:3

Mbaketak kwe, lek aret o. It abok aret tu abe paga naga'lek Nomoninuk alik paga nogwe, It abok ambugwi aret ineraambe maluk lombok ogwe, Eeko logonet, It ambi obeelom eeriyak mbakwi, Ambiriluk ambi nen obeelom eeriyak mbake, Eekulik aret wonogwe iige menggerak.

Kini Wuppiige 19:28

Aap ambi eeke enegen kegetak kwe, piliret, “Eeke koolik o,” ari nogo nen a'me nggelok eeppiiga oone yugu nogo meek eerogo pege, Ndi, aap maluk mendek nen pilit wone mban nenet nege logonet inikilom mbake, Eeko menggaarak.

Titut 3:3

Nit kunduk, maan togop aret nineenggo'lek wi negen wonogwe, wone yo'niragaatak konengga'lek wonogwe, tu alik me nomo agan nogwe, aap ambi ayeloman yoge kenok, “E o,” yinuk, eeke menggi kwak, nit niniki nengge kenok eeriyak ninikilom mbakwi nogo mban eekwi, eeko nogogurak. Yi mendek ndi mendek eerit nogo logonet, maluk mban eekwi, neebi-keebi yogwe, nanini-kanini yogwe, ti mendek mban eeko nogogurak kwe,