Ayup 14:3 - Ala Wone Peenok Peebi Mbanak

³ Togop aret iigak kwe, Kat Ala nen kenegen aap togop mendek pegiige, Kenaame piinok inowak looninake, Eeke menggendak o.

Ayup 14:3 ပူးပေါင်းရင်းမြစ်များ

Ayup 13:25

An nogo ti, O wiya nen eyoongga wonok nage kwak me, nagabiti mbake, Ameneno wonok nage menggi kwak me, mu'neren wage, Eeke ti, op mbaken?

Ayup 13:27

Niyok mbuti keele paga maarogo panege, Noorak mbariminggim nage me, kenegen wo'neren nage logonet, At iyok a'lip nombake logonok nduk, niyok nomonogo panege, Eeke menggendak o.

Ayup 22:4

Kat Ala kagabiti mbake paga at nen maluk onggo eeppagage, Ndi, kat aap obeelom aret o, yinuk, kowak loonogo aaninggin koba pagage, Eeke agaarik mbaken?

Ayup 9:32

At Ala ti, aap kwak logo me an nen wone onggo yoge, Owak loonggo menggam time ninowak loolon yogwe, Eeruwok lak, Aap kwak lek me, meek o.

Ndawi 143:2

It aakumi o nggween paga wonogwe inenggela'me Aap ambiriluk ambi iniki abe koonak kat kageelik me, Kayeloman an yi, nowak looniyak mage o.

Ndawi 144:3

Kaliku ALA wae. Aakumi ti, taani me nduk, kat nen liippiige, Aakumi inapuri ti, taamini me nduk, aberinake, Eeke menggendak o?

Ndawi 8:4

Nit aakumi yi, taani me nduk abe'ninake, Ndi, aap inapuri nit yi, taani me nduk, liippinanege, Eeke mbake minggirak?

Oroma 3:19

Ti kenok, Ala nen, “Yogop ee'nu, ndogop ee'nu,” yinuk, wone Muta yoreegerak nogo abok aret it woppunuk eeko menggaarak ti, inake aret nineenu me, it yi aap ndi aap o yime menggaarak abok aret inoone lek agago piinok, “Nit abok aret maluk eekwi onggo eeppinanigin kogo o,” yinuk, yelok kaawak nduk, wone Muta yoreegerak kogo ogoorik o.