Ayup 15:14 - Ala Wone Peenok Peebi Mbanak

¹⁴ Aap kikak naka'lek abu obeelom wonogwe, It kumi nen inaagalogwe nogo, iniki abe koonak aret ndaganakwi, Eeko menggaarak mbaken?

Ayup 15:14 ပူးပေါင်းရင်းမြစ်များ

1 Endagembogut 8:46

Aakumi maluk eekulik ambi wonogwe lek abok maluk eeka mban aret me, it kapuri maluk eeppagagwi nogo, kanini inoba piige logonet, ineebe waganogo inawim ineenggime piige keenok, keele maageren iname lombok o ndaanda ilik, koorok a, time aret piya namenggaarak

2 Mbinineegwaarak 6:36

Aakumi maluk eekulik ambi wonogwe lek abok maluk eeka mban aret me, it kapuri maluk eeppagagwi nogo, kanini inoba piige logonet, ineebe waganogo inawim ineenggime piige keenok, keele maageren iname lombok o ndaanda ilik, koorok a, time aret piya namenggaarak

Ayup 14:1

Kumi nen ndaganakaatak aakumi nogo ti, Inomaawi lek ndarak iigak, ineenik kuwagaluk aret me, Aaninggin inoba kagak nugu menggaarak o.

Ayup 14:4

Aap kiik aago ambi nen kikak naka'lek eekkoloorak op mbaken? Lek aret o!

Ayup 15:13

Kat kanini nen Ala mberege, Koone yuurak lek mendek mban wunabit nage, Eeke ti, Nonggop nduk eeke agandik?

Ayup 9:2

“Wone yagandak ti neenu me, abet aret yagandak kwe, Ala nen, Kat obeelom aret o, yuwak nduk, Aap kanggo menggaarak mendek ambi nen Oone omaawi paga Ala nonggop togon yoriyak?

Ndawi 14:2

At Aliku ALA mbogut paga nen Aakumi abok aret nggween paga wonogwe yi, Enegen wugiya wage logonet, “It ambi iniki warak a'nuk eerit nugwi, An mu'neren wogwe, Eekwi iyaamun ilik?”

Ndawi 14:3

Mbaketak kwe, lek aret iige menggerak o. It abok aret tu abe paga naga'lek Nomoninuk alik paga nogwe, It abok ndak-ndak ineraambe maluk lombok ogwe, Eeko logonet, It ambi obeelom eeriyak mbakwi, Ambiriluk ambi nen obeelom eeriyak mbake, Eekulik aret iige menggerak.

Ndawi 143:2

It aakumi o nggween paga wonogwe inenggela'me Aap ambiriluk ambi iniki abe koonak kat kageelik me, Kayeloman an yi, nowak looniyak mage o.

Ndawi 51:5

Nagalo inikime logonnage logonet maluk lenggenak wonage, Maluk alom ninikime kagak aret nda'nage, Eereegirak kagi o.

Kini Wuppiige 20:9

“An niniki abu kikak naka'lek wonage. An noba mbeenogo pakirak me, maluk eeka'lek wonage,” yinuk, Aap ta nen yuurak op mbakop?

Wone Alom Kibingga 7:20

O nggween paga yime aakumi maluk eeka'lek iniki koonak abu obeelom mban eeka wonogolik o.

Wone Alom Kibingga 7:29

Wone ambiriluk ambi an kagagirak nogo yi o. At Ala nen nit yi aap ndi aap niniki abe koonak logowok nduk, ogobakkigi'ninabeegerak kwe, nit ninalik nen aret yelawe-nggolawe eekko'net nogo monggoorak o.

Yaya 3:6

It aakumi nen ndaganakwi ti, it mendek aret o. Ndi, Aberiniki nen ndaganake nogo ti, at mendek aret o.

Oroma 7:18

An obeelom eerikit mbakitak kwe, eeriyak meek tit aga o. An aakumi aret me, ninikime obeelom ambi eeriyak ee'naka'lek aret neenu agarik o.

Nggalatiya 3:22

lek me, Ala nen eeppinaniyak yoreegerak nogo, nit niniki Yetut Keritut abet mbakwi paga eeppinanuwak nduk, tokkogo logonet, “It yi aakumi ndi aakumi abok aret maluk eeko menggaarak paga wam anggenogona narak negen wonogwe,” mbaruwak nduk, Ala nen yereegerak liiru mbanak wonage.